Последние новости
2024-10-18 10:25

ՀԵԾԱՆՎՈՐԴԸ ՇԱՐՈՒՆԱԿՈՒՄ Է ՃԱՆԱՉԵԼ ԱՇԽԱՐՀԸ

0
Telegram

Հեծանվային զբոսանքներն ապարդյուն չանցան. Հայաստանի վարչապետ Նիկոլ Փաշինյանը շարունակում է ճանաչել աշխարհը: Եվ դա հիանալի՛ է:

Կառավարության վերջին նիստում նա հարց տվեց. «Էդ ո՞վ ա թողնելու Բրյուսելում իրա կյանքը, հանդարտ՝ մեր չափանիշներով, գալու, գնա ապրի, ասենք, ենթադրենք, Մովսես գյուղում՝ կրակոցների տակ»։

Ո՜նց ասաց, է, կեցցե՛։ Ի՜նչ հիասքանչ հարց ուղղեց վարչապետը կառավարության անդամներին, որոնք ի պատասխան բազմանշանակ լռեցին։ Քանզի գիտեն, որ երբ վարչապետի խոսամոլությունը բռնում է, պետք է լռել ու ձևացնել, թե ուշադիր լսում ու եզրահանգումներ են անում։ Ոմանց մոտ լավ է ստացվում, ոմանց մոտ՝ ոչ այնքան։

Իրականում հարցը արդիական է։ Միայն թե այդ հարցից եզրահանգումներ պետք է անի առաջին հերթին հենց ինքը՝ աշխարհ ճանաչող վարչապետը։ Իսկ հիմնական եզրահանգումն ակնհայտ է. կառավարության հիմնական խնդիրը իր քաղաքացիների անվտանգությունն ապահովելն է։ Ամենագլխավոր խնդիրը, որի լուծման համար էլ մարդիկ ըստ էության սկսել են միավորվել նախ ցեղային միություններում, իսկ հետո ստեղծել պետություններ։ Եվ իր հենց այդ գլխավոր խնդիրն է Փաշինյանի թիմը շռնդալից ձախողել։

Քանի՞ հազար մարդու մահ կա Փաշինյանի թիմի խղճին։ Քանի՞ տասնյակ հազար անօթևաններ։ Եվ այդպես շարունակ, և այդպես անվերջ, չենք խոսում արդեն երկրում հանցավորության մակարդակի աճի, տարիներ շարունակ կառուցված անվտանգության համակարգի ոչնչացման, թմրամոլության աճի և այլ «մանրուքների» մասին։

Բայց դրա համար էլ ասում ենք. պետք է հեռանա՛ս, Փաշինյան։ Եվ հանձնես իշխանությունն ընդդիմախոսներիդ, ինչպես դա արեց Սերժ Սարգսյանը 2018-ին։ Նույն սցենարով, չխաղալով ժողովրդավարություն, «ժողովրդի մանդատ» և այլ անհեթեթություններ։ Այո, նախկինների խղճին էլ շատ մեղքեր կան, ճիշտը խոսենք, բայց դրանք բացարձակապես անհամեմատելի են այն ամենի հետ, ինչ արել և շարունակում ես անել դու: Հայաստանի հանդեպ քո իբր մեծ սիրով, քո իբր հայրենասիրությամբ, քո իբր «դուխով» և մնացյալ ամենով, ինչով առ այսօր թլսորում ես դյուրահավատ քաղաքացու գլուխը։

Իսկ բացի այդ, շարունակելով աշխարհը ճանաչելու գործընթացը՝ վարչապետը հայտարարեց, թե երկրի բնակչության զգալի մասն իր գլխավոր խնդիրը տեսնում է նրանում, թե ոնց անի, որ իր որդին բանակում չծառայի։ Դա, շարունակում էր բացել կառավարության անդամների աչքերը Փաշինյանը, ազդում է նաև ժողովրդագրական ընդհանուր պատկերի վրա, քանի որ մարդիկ հայրենիքի հանդեպ իրենց ժողովրդագրական պարտքը կատարելուց առաջ մտածում են. մի բան է բանակից ազատել մեկ որդու, այլ բան՝ չորսի։

Այսպես խոսեց կառավարության նիստում վարչապետը, որը չի ծառայել բանակում, որովհետև ծառայել են իր եղբայրները։ Այդպես խոսեց կառավարության ղեկավարն իր կառավարման շրջանում մարդկանց տրամադրությունների մասին։

Բայց եթե ցանկանար հասկանալ այդ տրամադրությունների պատճառները, ապա կարող էր պարզապես խնդրել, որ ձեռք բարձրացնեն կառավարությյան այն անդամները, ովքեր ծառայել են հայկական բանակում։ Իսկ հետո հաշվեր նրանց իր մի ձեռքի մատների վրա:

Այնուհետ նույն կոչով կարող էր դիմել իր խմբակցության պատգամավորներին։ Եվ կստանար մոտավորապես նույն արդյունքը: Արդյունք, որը շատ բան է ասում խոսամոլների այն քաղաքական թիմի մասին, որի ձեռքին է այսօր Հայաստանի ղեկը։

ПОСЛЕДНИЕ ОТ АВТОРА

  • ПОДАРОК ПРЕМЬЕРУ ОТ ЕВРОПЕЙСКИХ ГЛОБАЛИСТОВ
    2025-05-24 11:57

    От главы МИД России Сергея Лаврова узнали, что в 2026 году Армения намерена принять очередной саммит Европейского политического сообщества - форума, задуманного как площадка общеевропейского политического диалога на уровне лидеров, за исключением России и Беларуси. А уж после Лаврова от Пашиняна узнали, что пройдет форум весной 2026 года: впритык к очередным парламентским выборам.

  • ГРАНТОЕДЫ НА ДИЕТЕ
    2025-05-22 12:15

    Откровения надо ценить, независимо от того, от кого они исходят. Особенно, когда откровение - на публику, ведь это означает, что человек делится со своим сокровенным. Вот так и Арам Завенович от партии «Республика» поделился у Петроса сокровенным, тем, что очень наболело.

  • «БАСТИОН» ВО ВСЕЙ КРАСЕ
    2025-05-21 12:14

    Встречать главу МИД России Сергея Лаврова плакатами «Путин - убийца» - это, конечно, было круто. Ну да, ну да, официальный Ереван «ни при чем». Совсем-совсем. Эти плакаты надо рассматривать исключительно в контексте прав человека, свободы совести, слова и всех остальных мыслимых и немыслимых свобод, процветающих в «бастионе демократии». Ну да, не власть развесила антипутинские плакаты, а партия «Во имя Республики» Армана Бабаджаняна. Партия, которую власть опекает и лелеет. По-отечески: любовно-снисходительно к ее мелким шалостям.

  • ЭРАТО ВСТУПИЛА НА ТРОПУ ВОЙНЫ
    2025-05-21 10:02

    Последние дни социальные сети зашкаливает общественное возмущение записями Анны Акопян. Что послужило триггером, трудно сказать, но лексикон Анны Акопян заблистал чрезвычайно яркими красками, и она дала волю фантазии в привлечении оскорбительных эпитетов своим оппонентам.

ПОСЛЕДНЕЕ ПО ТЕМЕ