Էրդողանն ու ալ-Շարաան քննարկել են քրդերի դեմ Թուրքիայի և Սիրիայի պայքարը

Թուրքիայի նախագահ Ռեջեփ Թայիփ Էրդողանը բանակցություններ է վարել Սիրիայի անցումային ժամանակահատվածի նախագահ Ահմեդ աշ-Շարաայի հետ, որն այսօր ժամանել է Անկարա:

Հանդիպման ավարտին նրանք հանդես են եկել համատեղ մամուլի ասուլիսով:

Էրդողանը հայտարարել է, որ ալ-Շարաայի հետ քննարկել է Քրդստանի աշխատավորական կուսակցության (ՔԱԿ, արգելված է Թուրքիայում) և «Իսլամական պետության» * դեմ պայքարի համատեղ քայլերը:

«Ես պատրաստակամություն եմ հայտնել անհրաժեշտ աջակցություն ցուցաբերել Սիրիային բոլոր տեսակի պայքարներում ՝ լինի դա ԻՊ-ը, թե ՔԱԿ-ը։ Մենք հաստատեցինք, որ ճամբարների վերահսկողության առումով նրանց հետ ենք։ Ցանկանում եմ իմ գոհունակությունը հայտնել ահաբեկչության դեմ իմ եղբայր Ահմեդ ալ-Շաարայի հաստատուն կամքի կապակցությամբ։ Հուսով եմ, որ կգործենք համերաշխ, և հավատում եմ, որ կհասնենք նրան, որ մեր ընդհանուր տարածաշրջանում լիովին տիրի խաղաղության և վստահության մթնոլորտն առանց ահաբեկչության», –աշ Շարաայի հետ համատեղ մամուլի ասուլիսի ժամանակ ասել է Էրդողանը։

2024 թվականի նոյեմբերի վերջին զինված ընդդիմադիր կազմավորումները լայնածավալ հարձակում սկսեցին սիրիական բանակի դիրքերի վրա։ Դեկտեմբերի 8- ին նրանք մտան Դամասկոս, որից հետո նախագահ Բաշար Ասադը թողեց իր պաշտոնը և լքեց երկիրը։

Դեկտեմբերի 10-ին Մուհամեդ ալ-Բաշիրը, որը ղեկավարում էր Իդլիբ նահանգում ստեղծված «փրկության կառավարությունը», իրեն հայտարարեց Սիրիայի անցումային կառավարության ղեկավար, որը կգործի մինչև 2025 թվականի մարտի1-ը:

Իսկ 2025 թվականի հունվարի 29-ին Սիրիայի նոր վարչակազմի ղեկավար Ահմեդ ալ-Շարաան հռչակվեց Սիրիայի անցումային շրջանի նախագահ։

*«Իսլամական պետությունը» ահաբեկչական կազմակերպություն է, որն արգելված է ՌԴ-ում և այլ երկրներում:

Sputnik Արմենիա