2024-12-16 15:36
Информагентства
ԲԱՔՈՒՆ ՑԱՆԿԱՆՈՒՄ Է ՌՈՒԲԵՆ ՎԱՐԴԱՆՅԱՆԻՆ ՑՄԱՀ ԱԶԱՏԱԶՐԿՄԱՆ ԴԱՏԱՊԱՐՏԵԼ
Արցախի նախկին պետնախարար, բարերար, գործարար Ռուբեն Վարդանյանին Ադրբեջանի դատախազները շուրջ 45 հնարավոր մեղադրանքների նոր ու հսկայածավալ փաթեթ են առաջադրել։ Այս մասին հաղորդագրություն է տարածել Վարդանյանի պաշտպանական թիմը՝ ահազանգելով, որ այսպիսի մեղադրանքներով ցմահ ազատազրկում է սպառնում Վարդանյանին։
«Ռուբեն Վարդանյանի դեմ ներկայացված նոր մեղադրանքներն առնչվում են Ադրբեջանի քրեական օրենսգրքի 20 տարբեր հոդվածների հատկանիշներին։ Շինծու ապացույցները ներկայացված են 100 հատորով, ընդհանուր ծավալը կազմում է մոտ 25 հազար էջ, ամբողջը՝ ադրբեջաներեն»,- ասված է հայտարարությունում։
Պաշտպանական թիմը նշել է, որ Բաքուն ենթադրյալ ապացույցները թաքցնում է հանրությունից՝ պատճառաբանելով, թե առնչվում է Ադրբեջանի ազգային անվտանգությանը: Միաժամանակ նրանք հրաժարվում են շինծու ապացույցների պատճենները տրամադրել Վարդանյանի փաստաբանին։
«Նրանց թույլատրվում է նյութերին ծանոթանալ առանց պատշաճ թարգմանության, սահմանափակ ժամկետներում, սակայն «ազգային անվտանգության նկատառումներով»՝ նրանք սահմանափակված են որևէ նշում կատարելու հնարավորությունից»,- տեղեկացնում է պաշտպանական թիմը։
Նման սահմանափակումների պայմաններում հնարավոր չէ պատշաճ կերպով պատրաստվել պաշտպանությանը։
Վարդանյան ընտանիքի միջազգային իրավախորհրդատու Ջարեդ Գենսերի խոսքով՝ Բաքուն հրաժարվում է պատշաճ տեղեկություններ տրամադրել, որովհետև հասկանում է՝ ցանկացած անկախ դիտորդ կնկատի, որ ներկայացված մեղադրանքներում որևէ արժանահավատ ապացույց չկա ու չի սատարի նրանց մերկապարանոց մեղադրանքներին:
Ռուբեն Վարդանյանի ընտանիքը դիմում է աշխարհին՝ կոչ անելով քայլեր ձեռնարկել, որ միջազգային կազմակերպություններն ու լրատվամիջոցները ներկա լինեն դատավարությանը։
ПОСЛЕДНИЕ ОТ АВТОРА
-
2025-05-31 15:38В Ереване в результате наезда погибла женщина, а ее двухлетний ребенок находится в критическом состоянии. Об этом Sputnik Армения сообщили в Следственном комитете.
-
2025-05-31 15:36В районе Очамчиры в Абхазии планируют создать материально-техническую базу для российского Черноморского флота. Об этом сообщил президент республики Бадра Гунба, передает «Коммерсантъ».
-
2025-05-31 15:29Надпартийные гражданские инициативы "Мост" и "Армения — это я" подписали меморандум о сотрудничестве.
-
2025-05-31 15:26Директор музеев и архивов Первопрестольного Эчмиадзина иерей Асохик Карапетян написал о «дьявольском пире в христианской Армении».