2025-02-19 11:43
Информагентства
Ուկրաինայում պետք է ընտրություններ անցկացվեն. Թրամփն ասել է` ինչու
Ուկրաինայում ընտրությունների անցկացումը անհրաժեշտություն է, եթե Կիևը ցանկանում է տեղ ստանալ բանակցությունների սեղանի շուրջ Ռուսաստանի հետ հակամարտության կարգավորման շրջանակում։ Այս մասին ասել է ԱՄՆ նախագահ Դոնալդ Թրամփը Ֆլորիդայի իր նստավայրում կայացած մամուլի ասուլիսի ժամանակ։
«Որտե՞ղ է Ուկրաինայի առաջնորդը: Ինձ հաճելի չէ խոսել այդ մասին, բայց Զելենսկու վարկանիշն ընկել է մինչև 4%։ Երկիրը քարուքանդ է եղել: Այն նմանվել է մեծածավալ ապամոնտաժման հարթակի: Մի՞թե Ուկրաինայի ժողովուրդը չպետք է ասի, որ մենք երկար ժամանակ ընտրություններ չենք ունեցել», – ասել է Թրամփը:
Հանրապետական նախագահի խոսքով` Ուկրաինայում վաղուց ընտրություններ չեն եղել։
Թրամփը նշել է, որ դրան Ուկրաինային դրդում է ոչ թե Ռուսաստանը, այլ երկրում տիրող իրավիճակը։ ԱՄՆ նախագահն ընդգծել է նաև, որ Զելենսկին տեղյակ չէ, թե ուր է ուղղվել գումարի կեսը, որն ԱՄՆ–ն հատկացրել է Ուկրաինային։
ԱՄՆ առաջնորդն աջակցել է Եվրոպայից Ուկրաինա խաղաղապահներ ուղարկելուն՝ առանց ԱՄՆ-ի մասնակցության։ «Լավ կլիներ, որ մարտական գործողությունների ավարտից հետո եվրոպական զորք տեղակայվեր Ուկրաինայում, ԱՄՆ-ն ստիպված չէր լինի իր զորքերն ուղարկել, քանի որ մենք շատ հեռու ենք», -ասել է Թրամփը:
Փետրվարի 17-ին Փարիզում Եվրոպայի առաջնորդների արտակարգ գագաթնաժողովի թեմաներից մեկն էր Ուկրաինայում խաղաղապահների հնարավոր տեղակայումը խաղաղության համաձայնագրի շրջանակներում, սակայն մասնակիցները համաձայնության չեն եկել այդ հարցում:
Փետրվարի կեսերին Մյունխենի համաժողովի ընթացքում Զելենսկին հայտարարել էր, որ ուկրաինացիները դեմ են ռազմական գործողությունների ժամանակ ընտրությունների անցկացմանը։ Այն քաղաքացիներին, որոնք կողմ են ընտրություններին, երկրի նախագահը խորհուրդ է տվել փոխել քաղաքացիությունը։
ՌԴ նախագահ Վլադիմիր Պուտինը բազմիցս Զելենսկուն անվանել է Ուկրաինայի ոչ լեգիտիմ նախագահ։ Հունվարին Պուտինը հայտարարել էր, որ նույնիսկ այդ հանգամանքը հաշվի առնելով՝ Ռուսաստանը պատրաստ է բանակցել ցանկացածի հետ, եթե Ուկրաինան նման ցանկություն ունի։
Sputnik Արմենիա
ПОСЛЕДНИЕ ОТ АВТОРА
-
2025-05-02 19:38Следователь ранее правомерно вынес решение о проведении судебно-медицинской экспертизы Артура Чахояна, однако провести ее невозможно, так как, по мнению врачей, Чахоян все еще нуждается в дальнейшем получении соответствующего лечения и не может обратиться к судебно-медицинскому эксперту для прохождения обследования до выписки из медицинского центра. Об этом на своей странице в Facebook сообщил адвокат Чахояна Ваге Еприкян.
-
2025-05-02 19:37Президент США Дональд Трамп предложил увеличить оборонные расходы страны на 13% — до 1,01 триллиона долларов в 2026 финансовом году. Это следует из проекта федерального бюджета, опубликованного в пятницу Белым домом, сообщает РИА Новости.
-
2025-05-02 19:34Օфициальная статистика уже давно фиксирует, что денежные потоки, переводимые физическим лицам через банки РА, сократились. Эта тенденция сохранялась также в марте и в квартальном разрезе 2025 года.
-
2025-05-02 19:34Адвокат Александр Кочубаев сообщил, что Кассационный суд принял к рассмотрению его апелляцию по делу бывшего главы Комитета по градостроительству Армении Ваагна Вермишяна. Адвокат указал, что у защиты одно требование — оправдание Вермишяна.