2024-11-28 19:39
Информагентства
Վրաստանը մինչև 2028 թվականը օրակարգից հանում է ԵՄ-ին անդամակցելու բանակցությունները
Վրաստանը մինչև 2028 թվականը սառեցնում է ԵՄ-ին անդամակցելու շուրջ բանակցությունների վերսկսման հարցը և հրաժարվում դրամաշնորհներից: Այս մասին Վրաստանի վարչապետ Իրակլի Կոբախիձեն հայտարարել է ճեպազրույցի ժամանակ՝ կառավարության անդամների և խորհրդարանական մեծամասնության առաջնորդների հանդիպումից հետո:
Ավելի վաղ Վրաստանի նոր խորհրդարանը հավանություն էր տվել կառավարության թարմացված կազմին՝ Կոբախիձեի գլխավորությամբ:
«Մենք որոշել ենք մինչև 2028 թվականի ավարտը օրակարգում չընդգրկել ԵՄ-ի հետ բանակցություններ սկսելու հարցը, ինչպես նաև հրաժարվում ենք բոլոր բյուջետային դրամաշնորհներից»,-ասել է Կոբախիձեն:
Վրաստանի կառավարության ղեկավարը բացատրել է, որ ԵՄ-ին անդամակցելու շուրջ բանակցությունների վերսկսման հարցն օգտագործվում է որպես Թբիլիսիին շանտաժի ենթարկելու գործիք:
Նրա խոսքով՝ Վրաստանի համար անընդունելի է, երբ ԵՄ-ին անդամակցելու հարցը որպես լավություն է դիտարկվում։
Հիշեցնենք, որ Արևմուտքի և Թբիլիսիի միջև հարաբերությունները վատթարացան 2024 թվականի գարնանը՝ «Արտաքին ազդեցության թափանցիկության մասին» օրենքի ընդունումից հետո։ Սառեցվեց կառավարությանը տրամադրվող օգնության մի մասը, և կասեցվեց երկրի ինտեգրումը ԵՄ-ին։ ԱՄՆ-ն պատժամիջոցներ և վիզային սահմանափակումներ սահմանեց Վրաստանի որոշ քաղաքացիների նկատմամբ: Կրակին յուղ լցրեց այս տարվա սեպտեմբերին Վրաստանում «Ընտանեկան արժեքների և անչափահասների պաշտպանության մասին» օրենքի ընդունումը, որն արգելում է ԼԳԲՏ քարոզչությունը*:
Քննադատությունը շարունակվեց նաև հոկտեմբերի 26-ի խորհրդարանական ընտրություններից հետո, որոնց արդյունքները հրաժարվեցին ճանաչել բոլոր չորս ընդդիմադիր ուժերը:
Վրաստանի իշխանությունները բազմիցս ասել են, որ հույս ունեն վերականգնել հարաբերությունները ԱՄՆ-ի և Եվրամիության հետ։ Նրանք պնդում են, որ հավատարիմ են եվրոպական արժեքներին, իսկ վերոնշյալ օրենքներն ընդունվել են երկրի ազգային շահերից ելնելով։
*ԼԳԲՏ շարժումը ճանաչվել է ծայրահեղական և արգելված է Ռուսաստանի Դաշնության տարածքում:
Sputnik Արմենիա
ПОСЛЕДНИЕ ОТ АВТОРА
-
New2025-06-14 11:24Секретарь фракции «Честь имею» Тигран Абрамян на своей странице в Facebook прокомментировал обострение ситуации вокруг Ирана и возможные последствия для региона.
-
New2025-06-14 11:22Переговоры между Вашингтоном и Тегераном, касающиеся иранской ядерной программы, утратили свой смысл после израильской атаки. Об этом заявил официальный представитель министерства иностранных дел Исламской Республики Эсмаил Багаи, пишет Tasnim.
-
New2025-06-14 11:18В ходе ответной операции «Истинное обещание III», проведенной Ираном, были поражены три израильские авиабазы, которые использовались в качестве стартовых площадок для ударов по Ирану, сообщил бригадный генерал Ахмади Вахиди, главный советник командующего Корпусом стражей исламской революции, передает Tasnim.
-
New2025-06-14 11:18Антикоррупционный комитет Армении в преддверии выборов возбудит новые громкие уголовные дела, пишет газета "Паст".