2025-02-24 16:21
Информагентства
Ըստ ոստիկանության՝ Երևանում 482 ավտովթարներից միայն մեկ մեքենա է եղել ամառային անվադողերով
Փետրվարի 20-ից 24-ը՝ մինչև ժամը 08։00-ն, Երևանում արձանագրվել է ճանապարհատրանսպորտային 482 պատահար, այս մասին Aysor.am-ին հայտնեցին ՆԳՆ Ոստիկանության լրատվական ծառայությունից։
«Նշված 482 պատահարների հաշվառմամբ՝ 1 տրանսպորտային միջոց եղել է ամառային անվադողերով, իսկ 8 մեքենա եղել է ձմեռային մաշված անվադողերով։ Միաժամանակ՝ նույն ժամանակահատվածում Երևանում պարեկները ստուգել են 193 տրանսպորտային միջոց, որոնցից 15-ը եղել են ձմեռային մաշված անվադողերով»,-հայտնեցին ոստիկանության լրատվական ծառայությունից։
Մինչդեռ Երևանի քաղաքապետարանի գործակարգավորական նիստի ընթացքում քաղաքապետի խորհրդական Կամո Արեյանը հայտարարեց, թե վերջին օրերին մայրաքաղաքում արձանագրված վթարների գրեթե կեսը եղել են անվադողերի պատճառով։
«Արձանագրվել է, որ ամբողջովին մաշված եղել են նաև ձմեռային անվադողերը, որոնք այս պայմաններում ամենամեծ խոչընդոտն են եղել նաև երթևեկի համար»,-ասաց Կամո Արեյանը։
Քաղաքապետ Տիգրան Ավինյանն էլ հայտարարեց, որ խցանումների առաջացման պատճառների 80 տոկոսը պայմանավորված էր ամառային անվադողերով ավտոմեքենաների ԱՊՊԱ-ների հետևանքով։
«Այդ ԱՊՊԱ-ներն առաջանում էին հիմնականում այն ավտոմեքենաների մոտ, որոնք ամառային անվադողերով էին դուրս եկել առատ տեղումների ժամանակ»,-ասաց Տիգրան Ավինյանը։
Հիշեցնենք, որ կառավարության 2024 թ. նոյեմբերի 28-ի համապատասխան որոշմամբ նոյեմբերի 15-ից մինչև մարտի 31-ը թեթև մարդատար ավտոմոբիլներին ու մինչև 3,5 տոննա թույլատրելի առավելագույն զանգված ունեցող բեռնատար ավտոմոբիլներին կարգելվի երթևեկել առանց ձմեռային անվադողերի: Ըստ նույն որոշման՝ ձմռանն արգելվում է նաև մեքենա վարել մաշված անվադողերով, եթե անգամ դրանք ձմեռային են:
Որոշումն ուժի մեջ է մտել 2024 թվականի դեկտեմբերի 10-ից։
ПОСЛЕДНИЕ ОТ АВТОРА
-
New2025-06-23 15:03Адвокатская команда бизнесмена, владельца группы компаний «Ташир» и мецената Самвела Карапетяна опубликовала четвертую часть его послания, в которой он оценил разрушительные действия нынешнего режима Армении в отношениях с Диаспорой.
-
New2025-06-23 14:59То, что происходит в Армении, причиняет боль и негативно отражается на наших соотечественниках, проживающих в Диаспоре. Об этом в интервью Alpha News заявил предстоятель епархии ААЦ в Великобритании епископ Оваким Манукян, комментируя арест бизнесмена Самвела Карапетяна.
-
New2025-06-23 14:58Неспровоцированная агрессия в отношении Ирана не имеет никаких оправданий. Об этом заявил президент России Владимир Путин на встрече с главой иранского МИД Аббасом Аракчи в Москве.
-
New2025-06-23 14:00Федеральная служба безопасности Российской Федерации сообщила, что пресечена деятельность группы лиц, осуществлявшей на системной основе хищения с целью последующего незаконного сбыта и контрабанды на территорию Республики Армения высококачественного алмазного сырья из АК «АЛРОСА».