2024-11-19 09:01
Информагентства
Հայերի անվտանգ և անխոչընդոտ վերադարձի համար ստեղծել պայմաններ․ ԵԽ-ն անդրադարձել է Արցախին
Եվրոպայի խորհրդի ազգային փոքրամասնությունների պաշտպանության շրջանակային կոնվենցիայի խորհրդատվական կոմիտեն զեկույց է հրապարակել, որում գնահատվում է Ադրբեջանում ազգային փոքրամասնությունների իրավունքների հետ կապված իրավիճակը և անդրադարձ կատարվում Լեռնային Ղարաբաղին։
Կոմիտեն Ադրբեջանի իշխանություններին կոչ է արել ստեղծել քաղաքական, իրավական և գործնական պայմաններ, որոնք անհրաժեշտ են Ղարաբաղից տեղահանված հայերի անվտանգ, անխոչընդոտ և կայուն վերադարձի համար և ստեղծել սեփականության հարցերով զբաղվելու հատուկ մեխանիզմ:
Զեկույցում Ադրբեջանին նաև կոչ է արվում գույքագրել, պաշտպանել և պահպանել հայկական բոլոր կրոնական և մշակութային վայրերն ու արտեֆակտները, ինչպես նաև հետաքննել տարածաշրջանում էթնիկ հայերի կողմից կառուցված պատմական և մշակութային հուշարձանների և գերեզմանոցների վանդալիզմի, ոչնչացման և ձևափոխման բոլոր մեղադրանքները:
Եվրոպայի խորհրդի փորձագետները կարծիք են հայտնել, որ «Ադրբեջանը բազմազգ է», և ազգային փոքրամասնությունների իրավունքներից օգտվելու հնարավորությունները պետք է բարելավվեն։
«Արտահայտվելու, հավաքների և միավորումների ազատությունների սահմանափակումները ազգային փոքրամասնություններին պատկանող անձանց իրենց իրավունքներն արդյունավետորեն իրացնելու հնարավորությունները սահմանափակում են»,- ասվում է զեկույցում։
Խորհրդատվական կոմիտեն իշխանություններին կոչ է արել զերծ մնալ և խստորեն դատապարտել անհանդուրժողականության և էթնիկ հայ համայնքին պատկանող անձանց նկատմամբ ատելություն տարածման ցանկացած դրսևորում՝ հաշտեցման գործընթացը դյուրացնելու նպատակով։
Սեպտեմբերի 19-ին Ադրբեջանը լայնամասշտաբ հարձակում էր սկսել Արցախի Հանրապետության նկատմամբ, որի հետևանքով ՀՀ է բռնի տեղահանվել 100 632 մարդ։
Armenia Today
ПОСЛЕДНИЕ ОТ АВТОРА
-
2025-06-22 11:45Иран заранее эвакуировал три ядерных объекта, удары по которым нанесли США, сообщает персидская служба Би-би-си со ссылкой на заместителя директора Иранского радио и телевидения Хасана Абедини.
-
2025-06-22 11:35День, когда каждый по-своему должен защитить свою Церковь. Этот день может стать и днём великого примирения, днём совместного действия.
-
2025-06-22 10:04Система наблюдения NASA зафиксировала мощный выброс тепла в районе иранского ядерного объекта у Фордо незадолго до объявления США об авиаударе. Об этом сообщает газета The New York Times.
-
2025-06-22 10:02США готовы в случае необходимости в течение считаных минут уничтожать дополнительные цели в Иране. Об этом заявил американский лидер Дональд Трамп, выступая в Белом доме с телеобращением к согражданам в связи с нанесением ударов по Ирану.