2024-10-21 09:14
Информагентства
Հայաստանն անընդունելի է համարում արտատարածքային որևէ միջանցքի առկայությունը
Հայաստանն անընդունելի է համարում արտատարածքային որևէ միջանցքի առկայությունը, իսկ հաղորդակցային ցանկացած ուղի պետք է գտնվի տվյալ երկրի ինքնիշխանության և իրավազորության ներքո, գործի հավասարության և փոխադարձության սկզբունքների հիման վրա:
Այս մասին «Իսնա» լրատվական գործակալությանը տված հարցազրույցում հայտարարել է Իրանում Հայաստանի դեսպան Արսեն Ավագյանը մեկնաբանելով, այսպես կոչված, «Զանգեզուրի միջանցքի» մասին Բաքվի հայտարարությունները։
Նրա խոսքով՝ տրանսպորտային և տնտեսական հաղորդակցությունների ապաշրջափակումը Հայաստանի կառավարության առաջնահերթություններից է և տարածաշրջանում խաղաղության ու կայունության հաստատման կարևոր երաշխիք:
«Հայաստանի այս պատկերացումները ոչ միայն լիարժեք փոխըմբռնման են արժանացել Իրանում, այլև Թեհրանից ամենաբարձր մակարդակով շարունակում են հնչել հրապարակային հայտարարություններ Հայաստանի տարածքային ամբողջականությունն ու սահմանների անձեռնմխելիությունն անվերապահորեն հարգելու անհրաժեշտության վերաբերյալ»,-- նշել է Ավագյանը:
Դիվանագետը շեշտել է, որ Հայաստանը պատրաստ է լիովին ապահովել իր տարածքում բեռների, տրանսպորտային միջոցների և մարդկանց երթևեկության անվտանգությունը: Ավելին, Երևանը բազմիցս հայտարարել է, որ պատրաստ է Ադրբեջանի և Նախիջևանի միջև կապ ապահովել հենց այն պայմաններով, որոնք ապահովում է Իրանը։
Նա նաև անդրադարձել է «Խաղաղության խաչմերուկ» նախագծին, որն ուղղված է տնտեսական ուղիների ապաշրջափակմանը, տարածաշրջանի երկրների տարանցիկ ներուժի մեծացմանը, ինչպես նաև նոր կապերի ստեղծմանը և երկարաժամկետ ու կայուն խաղաղության հաստատմանը: Այն ենթադրում է տարածաշրջանային հաղորդակցությունների վերագործարկում և զարգացում՝ ճանապարհների, երկաթուղիների, խողովակաշարերի, մալուխների, էլեկտրահաղորդման գծերի վերանորոգման, կառուցման և շահագործման միջոցով։ Դա թույլ կտա նաև երկաթուղային հաղորդակցություն սկսել Հայաստանի բարեկամ Իրանի հետ։
«Տարածաշրջանում կայուն խաղաղության հաստատումը կարևորագույն առաջնահերթություն է Հայաստանի համար, որը քաջ գիտակցում է խաղաղության և տարածաշրջանային կայունության արժեքը, որոնց հասնելու համար ջանք չի խնայում»,- ասել է նա:
Ավագյանը պարզաբանել է, որ տարածաշրջանային խաղաղությունը ենթադրում է հավաքական պատասխանատվություն, Հայաստանն այս առումով իր վրա է վերցրել իր բաժինը և կոչ է անում այս հարցում շահագրգիռ մյուս խաղացողներին անմասն չմնալ:
Դիվանագետը նշել է, որ վերջին երկու տարում Հայաստանն ու Ադրբեջանը համաձայնեցրել են «Խաղաղության հաստատման և միջպետական հարաբերությունների մասին» համաձայնագրի մեծ մասը: Երևանն առաջարկում է հնարավորինս սեղմ ժամկետներում ստորագրել փաստաթղթի նախագծի դրույթները, որոնք այս պահին արդեն համաձայնեցված են, հաստատել դիվանագիտական հարաբերություններ և շարունակել քննարկումները փոխադարձ կարևորություն ներկայացնող բոլոր հարցերի լուծման համար:
Sputnik Արմենիա
ПОСЛЕДНИЕ ОТ АВТОРА
-
New2025-07-11 19:39Антицерковная кампания властей – серьезная угроза армянской государственности и народному единству, она бьет по репутации страны и Церкви. Об этом заявил Католикос Всех армян Гарегин II на ежегодном собрании священников в Св. Эчмиадзине.
-
New2025-07-11 19:37Теперь очередь за цистернами с газом. На стоянке Степанцминда-Ларс в Грузии более пятидесяти армянских грузовиков со сжиженным газом с рассвета ждут завершения таможенных процедур, чтобы отправиться в Армению. Водители, звонившие в редакцию Радио «Свобода» с места происшествия, сообщают, что грузинская таможенная служба вводит новые ограничения на возвращающиеся в Армению из России грузовики без какой-либо четкой причины и официального объяснения.
-
New2025-07-11 19:35Управление верховного комиссара ООН по правам человека (УВКПЧ) осведомлено о напряженности вокруг Армянской Апостольской церкви (ААЦ), но не располагает достаточной информацией для комментариев. Об этом заявила РИА Новости официальный представитель Управления Элизабет Троссел.
-
New2025-07-11 19:35Госдеп США предупредил сотрудников о грядущих увольнениях в ведомстве в рамках плана администрации Дональда Трампа по сокращению правительственного штата. Об этом сообщают The Washington Post (WP) и The New York Times (NYT) со ссылкой на попавшее в их распоряжение внутреннее сообщение, отправленное сотрудникам Госдепа.