2025-03-28 19:40
Информагентства
Թանդիլյան․ Հայ գերիների հարցով մտահոգությունները փոխանցվել են ՄԱԿ-ի համապատասխան կառույցների
Հայաստանում ՄԱԿ-ի Մշտական համակարգող Ֆրանսուազ Ժակոբին պատասխանել է ՄԱԿ-ի երևանյան գրասենյակի դիմաց հայ ռազմագերիների հարցով բողոքի ակցիայի շրջանակներում ուղարկված նամակին։ «Արմենպրես»-ի հաղորդմամբ՝ «Ֆեյսբուք»-ի իր էջում գրել է «Ապրելու երկիր» կուսակցության համահիմնադիր Մանե Թանդիլյանը։
«Մարտի 14-ին ՄԱԿ-ի գրասենյակի մոտ մեր ակցիայի շրջանակներում ուղարկված նամակին ստացել ենք պատասխան Հայաստանում ՄԱԿ-ի Մշտական համակարգող Ֆրանսուազ Ժակոբից, առ այն, որ մեր մտահոգությունները և հաղորդագրությունը փոխանցվել են ՄԱԿ-ի համապատասխան մարմիններ, այդ թվում՝ Քաղաքական և խաղաղաշինության հարցերի դեպարտամենտին, Մարդու իրավունքների գերագույն հանձնակատարի գրասենյակին և ՄԱԿ-ի քարտուղարությանը։
Ի պատասխան՝ մենք հանդիպում ենք խնդրել ՄԱԿ-ի Մշտական համակարգող Ֆրանսուազ Ժակոբից՝ քննարկելու մեր բարձրացրած հարցերի ընթացքը»,-գրել է Թանդիլյանը։
Կուսակցությունը շարունակում է պահանջել, որ ՄԱԿ-ի ներկայացուցիչները շտապ այց կատարեն Ադրբեջանում պահվող հայ ռազմագերիներին և ներկա գտնվեն նրանց նկատմամբ անցկացվող դատավարություններին։
Մարտի 14-ին մի խումբ քաղաքացիներ բողոքի ակցիա էին անցկացրել ՄԱԿ-ի երևանյան գրասենյակի դիմաց՝ պահանջելով, որ միջազգային կառույցները գործնական քայլեր ձեռնարկեն Բաքվում պահվող հայ ռազմագերիների պաշտպանության ուղղությամբ։
Ակցիայի մասնակիցները շեշտել էին, որ դատավարությունները Ադրբեջանում իրականացվում են փակ և ոչ թափանցիկ պայմաններում, իսկ միջազգային կառույցները, այդ թվում՝ ՄԱԿ-ը, սահմանափակվում են հայտարարություններով։ Մանե Թանդիլյանը կոչ էր արել ՄԱԿ-ին իրագործել իր մանդատը՝ ներկա գտնվել դատավարություններին և զեկույց ներկայացնել գերիների առողջական վիճակի ու իրավունքի խախտումների մասին։
Ակցիայի մասնակիցները պահանջում էին ՄԱԿ-ի ներկայացուցիչների անհապաղ այց Ադրբեջանում պահվող հայ ռազմագերիներին, նրանց մասնակցությունը Բաքվում անցկացվող դատավարություններին՝ թափանցիկությունն ապահովելու նպատակով, միջազգային հանրության ճնշում Ադրբեջանի վրա՝ ռազմագերիների իրավունքների խախտումները դադարեցնելու համար։
ПОСЛЕДНИЕ ОТ АВТОРА
-
New2025-05-01 17:39Находящемуся в больнице активисту Артуру Чахояну предъявили обвинение в хулиганстве. Об этом он сообщил на своей странице в Facebook.
-
New2025-05-01 17:37В ходе визита в Рим Католикос Великого дома Киликийского Арам I дал два интервью итальянским СМИ. Об этом говорится в сообщении, распространенном на странице Арама I в Facebook.
-
New2025-05-01 17:33Переговорный процесс между США и Россией по урегулированию конфликта на Украине продолжается: в Вашингтоне считают, что возможность заключения соглашения все еще существует. Об этом заявил помощник президента США по национальной безопасности Майк Уолтц в эфире Fox News.
-
New2025-05-01 17:27Официальный представитель МИД Ирана Исмаил Багаи осудил введение нового пакета санкций со стороны Вашингтона против Тегерана, а также его партнеров за сотрудничество с исламской республикой в торгово-экономической сфере, говорится в заявлении иранского МИД.