2025-03-19 19:43
Информагентства
Ռուբեն ՄԽԻԹԱՐՅԱՆ․ ՀԱՄՈԶՎԱԾ ԵՄ, ՈՐ ԵԹԵ ԸՆՏՐՈՒԹՅՈՒՆՆԵՐԸ ՉԿԵՂԾՎԵՆ, ԳՅՈՒՄՐԻԻ ՔԱՂԱՔԱՊԵՏ ԿԴԱՌՆԱ ԸՆԴԴԻՄԱԴԻՐ ԹԵԿՆԱԾՈՒՆ (ՏԵՍԱՆՅՈՒԹ)
Համոզված եմ, որ եթե ընտրությունները չկեղծվեն, Գյումրիի քաղաքապետ կդառնա ընդդիմադիր թեկնածուն: Դրա մասին News.am-ի թղթակցի հետ զրույցում հայտարարել է «Իմ հզոր համայնք» կուսակցությունից Գյումրիի քաղաքապետի թեկնածու Ռուբեն Մխիթարյանը։
Միաժամանակ նա չի բացառել, որ ընտրությունները կկեղծվեն։ «Ես իրավունք ունե՞մ այդպես մտածելու, եթե երկրի ղեկավարը 7 տարվա ընթացքում բազմիցս ստել է»,- հռետորական հարց է տվել Մխիթարյանը։
Նա հայտնել է, որ իշխանությունները անսահմանափակ գումարներ են ներդրել նախընտրական քարոզարշավում, և որ աներևակայելի մասշտաբներով օգտագործվում են նաև վարչական ռեսուրսները։
«Իշխող կուսակցությունը՝ «Քաղաքացիական պայմանագիրը», կիրառում է վարչական ռեսուրսներ և անհայտ ծագման գումարներ է ծախսում քարոզարշավի վրա։
Կուսակցության նախընտրական ցուցակում ընդգրկված են եղել պոլիկլինիկաների և մանկապարտեզների տնօրեններ։ Ի՞նչ է սա, եթե ոչ վարչական ռեսուրսի օգտագործում։ Չեմ կարծում, որ այդ մարդիկ իրենց կամքով են ներառվել ցուցակում։ Իշխանությունները շաբաթը 2-3 անգամ նախարարներ են ուղարկում քաղաք։ Սա վարչական ռեսուրսի օգտագործո՞ւմ է, թե՞ ոչ։ Մինչ Սարիկ Մինասյանի՝ Գյումրիի քաղաքապետի ժամանակավոր պաշտոնակատար նշանակվելը, այդ մարդիկ Գյումրու տեղն էլ չգիտեին։
Ավելի վաղ իշխանությունները ստեղծել էին Գյումրու զարգացման կոմիտե։ Ի՞նչ են արել նրանք այս ընթացքում։ Իսկ հիմա, իրար հերթ չտալով, սլանում են քաղաք։
Նախարարը գալիս է Գյումրի՝ մանկապարտեզի բացմանը մասնակցելու համար, մինչդեռ իշխանությունները խոստացել են այստեղ չոր նավահանգիստ կառուցել և 20 հազարից մինչև 40 հազար նոր աշխատատեղ ստեղծել»,- ընդգծել է Գյումրիի քաղաքապետի թեկնածուն։
Մխիթարյանը նշել է, որ իշխանությունները Գյումրիին խոստանում են նույն բանը, ինչ բազմապատիկ խոստացել են Վանաձորին, Երևանին և դեռ ավելին Հայաստանին ու Արցախին։
Նա համոզմուն է հայտնել, որ մասնակցությունն այս անգամ կլինի ակտիվ և ավելի բարձր, քան նախորդ ընտրություններում։
Քաղաքական գործիչը հավելել է, որ իրական պատկեր ձևավորելու, ինչպես նաև ապագա համայնքի ղեկավարի համար լեգիտիմության բարձր մակարդակ ապահովելու համար առավելագույն թվով ընտրողների մասնակցություն է անհրաժեշտ։
«Ամենացածր մասնակցությունը գրանցվել է տեղական ինքնակառավարման մարմինների ընտրություններին 2021 թվականին, երբ մասնակցել է 26 հազար մարդ, բայց հիմա հույս ունենք, որ կմասնակցի մինչև 35 հազար ընտրող»,- նշել է նա։
Մխիթարյանը պարզաբանել է, որ եթե ընդդիմադիր թեկնածու առաջադրելու համար անհրաժեշտ լինեն իր ընտրողների ձայները, ինքը դրանք կտա այն ուժերին, որոնք դրա կարիքը կունենան։
Միաժամանակ նա հույս է հայտնել, որ եթե այդ ձայներն անհրաժեշտ լինեն «Իմ հզոր համայնք» կուսակցությանը, ապա մյուս ուժերը նույնպես կտան իրենց ընտրողների ձայները։
Հիշեցնենք, որ Հայաստանի երկրորդ քաղաքում ընտրությունները տեղի են ունենալու մարտի 30-ին, քարոզարշավը մեկնարկել է մարտի 15-ին։ Դրանց մասնակցում է ինը քաղաքական ուժ։
ПОСЛЕДНИЕ ОТ АВТОРА
-
New2025-05-22 20:21Визит министра иностранных дел России Сергея Лаврова в Ереван 20-21 мая стал знаковым событием, которое может ознаменовать поворот в российско-армянских отношениях после длительного периода охлаждения.
-
New2025-05-22 19:55Президент Турции Тайип Эрдоган заявил, что у него нет намерений снова баллотироваться в президенты, но стране необходима новая конституция. Об этом он сказал в беседе с журналистами своего пула по возвращении из Венгрии. Турецкий лидер добавил, что нужна конституция, предложенная гражданскими лицами, а не заговорщиками, и его Партия справедливости и развития ведет работу над подготовкой проекта нового Основного закона.
-
New2025-05-22 19:53Рано утром в четверг на территории ЦРУ в городе Маклин американского штата Вирджиния получил огнестрельное ранение человек, сообщает NBC Washington.
-
New2025-05-22 19:50Всего в ходе отражения массированного налета беспилотников противника (с 20 часов 20 мая до 8 часов 22 мая) вне зоны проведения специальной военной операции, над территорией России средствами ПВО сбиты 485 беспилотных летательных аппаратов самолетного типа, сообщает Минобороны РФ.