2024-10-16 09:08
Информагентства
Հայ ժողովրդի պատմության դասագրքի գործով ԿԳՄՍՆ-ն պարտվել է դատարանում
Հայ ժողովրդի պատմության դասագրքի հետ կապված գործով Կրթության, գիտության, մշակույթի և սպորտի նախարարությունը պարտվել է դատարանում։ Այս մասին իր ֆեյսբուքյան էջում հայտնում է փաստաբան Արա Զոհրաբյանը։
Նրա խոսքով՝ նախորդ տարի ՀՀ ԿԳՄՍ նախարարը 7-րդ դասարանի Հայ Ժողովրդի պատմության երկու դասագիրք էր երաշխավորել գործածության համար: Մեկը Աշոտ Ղուկասյանի և Ա․Տերյանի հեղինակած «Հայոց պատմություն» դասագիրքն էր, մյուսը՝ մեծ սկանդալ առաջացրած «Մասնակցային դպրոց» ԿՀ միջգիտակարգային նախագծի շրջանակում Սմբատ Հովհաննիսյանի հեղինակած «Հայոց պատմություն» դասագիրքը։
«Նախարարը, տեսնելով հանրության և մասնագիտացված շրջանակի խիստ բացասական արձագանքը սկանդալային դասագրքի վերաբերյալ, և հասկանալով, որ դպրոցները և ուսուցիչները այդ երկու դասագրքերից սկանդալային դասագիրքը չեն կիրառի, խորամանկ և անօրինական քայլի է գնում: Չունենալով դրա իրավունքը՝ արդեն իսկ հաստատված Ղուկասյանի դասագիրքը ներկայացրել է կրկնակի փորձաքննության և հրամանով հանել է գործածությունից՝ դպրոցների և ուսուցիչների համար թողնելով միայն մեկ տարբերակ՝ սկանդալային դասագիրքը»,- նշում է Զոհրաբյանը։
Փաստաբանները հայց են ներկայացրել Վարչական դատարան, և այսօր դատարանը վճռել է ճանաչել նախարարի հրամանի (Ղուկասյանի դասագիրքը գործածությունից դուրս թողնելու վերաբերյալ) ընդունման արդյունքում ծագած իրավահարաբերության բացակայությունը:
Սա նշանակում է, որ դպրոցները և ուսուցիչները կունենան 7-րդ դասարանի «Հայոց պատմություն» առարկայի դասագրքի այլընտրանքային տարբերակ:
Զոհրաբյանը հայտնում է, որ Վարչական դատարանում քննվում է նաև սկանդալային դասագիրքը երաշխավորած նախարարի հրամանի վիճարկման գործը:
Դեռ այս տարվա փետրվարին հայտնել էինք, որ Արա Զոհրաբյանը մի շարք ծնողների հետ հայց է ներկայացրել ԿԳՄՍՆ–ի դեմ հայտնի սկանդալային դասագրքի համար։
Դասագիրքը խոտանելու պահանջով նաև բողոքի ակցիաներ էին իրականացվում ԿԳՄՍՆ-ի մոտ։
Sputnik Արմենիա
ПОСЛЕДНИЕ ОТ АВТОРА
-
2025-06-08 10:05От фракции «Честь имею» НС представлено предложение о выражении недоверия премьер-министру, а в качестве кандидата на пост премьер-министра выдвинут член Совета РПА Давид Амбарцумян.
-
2025-06-07 17:39Фракция «Честь имею» Национального собрания представила предложение о выражении недоверия премьер-министру и в качестве кандидата на пост премьер-министра выдвинула члена Совета РПА, руководителя общины Масис Давида Амбарцумяна.
-
2025-06-07 15:17Турецкая полиция задержала группировку из 20 человек, обвиняемых в краже более 1,1 миллиарда турецких лир (29 миллионов долларов) со счетов иностранных туристов, отдыхавших на турецких курортах, передает госагентство Anadolu.
-
2025-06-07 15:14Более 14 тыс человек пострадали в первый день Курбан-байрама, получив ранения во время закалывания жертвенных животных, сообщил в X министр здравоохранения страны Кемаль Мемишоглу.