2025-01-13 09:22
Информагентства
ԵՐևԱՆԻ ՈՐՈՇՈՒՄԸ ԴԵՌ ԵՄ-Ի ՈՒՂԵԳԻՐ ՉԷ. ՓՈՐՁԱԳԵՏ
Հայաստանի կողմից ԵՄ-ին անդամակցելու գործընթացի մեկնարկը դեռ չի նշանակում, որ երկիրը տեսանելի ապագայում կարող է միության անդամ դառնալ, քանի որ նման որոշման համար առաջին հերթին Բրյուսելի քաղաքական կամքն է անհրաժեշտ։ Բացի այդ, գործընթացը հղի է ՀՀ տնտեսության համար բացասական հետևանքներով։ Sputnik Արմենիային տված հարցազրույցում այսպիսի կարծիք հայտնեց քաղաքագետ Հրանտ Միքայելյանը։
Հունվարի 9-ի նիստում ՀՀ կառավարությունը հավանություն տվեց «Եվրամիությանը Հայաստանի անդամակցության գործընթաց սկսելու մասին» օրինագծին և այն ուղարկեց խորհրդարան:
Միքայելյանը հիշեցրեց, որ Հայաստանը եվրաինտեգրման ձգտման մասին հայտարարել է դեռ 2023 թվականին։ Այս մասին բացեիբաց խոսել է վարչապետ Նիկոլ Փաշինյանը, դա արտացոլվել է Եվրոպական խորհրդարանի որոշ բանաձևերում:
«Գործնականում անհնար է համատեղել անդամակցությունը Եվրամիությանը և Եվրասիական տնտեսական միությանը։ Այս միավորումներում գործում են ազատ առևտրի գոտիներ, և եթե երկիրը միաժամանակ երկու միության մեջ է, դա կարող է զարգացնել նրանց միջև ստվերային առևտուրը։ Սակայն այդ մասին խոսելու համար դեռ շուտ է»,-ասաց փորձագետը՝ բերելով Վրաստանի օրինակը, որը տարիներ շարունակ ձգտում է եվրաինտեգրման։
Քաղաքագետի խոսքով՝ Երևանի հայտարարությունները և ԵՄ-ին անդամակցելու գործընթացի մեկնարկը հղի են Ռուսաստանի հետ հարաբերությունների վատթարացմամբ:
Փորձագետը պարզաբանեց, որ ԵԱՏՄ-ի հետ հաստատվել և գործում է տնտեսական շղթա, որը ներառում է առևտուր, հայկական արտադրանքի անմաքս արտահանում, գազի ցածր սակագներ, ներդրումներ:
Նույնիսկ եթե Հայաստանը դառնա ԵՄ անդամ, միությունից ՀՀ արտահանումը ներմուծումից շատ է լինելու, ինչը պարզապես կհանգեցնի անհավասարակշռության և ՀՀ տնտեսության համար բացասական հետևանքների:
Այս պահին ԵՄ շուկա Հայաստանի արտահանումը կապված է միայն հանքարդյունաբերության հետ։ Հայկական ապրանքների մատակարարումը Եվրամիություն շատ բարդ է՝ լոգիստիկայի բարդությունների, ինչպես նաև ոչ առևտրային բնույթի սահմանափակումների պատճառով, որոնք խոչընդոտում են ԵՄ շուկա զարգացող երկրների ազատ մուտքին:
Փորձագետը հիշեցրեց, որ տնտեսական հարաբերությունները միահյուսված են քաղաքական հարաբերությունների հետ, և հաշվի առնելով ստեղծված իրավիճակը՝ նա 2025-2026 թվականներին Հայաստանի տնտեսության խոցելիություն է կանխատեսում։
ПОСЛЕДНИЕ ОТ АВТОРА
-
New2025-05-31 15:18Вечер во дворе дома на Баграмяна 6 был особенным. Именно здесь Рубен Варданян когда-то собирал людей, чтобы говорить о самом важном — о будущем Армении, о нашей ответственности, о смысле быть армянином в XXI веке. И вот спустя время, в том же пространстве, снова звучали голоса. Вопросы. Сомнения. Надежда.
-
New2025-05-31 13:44Сенатор США и член Комитета по международным отношениям Стив Дейнс встретился с премьер-министром Армении Николом Пашиняном. В ходе встречи были обсуждены вопросы региональной безопасности, а также перспективы экономических инвестиций.
-
New2025-05-31 13:42По предложению Католикоса всех армян Всемирный совет церквей организовал в Швейцарии международную конференцию на тему: «Свобода вероисповедания: сохранение армянского духовного, культурного и исторического наследия в Арцахе».
-
New2025-05-31 13:40В рамках «судебного процесса» в Баку была затронута тема боевых действий 2016 года, сообщил секретарь парламентской фракции «Честь имею» Тигран Абрамян.