Իսրայելը հրթիռակոծել է Դամասկոսի Դումմար շրջանը, որտեղ նաև հայեր են ապրում
Իսրայելն այսօր հրթիռային հարված է հասցրել Դամասկոսի Դումմար շրջանում, որտեղ նաև հայ ընտանիքներ են ապրում։ Տեղեկությունը հայտնում է սիրիական «Գանձասար» պարբերականը։
«Հայտնի է, որ կան վիրավորներ և պատճառվել է նյութական վնաս»,- գրում է պարբերականը՝ չմանրամասնելով, թե արդյոք վիրավորները նաև հայերի շրջանում են, թե ոչ։
Ավելի վաղ Երուսաղեմի հայոց պատրիարքությունը կոչով դիմել էր միջազգային հանրությանը, կառավարություններին, կրոնական և մարդասիրական կազմակերպություններին, անհատներին` նրանց ուշադրություն հրավիրելով Սիրիայում բնակվող բոլոր քրիստոնյաների պաշտպանության վրա: Հայ հոգևորականներն ընդգծել էին` սիրիահայերը, որոնցից շատերը բնակվում են Հալեպում և Դամասկոսում, արդեն շատ բան են վերապրել:
Դիմելով միջազգային հանրությանը` Երուսաղեմի պատրիարքարանն ընդգծել էր, որ հայերը Մերձավոր Արևելքում քրիստոնեական ներկայության կենսական մասն են։
Հիշեցնենք՝ մարտի 7–10–ը Սիրիայում ալավիների ու քրիստոնյաների զանգվածային սպանություններ են իրականացվել։ Սիրիայի նոր իշխանությունների անվտանգության ուժերի և ապստամբ ալավիների (մահմեդականներ, որոնք կազմում են Սիրիայի բնակչության 10%-ը և բնակվում են երկրի արևմուտքում) բախումների ժամանակ զոհերի թիվը հասել է հազարի։ Սակայն սրանք հստակ տվյալներ չեն։ Սպանվածների թվում նաև հայեր կան։ Նրանց թվում են (հաստատված տեղեկությունների համաձայն) հայր և որդի Անտուան և Ֆատի Պութրոսները, որոնց սպանել են մարտի 7-ին Լաթաքիայի մուտքի մոտ։
Sputnik Արմենիա
ПОСЛЕДНИЕ ОТ АВТОРА
-
2025-05-24 15:54
Иран в субботу официально запустил первое в стране воздушное такси, открыв новую страницу в развитии национальной авиации, сообщает IRNA.
-
2025-05-24 15:52
Крупное отключение электроэнергии произошло во французском департаменте Приморские Альпы, где в субботу завершается Каннский кинофестиваль, сообщает РИА Новости со ссылкой на зарубежные СМИ.
-
2025-05-24 15:49
Административный суд в Ереване вновь признал недействительным кратное повышение платы за парковку в столице, но вердикт останется на бумаге.
-
2025-05-24 15:45
20 мая 2025 года суд в Азербайджане приговорил Игбала Абилова к 18 годам лишения свободы по делу о госизмене. Ученого арестовали в 2024 году, когда он приехал в Азербайджан на свадьбу двоюродного брата.