Մակրոնը կոչ է արել Եվրոպայի «զանգվածային պաշտպանության» ծրագիր համաձայնեցնել

Եվրոպան պետք է «զանգվածային պաշտպանության» պլան համաձայնեցնի և ավելի շատ ներդրումներ կատարի ներքին զենքի արտադրության մեջ՝ անորոշության պայմաններում, ասել է Ֆրանսիայի նախագահ Էմանուել Մակրոնը՝ ի պատասխան սոցցանցերի օգտատերերի հարցերին։

Նա ասել է, որ եվրոպացիները «մտահոգված են» Ուկրաինայի շուրջ Ռուսաստանի և ԱՄՆ-ի միջև բանակցությունների վերսկսմամբ, ինչպես նաև ՆԱՏՕ-ին Վաշինգտոնի շարունակական աջակցության անորոշությամբ, որը պահանջում է ԵՄ-ից ավելի շատ նպաստել իր անվտանգությանը և նաև պլաններ է մշակում Գրենլանդիան միացնելու մասին: Բացի այդ, նա հայտարարել է, որ Ռուսաստանն, իբր, ագրեսիվ գործողություններ է ձեռնարկում Եվրոպայի դեմ և վտանգ է ներկայացնում նրա համար։

«Մեզ 5-ից 10 տարվա ռազմավարություն է պետք, որը մեզ՝ եվրոպացիներիս համար, պետք է ավելին անենք՝ [Եվրոպան պաշտպանելու] բեռը ամերիկացիների վրայից հանելու և էլ ավելի ինքնավար լինելու համար», - ասել է Մակրոնը։ «Այս ռազմավարական զարթոնքը պետք է մեզ տանի դեպի Եվրոպայում հսկայածավալ պաշտպանական պլանի և հսկայական ներդրումների մասին որոշում, և մենք պետք է կայացնենք այդ ռազմավարական որոշումները առաջիկա շաբաթների ընթացքում, ինչպես նաև արագացնելու տնտեսության և տեխնոլոգիաների զարգացումը, քանի որ դա նաև մեր անկախության գործոնն է»,- հավելել է նա։

Մակրոնը բացատրել է, որ խնդիրը եվրոպական պաշտպանական ընկերություններում ավելի շատ գումարներ ներդնելու և գնումների հարցում նրանց առաջնահերթություն տալու մասին է, նա հանդես է եկել տեղեկատվական անվտանգության ամրապնդման, սոցիալական ցանցերում անվտանգության բարձրացման և այլ եվրոպական երկրների հետ արտաքին միջամտությունից պաշտպանվելու օգտին:

News.am