2025-02-17 13:24
Информагентства
ՄԵԾ ԲՐԻՏԱՆԻԱՅԻ ՀԱՅ ՀԱՄԱՅՆՔԸ ՓԱՇԻՆՅԱՆԻՆ ԿՈՉ Է ԱՐԵԼ ՆԵՐՈՂՈՒԹՅՈՒՆ ԽՆԴՐԵԼ
Մեծ Բրիտանիայի հայկական համայնքային խորհուրդը վարչապետ Նիկոլ Փաշինյանին կոչ է արել ներողություն խնդրել հունվարի 24-ին Շվեյցարիայի հայ համայնքի ներկայացուցիչների հետ հանդիպման ժամանակ Հայոց ցեղասպանության վերաբերյալ «անպատասխանատու և վիրավորական հայտարարությունների» համար:
Մեծ Բրիտանիայի հայերն ընդգծել են, որ Փաշինյանը խոսքերն անարգում են Հայոց ցեղասպանության սրբադասված նահատակների հիշատակը։ Նրանք շեշտել են, որ Հայոց ցեղասպանության ճշմարտացիության վերաբերյալ կասկածներ կարելի էր սպասել միայն Թուրքիայի նախագահ Ռեջեփ Թայիփ Էրդողանից և նրա հետևորդներից:
«Նրա մեկնաբանությունները կասկածի տակ են դնում Հայոց ցեղասպանության ճշմարտացիությունը: Պարոն Փաշինյանն արդյոք միացե՞լ է Էրդողանի կողմից ճշմարտության համառ ժխտմանը։ Սա դավաճանություն է ազգի նկատմամբ, ճշմարտության ժխտում՝ «եկեք նայենք սրան և տեսնենք, թե իրականում ինչ է եղել» ռևիզիոնիստական շեշտադրմամբ։ Վարչապետը կարո՞ղ է բացատրել, թե որոնք են իր շարժառիթները։ Գուցե, իսկապես, նա Էրդողանի հրահանգով է սկսել հարցականի տակ դնել ճշմարտությունը՝ կասկածի և շահարկումների մթնոլորտ առաջացնելու համար: Մենք չենք կարող թույլ տալ, որ ոչ կոմպետենտ կամ մանիպուլյատոր անձինք, իրենց կասկածելի քաղաքական օրակարգով մեզ մոլորության մեջ գցեն»,- ասված է հայտարարության մեջ։
Հունվարի 24-ին Շվեյցարիայի հայ համայնքի ներկայացուցիչների հետ հանդիպմանը Փաշինյանը, պատասխանելով Հայոց ցեղասպանության մասին հարցին, ասել էր, որ «պետք է հասկանալ՝ ի՞նչ է տեղի ունեցել և ինչո՞ւ, ինչպե՞ս ենք մենք դա ընկալել, ո՞ւմ միջոցով ենք ընկալել»։ Նա հավելել էր՝ «ինչպե՞ս է, որ 1939 թվին Հայոց ցեղասպանության օրակարգ չկար և ինչպե՞ս է, որ 1950 թվին Հայոց ցեղասպանության օրակարգ է հայտնվել»։ Նա հայտարարել էր Հայոց ցեղասպանության պատմությանը «վերադառնալու» անհրաժեշտության մասին։
ПОСЛЕДНИЕ ОТ АВТОРА
-
2025-05-01 19:38Четвертый раунд переговоров между Соединенными Штатами и Ираном, который должен был состояться в Риме в субботу, вероятно, будет отложен до следующей недели, сообщаетAxios со ссылкой на три источника.
-
2025-05-01 19:36Мы пока не получали заявку от Армении о членстве в Евросоюзе. Когда получим, тогда и обсудим. Об этом заявила в интервью радиостанции «Свобода» Комиссар по вопросам расширения ЕС Марта Кос.
-
2025-05-01 19:33Коррупция маскируется под завесой «личного вопроса». Об этом заявил на своей странице в Facebook правозащитник Рубен Меликян, касаясь обвинений, выдвинутых против Артура Чахояна и Месропа Манукяна.
-
2025-05-01 19:26Совет по защите прав граждан Арцаха сообщает: