2025-02-20 16:19
Информагентства
Ի՞նչ է փոխվելու Սահմանադրության մեջ. ՀՀ արդարադատության նախարարը որոշ փակագծեր է բացել
ՀՀ Սահմանադրության փոփոխության արդյունքում կառավարման մոդելի փոփոխություն չի լինելու, նոր տեքստն էլ պատրաստ կլինի մինչև 2026 թվականին սպասվող ընտրությունները։ Այս մասին կառավարության նիստից հետո ճեպազրույցի ժամանակ ասաց ՀՀ արդարադատության նախարար Սրբուհի Գալյանը։
«Կառավարման մոդելի փոփոխություն չի սպասվում։ Այս պահին չեմ կարող ասել, թե Սահմանադրության որ գլխի վրա են աշխատում, որ հոդվածներն են այս պահին մշակվել, որոնք են քննարկվել։ Ընդհանուր կոնցեպտն է քննարկվել, տեքստի ուղղությամբ էլ աշխատանքներ իրականացվել։ Մարդու իրավունքների հետ կապված բազմաթիվ խնդիրներ են բարձրացվում, օրինակ` սոցիալիական իրավունքների շեշտադրումներն են պակաս։ Նոր տեքստում շեշտադրվելու են մարդու իրավունքները, այդ թվում նաև սոցիալական իրավունքների տեսանկյունից»,– նշեց Գալյանը։
Նա ընդգծեց, որ պետական մարմինների կազմակերպաիրավական ձևերի տեսանկյունից որոշակի խնդիրներ կան այսօրվա Սահմանադրությունում։ Ըստ նախարարի` պետք է հստակեցվի, թե անկախ կամ ինքնավար մարմիններն ինչ դեր ու կառուցվածք ունեն։
Դիտարկմանը` արդյոք հնարավոր են փոփոխություններ Սահմանադրության առաջին 3 հոդվածում, որոնք փոփոխման ենթական չեն, նախարարը վստահեցրեց` եթե դրանք փոփոխման ենթակա չեն, ապա տրամաբանությունից շեղում չի լինի։
Հարցին` սպասվո՞ւմ են վարչապետի լիազորութունների փոփոխություններ, Գալյանը շեշտեց` այս պահին չի կարող պատասխանել, բայց նախագահի լիազորությունների հարցը կքննարկեն։
Հիշեցնենք, որ դեռ 2024 թվականի օգոստոսի 31-ին կայացած մամուլի ասուլիսի ժամանակ ՀՀ վարչապետ Նիկոլ Փաշինյանը հայտնեց, որ Ադրբեջանին առաջարկվել է ստորագրել խաղաղության պայմանագրի համաձայնեցված կետերը և հետագայում աշխատել մնացածի վրա: Նա նշեց, որ համաձայնեցվել է 16 հոդվածից 13-ը։
Արդեն սեպտեմբերին Փաշինյանը հայտարարեց, որ եթե ՀՀ ՍԴ-ն որոշի` Ադրբեջանի հետ խաղաղության պայմանագիրը հակասում է Մայր օրենքին, անհրաժեշտ կլինեն սահմանադրական փոփոխություններ։
Sputnik Արմենիա
ПОСЛЕДНИЕ ОТ АВТОРА
-
New2025-06-09 14:31Иеромонах Асохик Карапетян заявил, что против Армянской Церкви готовится террор на государственном уровне, а компетентные органы бездействуют.
-
New2025-06-09 13:57На данный момент нет никаких обсуждений и инициатив вокруг вопроса введения церкви в налоговое поле. Об этом заявил в беседе с журналистами 9 июня глава Комитета государственных доходов Армении Эдуард Акопян.
-
New2025-06-09 13:55Депутат от фракции «Армения» Артур Хачатрян не исключает провокации и подлых выходок властей Армении в отношении Армянской Апостольской Церкви. Об этом Хачатрян заявил в беседе с журналистами 9 июня, отвечая на вопрос о нападках премьер-министра Никола Пашиняна на Католикоса всех армян Гарегина Второго.
-
New2025-06-09 13:53Полиция задержала по меньшей мере 56 человек в Лос-Анджелесе за прошедшие выходные в ходе беспорядков, которые происходят на фоне протестов против высылки нелегальных иммигрантов. Об этом правоохранители сообщили на пресс-конференции.