2025-03-15 11:26
Информагентства
Տիգրան ՔՈՉԱՐՅԱՆ․ ՉԿԱ ՈՐԵՎԷ ԵՐԿԻՐ, ՈՐ ԱՍԻ՝ ԵՍ ՏԵՐ ԵՄ ԱՅՍ ԽԱՂԱՂՈՒԹՅԱՆ ՀԱՄԱՁԱՅՆԱԳՐԻՆ (ՏԵՍԱՆՅՈՒԹ)
Alpha News-ի գլխավոր խմբագիր Տիգրան Քոչարյանը մեր ուղիղ եթերում մանրամասն վերլուծել է, թե ինչու են Հայաստանն ու Ադրբեջանը շտապում ժամ առաջ ստորագրել խաղաղության պայմանագիրը։
«Այս տրամաբանությունը պայմանավորված է նրանով, որ և՛ Փաշինյանը, և՛ Արևմուտքը՝ Եվրոպայի դեմքով, սխալ խաղադրույք են արել ԱՄՆ ընտրությունների վրա։ Բոլորը սպասում էին, որ Բայդենն ու Հարիսը հաղթելու են, ու այդ գործընթացը՝ Զանգեզուրի միջանցք, խաղաղության համաձայնագիր և այն, որոնց քավորը եղել են դեմոկրատներն ու Եվրոպան, շարունակվելու է։ ԱՄՆ-ում Թրամփի ընտրվելը խառնեց խաղաքարտերը։
Իրենք տեսնում են, որ Ուկրաինայում ներկա պահին մի գործընթաց է գնում, որի պատճառով կարող է դադարի պատերազմը ու Ռուսաստանը կկարողանա իր ռեսուրսներն ուղղել նաև այնտեղ, որտեղից ստիպված էր այդ ռեսուրսները հետ քաշել։ Առաջինը լինելու է Հարավային Կովկասը։ Դրա համար շտապում են համաձայնագիրը ստորագրել»,- նշել է Տիգրան Քոչարյանը։
Նրա խոսքով՝ ընդդիմությունը պետք է փորձի կասեցնել այդ համաձայնագրի վավերացումը՝ օգտագործելով տարբեր լծակներ։
«Ստորագրման պահից որոշակի իրավական գործընթաց կա։ Այն պետք է խորհրդարանն ընդունի, վավերացնեն և այլն։ Պետք չէ միանգամից խուճապի մեջ ընկնել, վաղը դուրս գալ փողոցներ։ Ընդդիմությունը պիտի պայքարի ստրատեգիա մշակի՝ ԱԺ-ում, փողոցում, փորձեն այլ լծակներ օգտագործել, նաև արտաքին խաղացողներին, որոնք դեմ են այս պրոցեսին, ևս ներգրավեն, դիվանագիտական ճանապարհներով խանգարեն այդ պրոցեսին։ Պետք չէ էմոցիոնալ մոտենալ հարցին, պետք է ռացիոնալ կերպով գծել դիմադրության պլանը»,- ընդգծել է Տիգրան Քոչարյանը։
Մեդիափորձագետն ասել է, որ եթե նույնիսկ ստորագրվի այդ համաձայնագիրը, երաշխավոր չի լինելու․ ցանկացած պահի կարող է հարձակում լինել։
«Դիցուք՝ ստորագրեցին։ Ո՞վ է երաշխավորելու դրա կիրառումը։ Չկա որևէ երկիր, որ ասի՝ ես տեր եմ այս խաղաղության համաձայնագրին։ Դա նշանակում է, որ յուրաքանչյուր պահի յուրաքանչյուր կողմը կարող է խախտել համաձայնագիրը՝ հիմնվելով ինչ-ինչ առիթների վրա։
Այս համաձայնագիրն էլ է առ ոչինչ։ Չի կարելի ասել, որ այն խաղաղության համաձայնագիր է, որովհետև հայկական կողմը նվաստացված է։ Երբ իշխանափոխություն լինի, ազգային ուժեր գան, այս համաձայնագիրը չի կատարվելու։ Եթե երաշխավոր էլ կանգնեն, դա չի նշանակում, որ հրադադար է լինելու»,- ասել է Alpha News-ի գլխավոր խմբագիրը։
Քոչարյանի համոզմամբ՝ Ադրբեջանի նախագահն արդեն ամեն ինչ ստացել է Նիկոլ Փաշինյանից։
«Մեր ազգաբնակչությունը պիտի հասկանա՝ խաղաղության համաձայնագիրն առ ոչինչ է ու հարցերը լուծելու են գետնի վրա, զենքի ուժով ու միջազգային նոր փոխված իրավունքի ուժով։ Իրականում, Ալիևն ամեն ինչ ստացել է Փաշինյանից, իսկ Փաշինյանն Ալիևի համար մաշված դեմք է։ Ալիևն ամեն ինչ անելու է, որ ապագա իշխանությունը որևէ շանս չունենա որևէ բան փոփոխելու»,- ընդգծել է Տիգրան Քոչարյանը։
ПОСЛЕДНИЕ ОТ АВТОРА
-
2025-07-11 19:39Антицерковная кампания властей – серьезная угроза армянской государственности и народному единству, она бьет по репутации страны и Церкви. Об этом заявил Католикос Всех армян Гарегин II на ежегодном собрании священников в Св. Эчмиадзине.
-
2025-07-11 19:37Теперь очередь за цистернами с газом. На стоянке Степанцминда-Ларс в Грузии более пятидесяти армянских грузовиков со сжиженным газом с рассвета ждут завершения таможенных процедур, чтобы отправиться в Армению. Водители, звонившие в редакцию Радио «Свобода» с места происшествия, сообщают, что грузинская таможенная служба вводит новые ограничения на возвращающиеся в Армению из России грузовики без какой-либо четкой причины и официального объяснения.
-
2025-07-11 19:35Управление верховного комиссара ООН по правам человека (УВКПЧ) осведомлено о напряженности вокруг Армянской Апостольской церкви (ААЦ), но не располагает достаточной информацией для комментариев. Об этом заявила РИА Новости официальный представитель Управления Элизабет Троссел.
-
2025-07-11 19:35Госдеп США предупредил сотрудников о грядущих увольнениях в ведомстве в рамках плана администрации Дональда Трампа по сокращению правительственного штата. Об этом сообщают The Washington Post (WP) и The New York Times (NYT) со ссылкой на попавшее в их распоряжение внутреннее сообщение, отправленное сотрудникам Госдепа.