2025-03-26 17:27
Информагентства
Ուկրաինան և Ռուսաստանը միմյանց մեղադրել են ենթակառուցվածքներին հարվածելու մեջ
Ուկրաինան և Ռուսաստանը միմյանց մեղադրել են քաղաքացիական ենթակառուցվածքների լայնածավալ հարձակումների մեջ՝ չնայած Էր Ռիադում ձեռք բերված փոխադարձ պայմանավորվածություններին, որոնց մասին նախօրեին հայտնել էր ԱՄՆ-ը։
Ռուսաստանի պաշտպանության նախարարությունը հայտնել է, որ ուկրաինացի զինվորականները հարձակումներ են իրականացնում էներգետիկ ենթակառուցվածքների վրա՝ չնայած Սաուդյան Արաբիայում բանակցությունների արդյունքներին։
Ռուսաստանի ռազմական գերատեսչության հաղորդագրությունում նշվել է, որ մարտի 26-ի գիշերը ուկրաինական անօդաչու թռչող սարքերը փորձել են գրոհել «Գլեբովսկի ստորգետնյա գազապահեստարանի վերգետնյա սարքավորումները» Ղրիմում, Թարխանկուտ հրվանդանի մոտ։
Բացի այդ, Ռուսաստանը պնդել է, որ չորեքշաբթի առավոտյան ուկրաինական անօդաչու թռչող սարքը հարվածել է Բրյանսկի մարզում գտնվող էլեկտրաէներգիայի օբյեկտին, ինչի հետևանքով բարձրավոլտ գիծն անջատվել է, և «Կոմարիչյան շրջանի սպառողները մնացել են առանց էլեկտրականության»։
ՌԴ ՊՆ-ն նաև տեղեկացրել է, որ մարտի 25-ին ուկրաինական անօդաչու թռչող սարքը խոցել է «Ռոսսետի-ցենտրի «Կուրսկէներգո» ՓԲԸ մասնաճյուղի էլեկտրակայանը, ինչի հետևանքով տեղի է ունեցել մի շարք ենթակայանների կասկադային անջատում, և Խոմուտովսկի շրջանի ավելի քան 4 հազար սպառող մնացել է առանց էլեկտրականության։
Ռուսաստանը հայտնել է, որ Ուկրաինան «ամեն ինչ անում է ուկրաինական հակամարտության կարգավորման փուլային միջոցառումների վերաբերյալ ձեռք բերված ռուս-ամերիկյան պայմանավորվածությունները խափանելու համար»։
Ուկրաինայի իշխանությունները չեն մեկնաբանել ռուսական էներգետիկ ենթակառուցվածքների վրա հարձակումների մասին պնդումները։
Սակայն չորեքշաբթի առավոտյան Ուկրաինայի նախագահ Վլադիմիր Զելենսկին մեղադրել է Ռուսաստանին քաղաքացիական ենթակառուցվածքների վրա հարձակումների համար, ինչը նա անվանել է «ապացույց, որ Ռուսաստանը ձգձգում է այս պատերազմը»:
Զելենսկու խոսքով՝ ռուսական բանակը գրոհել է Ուկրաինայի վրա 117 անօդաչու թռչող սարքերով, որոնք ուղղված են եղել նաև քաղաքացիական ենթակառուցվածքներին։ «Հրադադարի շուրջ բանակցություններից հետո նման լայնածավալ հարձակումներ իրականացնելը նշանակում է աշխարհում բոլորին հստակ ցույց տալ, որ Մոսկվան չի պատրաստվում համաձայնել իրական խաղաղությանը»,- գրել է Զելենսկին։
Ավելի վաղ Ռուսաստանը հրապարակել էր Էր Ռիադում ձեռք բերված պայմանավորվածությունների իր տարբերակը, համաձայն այդ փաստաթղթի՝ մարտի 18-ից ուժի մեջ էր մտնելու Ռուսաստանի և Ուկրաինայի էներգետիկ օբյեկտների վրա հարձակումների արգելքը 30 օրով։
News.am
ПОСЛЕДНИЕ ОТ АВТОРА
-
New2025-07-29 10:56В армянском спорте творится произвол. Главным ответственным за происходящее является руководитель аппарата премьер-министра.
-
New2025-07-29 10:33Заявления из США и Израиля показывают, что геополитический узел вокруг Ирана не только не решён, но и в ближайшее время ожидаются более серьёзные события.
-
New2025-07-29 08:41В Европе число заключенных на 100 мест увеличилось с 93,5 до 94,9 с 31 января 2023 года по 31 января 2024 года, причем по странам наблюдались значительные различия. Об этом говорится в сообщении Совета Европы.
-
New2025-07-29 08:38Судя по всему, ряд предпринимателей, близких к главе Армении Пашиняну и ведущих бизнес в России, могут столкнуться с проблемами с силовиками. Об этом сообщает ВЧК-ОГПУ.