2024-11-23 10:02
Информагентства
Երևանն ու Բաքուն սահմանազատման նոր հատվածը կընտրեն հանձնաժողովի հաջորդ հանդիպմանը
Հայկական և ադրբեջանական պետական հանձնաժողովները հաջորդ հանդիպմանը կորոշեն, թե հաջորդիվ որ հատվածում սահմանազատում կիրականացվի։ Հանրային հեռուստաընկերությանը տված հարցազրույցում այս մասին ասաց ՀՀ վարչապետ Նիկոլ Փաշինյանը։
Նա հիշեցրեց, որ հոկտեմբերին կայացած վերջին հանդիպման ընթացքում հանձնաժողովները պայմանավորվել են փոխադարձ հիմունքներով առաջարկություններ ներկայացնել, թե սահմանի որ հատվածներում շարունակվի սահմանազատումը։
«Հայկական կողմը ներկայացրել է իր մոտեցումները, ադրբեջանականը՝ իր։ Հաջորդ հանդիպմանը կորոշվի, թե որտեղ կշարունակվի գործընթացը։ Ինչպես հայտնի է, Ադրբեջանում միջազգային համաժողով է անցկացվում, և ենթադրում եմ, որ առնվազն կա այդպիսի ըմբռնում, որ այդ գործընթացները կշարունակվեն COP29 – ից հետո», - հայտարարեց վարչապետը:
Հիշեցնենք` հոկտեմբերի 23–ին ԱԺ–ն ընդունեց «Հայաստանի ու Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովի ու Ադրբեջանի և Հայաստանի միջև պետական սահմանի սահմանազատման պետական հանձնաժողովի համատեղ գործունեության մասին կանոնակարգը վավերացնելու մասին» օրենքի նախագիծը։
Կանոնակարգը 7 հոդված ունի, դրանք հիմնականում գործընթացին վերաբերող տեխնիկական տվյալներ են, ընդհանրական ձևակերպումներ։ Երևանն ու Բաքուն համաձայնել են սահմանազատումն իրականացնել 1991 թվականի Ալմա Աթայի հռչակագրի վրա, բայց այդ համաձայնությունը վերջնական չէ։ Կանոնակարգում նշվում է` հնարավոր է, որ խաղաղության համաձայնագրի ընդունումից հետո գործընթացն այլ սկզբունքներով ընթանա։
Sputnik Արմենիա
ПОСЛЕДНИЕ ОТ АВТОРА
-
New2025-06-09 09:38Сегодня в Котайкской области произошла драка со стрельбой.
-
New2025-06-09 09:35МВД Армении опубликовало видео ДТП, которое произошло в Араратской области.
-
New2025-06-09 09:33Военнослужащие Национальной гвардии Калифорнии прибыли в Лос-Анджелес 8 июня рано утром по местному времени в ответ на протест против рейдов федеральной иммиграционной службы, сообщает NBC News.
-
New2025-06-09 09:30По информации Hraparak.am, кортеж премьер-министра Армении Никола Пашиняна, возвращавшийся из Сюникской области, попал в ДТП в селе Армаш, получили травмы также некоторые из телохранителей.