Հայաստանում ջերմաստիճանը կտրուկ կնվազի 10–14 աստիճանով

ՀՀ ՇՄՆ Հիդրոօդերևութաբանության և մոնիթորինգի կենտրոնը ներկայացրել է առաջիկա օրերի եղանակի կանխատեսումը։

Մայրաքաղաք Երևանում փետրվարի 17-ի ցերեկը, 18-ին, 19-ի գիշերը սպասվում է առանց տեղումների եղանակ: Փետրվարի 19-ին կեսօրից հետո, 20-22- ին սպասվում է ձյուն, 20-ի գիշերը, 21-ի ցերեկը՝ ինտենսիվ:

Մայրաքաղաքում ջերմաստիճանն աստիճանաբան կբաձրարա՝ փետրվարի 19–ին ցերեկային ժամերին հասնելով +12–ի, իսկ հաջորդ օրը կտրուկ կնվազի՝ ցերեկը հասնելով +2–ի։ Փետրվարի 21–ին ցերեկային ժամերին կանխատեսվում է -1․․․-3, գիշերը՝ -8․․․-10։

Հանրապետության տարածքում փետրվարի 17-ի ցերեկը, 18-ին սպասվում է առանց տեղումների եղանակ: Փետրվարի 19-ին, 22-ին առանձին շրջաններում, 20- 21-ին՝ շրջանների զգալի մասում սպասվում է ձյուն, առանձին հատվածներում՝ ինտենսիվ։

Քամին հարավարևելյան 2-5մ/վ, փետրվարի 18-19-ին սպասվում է քամու ուժգնացում՝ 20-25մ/վ, 20-21-ին՝ 15-18 մ/վ արագությամբ։

Օդի ջերմաստիճանը փետրվարի 17-18-ի ցերեկն աստիճանաբար կբարձրանա ևս 2-3 աստիճանով, փետրվարի 20-22-ին աստիճանաբար և՛ գիշերը, և՛ ցերեկը կնվազի 10-14 աստիճանով։

Նովոստի–Արմենիա