2024-10-10 09:47
Информагентства
Էդուարդ ՇԱՐՄԱԶԱՆՈՎ․ ՓԱՇԻՆՅԱՆԸ ՄՈՍԿՎԱՅՈՒՄ ԼՌԵՑ, ՔԱՆԻ ՈՐ ՆՐԱՆ ԽՈՐԹ ԵՆ ԹԵ՛ ԽՍՀՄ ՀԱՅ ՀԵՐՈՍՆԵՐԸ, ԹԵ՛ ԱՅՍՕՐ ԲԱՔՎԻ ԲԱՆՏՈՒՄ ԳՏՆՎՈՂ ԱՐՑԱԽԻ ՀԵՐՈՍՆԵՐԸ
ՀՀԿ Գործադիր մարմնի անդամ Էդուարդ Շարմազանովը գրել է․ «Հոկտեմբերի 8-ին Մոսկվայում տեղի ունեցավ ԱՊՀ անդամ պետությունների ղեկավարների գագաթնաժողովը։ Մասնակիցների ճնշող մեծամասնությունը անդրադրձավ նաև Մեծ Հայրենականի հաղթանակի 80-ամյակի շրջանակներում իրենց ժողովուրդների դերին։
Ալիևն իր ելույթում խոսեց Սովետական Ադրբեջանի ներկայացուցիչների ու Բաքվի նավթի ներդրման մասին՝ Մեծ Հաղթանակի կերտման գործում։ Այնպիսի տպավորություն էր, որ ոչ թե Ժուկովն ու Ռոկոսովսկին են հաղթանակի մարշալները, այլ՝ Բաքվի նավթը։
Փաշինյանն իր ելույթում ընդհանրապես չանդրադարձավ հայ ժողովրդի ծանրակշիռ ներդրմանը Մեծ Հայրենականում հաղթանակի հասնելու մեջ։ Կար տպավորություն, որ նա որևէ կապ չունի ԽՍՀՄ ծովակալ Հովհաննես Իսակովի, ԽՍՀՄ մարշալներ Հովհաննես Բաղրամյանի, Համազասպ Բաբաջանյանի, Արմենակ Խամփերյանցի ու 114 ԽՍՀՄ հերոսների, ինչպես նաև Արցախի ու հարակից շրջանների 30 հայ ԽՍՀՄ հերոսների հետ։
Փաշինյանը անգամ չհիշատակեց հայոց փառապանծ Թամանյան դիվիզիայի հաղթական ուղին՝ հրամանատար Նվեր Սաֆարյան, որը Բեռլինը գրավելուց հետո ռեյխստագի պատերի մոտ պարեց հայոց հաղթական քոչարին։
Նա անգամ չխոսեց ԽՍՀՄ ղեկավարներից մեկի՝ Անաստաս Միկոյանի և նրա եղբայր՝ ՄԻԳ կործանիչի հեղինակ Արտեմ Միկոյանի ծանրակշիռ ծառայության մասին։
Նա բառ անգամ չասաց աշխարհահռչակ հայ արևելագետ, Էրմիտաժի տնօրեն, Խորհրդային Հայաստանի Գիտությունների ակադեմիայի առաջին նախագահ Հովսեփ Օրբելու մասին, ով Նյուրնբերգի դատավարության ժամանակ ԽՍՀՄ կողմից պաշտոնական վկայի կարգավիճակ ուներ։
Եթե Մոսկվայում ՀՀ-ն ներկայացված լիներ բանիմաց ու պետականամետ ղեկավարով, ապա նա պետք է Ալիևի «աչքը մտցներ» Ադրբեջանի վայրագությունները Մեծ Հայրենականի հայ հերոսների հիշատակի նկատմամբ։
Իսկ Ադրբեջանի վանդալիզմը ֆաշիզմին հաղթած հայ հերոսների նկատմամբ ակնհայտ է։
Արցախի օկուպացիայից հետո Շուշիում ադրբեջանցիները պայթեցրեցին ԽՍՀՄ կրկնակի հերոս, Լենինգրադի պաշտպան Նելսոն Ստեփանյանի հուշարձանը։ Ադրբեջանցի վանդալները ոչնչացրել են մարշալներ Բաղրամյանի, Բաբաջանյանի ու Խամփերյանցի հուշարձանները։ Նման ֆաշիստական գործելաոճ Ադրբեջանում ցուցաբերել են նաև Արցախյան առաջին պատերազմից հետո, երբ Ադրբեջանում ոչնչացվեցին Մեծ Հայրենականի փառահեղ հերոս-հայորդիների հուշարձանները։
Այս ամենի մասին Փաշինյանը լռեց…
Ինչու՞…
Քանի որ նրան խորթ են թե՛ ԽՍՀՄ հայ հերոսները, թե՛ Բաքվի բանտում այսօր գտնվող Արցախի հերոսները»։
ПОСЛЕДНИЕ ОТ АВТОРА
-
New2025-05-06 16:40Самый эффективный способ отстранить премьера Никола Пашиняна от власти – внеочередные выборы, считают около 40% граждан Армении. Об этом свидетельствуют данные телефонного опроса, проведенного MPG/Gallup International Аssociation с 29 апреля по 2 мая в Армении, приняли участие 1101 респондентов.
-
New2025-05-06 16:34По итогам обсуждений с Центробанком коммерческие банки начали замораживать кредиты, оформленные мошенниками на имя граждан. Об этом на пресс-конференции во вторник заявил председатель ЦБ Мартин Галстян.
-
New2025-05-06 16:29Национальное Собрание Армении в ходе голосования 6 мая отклонило предложение парламентской оппозиции о создании временной парламентской Комиссии по этике для расследования поведения депутата от правящей партии «Гражданский договор», главы постоянной Комиссии НС по обороне и безопасности Андраника Кочаряна в отношении журналистки Рипсиме Джебеджян.
-
New2025-05-06 16:17Если бы организации и СМИ Армении, финансируемые USAID, вели такую же деятельность в самих Соединённых Штатах, они были бы обязаны зарегистрироваться как «агенты внешнего влияния» или оказались бы в тюрьме, считает доктор политологии Стэнфордского университета Артур Хачикян.