2024-09-28 10:59
Информагентства
Human Rights Watch․ COP29-ը կանցկացվի ռեպրեսիվ պետությունում՝ ի դեմս Ադրբեջանի
Կառավարությունները, որոնք մասնակցում են ՄԱԿ-ի Կլիմայի փոփոխության 29-րդ ամենամյա համաժողովին (COP29) պետք է կատարեն մարդու իրավունքների պաշտպանության ոլորտում իրենց ստանձնած պարտավորությունները, հայտարարել է Human Rights Watch միջազգային իրավապաշտպան կազմակերպությունը:
Կառավարությունները, որոնք պատրաստում են իրենց ազգային կլիմայական ծրագրերը 2025 թվականին արտանետումների նվազեցման նպատակներով, պետք է երաշխավորեն, որ դրանք համապատասխանում են գլոբալ տաքացումը սահմանափակելուն: Հանածո վառելիքի արտադրությունն ավելացնելու ցանկացած ծրագիր անհամատեղելի է այդ նպատակի հետ:
Երրորդ տարին անընդմեջ է, որ COP-ն անցկացվում է ռեպրեսիվ պետությունում, որը խստորեն սահմանափակում է խոսքի և խաղաղ հավաքների ազատությունը:
Ադրբեջանում COP29-ին մասնակցող կառավարությունները պետք է պատրաստ լինեն փոխանցելու հստակ ուղերձ, որ կլիմայական արդար և հավակնոտ գործողությունները անկախ ձայների բովանդակալից մասնակցություն են պահանջում:
Ադրբեջանն ունի ավտորիտար իշխանություն, որը չի հանդուրժում այլախոհությունը և վերջին ամիսներին ճնշել է անկախ լրագրողներին և քաղաքացիական հասարակության ակտիվիստներին: Կամայականորեն ձերբակալվածների թվում են Ադրբեջանի նավթագազային հատվածը քննադատող հակակոռուպցիոն ակտիվիստը, և մարդու իրավունքների պաշտպանը, որը COP29-ից առաջ դարձել է Ադրբեջանում քաղաքացիական ազատությունները և բնապահպանական արդարադատությունը պաշտպանող նախաձեռնության համահիմնադիր:
Անկախ ակտիվիստների նկատմամբ Ադրբեջանի կառավարության թշնամական վերաբերմունքը մտահոգություն է առաջացնում՝ արդյոք քաղաքացիական հասարակությունը կկարողանա կառուցողական մասնակցություն ունենալ COP29-ին:
Նավթից և գազից ստացված եկամուտները 2022 թվականին կազմել են Ադրբեջանի պետական բյուջեի 52%-ը և արտահանումից ստացված եկամուտների մոտ 90%-ը։ Ապրիլին COP29-ին նախապատրաստվելու բարձր մակարդակի հանդիպման ժամանակ Ադրբեջանի նախագահ Իլհամ Ալիևը հայտարարել է գազի արդյունահանումը ընդլայնելու ծրագրերի մասին՝ հիմնականում ի պատասխան Եվրամիության շուկայի պահանջների:
Կառավարությունները Ադրբեջանին չպետք է թույլ տան չարաշահելու իր դիրքը որպես COP29-ի հյուրընկալող՝ հանածո վառելիքի ընդլայնման հետագա խթանման և կլիմայական ճգնաժամի դեմ պայքարի և մարդու իրավունքների պաշտպանության ջանքերը խաթարելու համար:
News.am
ПОСЛЕДНИЕ ОТ АВТОРА
-
New2025-05-09 10:25Азербайджан, по моему мнению, не является союзником России в Закавказье. Он — союзник Турции, причём не только в региональном контексте, но и в более широком смысле. Об этом в интервью агентству Новости Армении – NEWS.am заявил первый заместитель председателя комитета Государственной Думы РФ по делам СНГ Константин Затулин.
-
New2025-05-09 10:22Греческий алфавит, считавшийся возникшим в восьмом веке до нашей эры, теперь подвергается переоценке благодаря новаторским исследованиям, проведенным в Лейденском университете. Эта система письма произошла от более раннего финикийского алфавита и является самым ранним из известных алфавитов, в котором систематически записывались как гласные, так и согласные звуки, пишет Express.
-
New2025-05-09 09:5410 мая текущего года завершается прием заявок на сайте https://dimord.am для участия во втором - основном туре единых госэкзаменов 2025-2026 учебного года, в котором обязательно надо указать название вуза и выбранную специальность. Те, кто недоволен результатами первого тура (или предыдущего года), может попробовать свои силы в основном туре. Кстати, абитуриентам предоставлена возможность в 24-часовом режиме поменять свой выбор, если они решили указать другой вуз или специальность.
-
2025-05-09 05:40Заявление Всеармянского совета дипломатов: