2025-03-30 23:15
Информагентства
ՄԻՊ․ Գյումրիի և Փարաքարի ընտրություններին արձանագրվել է ատելության բարձր մակարդակ
Գյումրի և Փարաքար համայնքներում տեղի ունեցող տեղական ինքնակառավարման մարմինների ընտրությունների ընթացքում արձանագրվել է ատելության, խտրական խոսքի ու հասարակության բևեռացման բարձր մակարդակ, ինչն անթույլատրելի է։ Այդ մասին նշված է ՀՀ մարդու իրավունքների պաշտպանի հայտարարության մեջ։
Ավելի վաղ հայտնել էինք, որ Շիրակի մարզի Գյումրի և Արմավիրի մարզի Փարաքար համայնքներում այսօր ավագանու արտահերթ ընտրություններ էին։
Պաշտպանի աշխատակազմից նշել են, որ այս համայնքներում իրենք աշխատել են վաղ առավոտից և այս ընթացքում ուսումնասիրվել է լրատվամիջոցներում և սոցիալական ցանցերում զետեղված ավելի քան 300 հրապարակում։
«Ընտրական գործընթացների ժամանակահատվածում արձանագրված խնդիրները կամփոփվեն և գրություններ կհասցեագրվեն պետական իրավասու մարմիններին»,– ասված է ՄԻՊ հաղորդագրության մեջ:
Մշտադիտարկման արդյունքում օմբուդսմենն արձանագրել է ընտրողների ուղղորդումների, տեղամասերում կողմնակի անձանց ներկայության, կուտակումների, քվեարկության գաղտնիությունը խախտելու, ընտրատեղամասերի կահավորման վիճակի, տեղամասային կենտրոններում ընտրողների ցուցակների` տեսանելի տեղում փակցված չլինելու հետ կապված և այլ խնդիրների առնչությամբ հրապարակումներ:
Նշվում է, որ հատուկ ուշադրությամբ ուսումնասիրվել է լրագրողների և դիտորդների աշխատանքի հնարավոր խոչընդոտների վերաբերյալ տեղեկատվությունը։
Բացի այդ, Մարդու իրավունքների պաշտպանի հանձնարարությամբ մշտադիտարկման այցեր են իրականացվել տեղամասային կենտրոններ՝ ընտրական գործընթացի՝ հաշմանդամություն ունեցող անձանց համար մատչելիությունը դիտարկելու նպատակով։ Այցին մասնակցել են նաև հաշմանդամություն ունեցող անձինք։
Այդ համատեքստում արձանագրվել են տեղամասային կենտրոնին հարող տարածքի, շենքերի, քվեարկության սենյակի, այդ թվում՝ սենյակի գտնվելու հարկի, բավարար լուսավորության, սանհանգույցի մատչելիության ապահովման հետ կապված խնդիրներ։
ՄԻՊ–ն արձանագրել է, որ տեղամասային կենտրոններն ապահովված չեն եղել խոշորացույցերով, առկա է եղել քվեաթերթիկների համար բրայլյան կաղապարների կիրառության վերաբերյալ իրազեկվածության պակաս և այլն։
Տեղեկատվություն է ստացվել նաև այն մասին, որ անձը, հաշմանդամությամբ պայմանավորված, չի կարողացել տանից դուրս գալ և իրացնել իր ընտրական իրավունքը, ինչը հետևանք է նաև շրջիկ արկղի միջոցով քվեարկությանը մասնակցելու օրենսդրական հնարավորության բացակայության։
Sputnik Արմենիա
ПОСЛЕДНИЕ ОТ АВТОРА
-
New2025-05-01 05:31Фракция "Гражданский договор" в Совете старейшин Еревана возложила ответственность за инцидент в администрации Нор-Норка на правоохранительные органы.
-
New2025-05-01 05:29Антикоррупционный комитет Армении сообщает о завершении расследования по выделенному уголовному делу в отношении троих сотрудников префектуры столичной общины Центр. Один из них арестован, еще двое находятся под домашним арестом с выплатой залога.
-
New2025-05-01 05:26Вопрос Арцаха остаётся нерешённым и, более того, имеет экзистенциальное значение для армянского народа, подчёркивает депутат парламента Арцаха Метаксе Акопян.
-
New2025-05-01 05:22Европейская народная партия (ЕНП) в ходе конгресса в Валенсии 29-30 апреля приняла экстренную резолюцию по Армении.