2025-02-06 17:48
Информагентства
Պրիմակովը հայտնել է՝ Բաքվում Ռուսական տան գրանցման անհրաժեշտության մասին նոտա է ստացվել
«Ռոսսոտրուդնիչեստվոյի» ղեկավար Եվգենի Պրիմակովը հաստատել է, որ Բաքվում Ռուսական մշակութային կենտրոնի (Ռուսական տան) գրանցման անհրաժեշտության մասին Ադրբեջանից նոտա է ստացվել։
«Դրանով ասվում է, որ մեր ներկայացուցչությունը՝ Ռուսական տեղեկատվական-մշակութային կենտրոնը, որը կոչվում է նաև Ռուսական տուն, տեղական օրենսդրության համաձայն, պետք է գրանցվի որպես իրավաբանական անձ», – ասել է Պրիմակովը «Ռոսիա-24» հեռուստաալիքի եթերում:
Նրա խոսքով՝ Բաքվում Ռուսական տունը մեկուկես ամսվա ընթացքում պետք է լքի իր վարձակալած տարածքը, քանի որ սեփականատերը հայտարարել է այն շտապ վաճառելու մտադրության մասին:
Ինչպես նշել է Պրիմակովը, մեկ այլ շինության սեփականատերը, որի հետ բանակցություններ էին ընթանում, առայժմ «դադար է վերցրել»։
Պրիմակովն ընդգծել է, որ Բաքվում ռուսական մշակութային կենտրոնը զբաղվել է բացառապես հումանիտար համագործակցությամբ, որևէ քաղաքական հարց երբևէ չի եղել:
«Բաքվում Ռուսական տունը USAID-ի հետ համեմատելն ընդհանրապես չի դիմանում ոչ մի քննադատության։ Մենք երբեք քաղաքական որևէ հարցով չենք զբաղվել և չենք զբաղվում... Ռուսական մշակութային կենտրոնը զբաղվում է բացառապես հումանիտար գործունեությամբ», - ասել է «Ռոսսոտրուդնիչեստվոյի» ղեկավարը։
«Ռոսսոտրուդնիչեստվոյի» ղեկավարը հույս է հայտնել, որ այս հարցով Բաքվում համապատասխան լուծում կգտնեն:
«Ներկայում ԱԳՆ գծով աշխատանքներ են տարվում։ Հուսով եմ (քանի որ դա միակ խելամիտ տարբերակն է), որ Ադրբեջանի կողմից կգտնվի համարժեք, գիտակից, խելամիտ լուծում», - ասել է Պրիմակովը։
Ավելի վաղ ադրբեջանական Report պարբերականը հայտնել էր, որ Բաքուն Ռուսաստանին ծանուցում է ուղարկել «Ռոսսոտրուդնիչեստվոյի» գործունեության դադարեցման մասին:
Դրա հետ մեկտեղ, Ադրբեջանի ԱԳՆ ներկայացուցիչ Այխան Հաջիզադեն լրագրողներին հայտնել է, որ Բաքուն պաշտոնապես ծանուցում է ուղարկել ԱՄՆ-ին՝ երկրում USAID-ի գրասենյակի աշխատանքը դադարեցնելու մասին:
Sputnik Արմենիա
ПОСЛЕДНИЕ ОТ АВТОРА
-
New2025-05-02 19:38Следователь ранее правомерно вынес решение о проведении судебно-медицинской экспертизы Артура Чахояна, однако провести ее невозможно, так как, по мнению врачей, Чахоян все еще нуждается в дальнейшем получении соответствующего лечения и не может обратиться к судебно-медицинскому эксперту для прохождения обследования до выписки из медицинского центра. Об этом на своей странице в Facebook сообщил адвокат Чахояна Ваге Еприкян.
-
New2025-05-02 19:37Президент США Дональд Трамп предложил увеличить оборонные расходы страны на 13% — до 1,01 триллиона долларов в 2026 финансовом году. Это следует из проекта федерального бюджета, опубликованного в пятницу Белым домом, сообщает РИА Новости.
-
New2025-05-02 19:34Օфициальная статистика уже давно фиксирует, что денежные потоки, переводимые физическим лицам через банки РА, сократились. Эта тенденция сохранялась также в марте и в квартальном разрезе 2025 года.
-
New2025-05-02 19:34Адвокат Александр Кочубаев сообщил, что Кассационный суд принял к рассмотрению его апелляцию по делу бывшего главы Комитета по градостроительству Армении Ваагна Вермишяна. Адвокат указал, что у защиты одно требование — оправдание Вермишяна.