2025-02-28 08:51
Информагентства
Իրանի նախագահը չի բացառել ԱՄՆ-ի հետ բանակցությունները վերսկսելու հնարավորությունը
Իրանը չի հրաժարվում Վաշինգտոնի հետ բանակցություններից, սակայն չի պատրաստվում դրանք վարել իր համար ոչ շահավետ պայմաններով։ Այս մասին, ինչպես փոխանցում է ՌԻԱ Նովոստին, հայտարարել է երկրի նախագահ Մասուդ Փեզեշքիանը։
«Ոմանք ասում են, որ մենք այլ ընտրություն չունենք, քան ԱՄՆ-ի հետ բանակցությունների սեղան նստելը։ Բայց մենք չէինք էլ պնդում, որ չենք խոսելու։ Մենք միայն ասել ենք, որ չենք պատրաստվում ստորանալ ավազակների առաջ»,-նրա խոսքը մեջբերում է նախագահի մամուլի ծառայությունը։
Փեզեշքիանն ընդգծել է, որ բանակցությունների տրամաբանությունն իսկ խախտվում է, երբ մի կողմին առաջարկում են վայր դնել զենքը` իմանալով, որ մյուսը ցանկացած պահի կարող է հարված հասցնել:
Նախօրեին Իրանի ԱԳ նախարար Աբբաս Արաղչին իր ռուս գործընկեր Սերգեյ Լավրովի հետ մամուլի ասուլիսի ժամանակ հայտարարել էր, որ Թեհրանը ԱՄՆ-ի հետ միջուկային գործարքը չի քննարկելու, քանի դեռ Վաշինգտոնը շարունակում է առավելագույն ճնշման քաղաքականությունը: Նա նաև հստակեցրել էր, որ Լավրովը Թեհրան կատարած այցի ընթացքում Իրանին ամերիկյան կողմից որևէ ուղերձ չի փոխանցել:
Միջուկային գործարքը (ՀԳՀԾ) կնքվել է 2015 թվականին Մեծ Բրիտանիայի, Գերմանիայի, Չինաստանի, Ռուսաստանի, ԱՄՆ-ի, Ֆրանսիայի և Իրանի կողմից: Այն ենթադրում էր պատժամիջոցների վերացում` Իրանի միջուկային ծրագիրը սահմանափակելու դիմաց։ Սակայն 2018 թվականին` նախագահ Դոնալդ Թրամփի օրոք, ԱՄՆ-ը դուրս եկավ համաձայնագրից և վերականգնեց պատժամիջոցները։ Ի պատասխան Թեհրանը սկսեց աստիճանաբար կրճատել իր պարտավորությունները` հրաժարվելով մի շարք սահմանափակումներից, այդ թվում` ուրանի հարստացման աստիճանին վերաբերող։
Փետրվարին Թրամփը հայտարարել էր, որ պատրաստ է ռազմական գործողություններ վարելու փոխարեն Իրանի հետ նոր համաձայնագիր կնքել: Նա նշել էր, որ ուզում է հասնել «վերիֆիկացված» միջուկային խաղաղության պայմանագրի, որը Թեհրանին թույլ կտա զարգանալ և բարգավաճել:
Փետրվարի 25-ին ՌԴ նախագահի մամուլի քարտուղար Դմիտրի Պեսկովը իրանական IRNA գործակալությանը տված հարցազրույցում նշել էր, որ Մոսկվան պատրաստ է Թեհրանին օգնել լուծում միջուկային ծրագրի հետ կապված հարցերին։
Sputnik Արմենիա
ПОСЛЕДНИЕ ОТ АВТОРА
-
New2025-06-24 13:27Евразийский банк развития (ЕАБР) прогнозирует для Армении рост ВВП в ближайшие годы. Согласно макроэкономическому прогнозу банка, в 2025 году экономика страны вырастет на 5,5%, в 2026 году — на 5,3%, а в 2027 году — на 5,0%.
-
New2025-06-24 13:26Премьер-министр Армении Никол Пашинян объявил о готовности "плана по огосударствлению" "Электрических сетей Армении" (ЭСА).
-
New2025-06-24 13:23Турецкие силовики задержали во вторник 158 военных, подозреваемых в связях с организацией ныне покойного проповедника Фетхуллаха Гюлена (FETÖ, признана террористической и запрещена в Турции). Об этом сообщает газета Milliyet.
-
New2025-06-24 13:21Сегодня Комитет по присуждению Государственной премии Республики Армения за всемирный вклад в развитие высоких технологий объявил имя 16-го лауреата. Обладателем премии стал генеральный директор и председатель совета директоров компании «Analog Devices Inc.» (ADI) Винсент Рош.