2025-04-01 10:39
Информагентства
ՀՀ ՊՆ․ Ադրբեջանը ևս մեկ ապատեղեկատվություն է տարածել
Ադրբեջանական կողմը հերթական ապատեղեկատվությունն է տարածել` իբր հայկական զինուժը կրակ է բացել ադրբեջանականի ուղղությամբ։ ՀՀ պաշտպանության նախարարությունը հերքել է այդ սուտ լուրը։
«Ադրբեջանի ՊՆ հաղորդագրությունը, թե իբր մարտի 31-ի ժամը 17։00-ից մինչև ապրիլի 1-ի ժամը 04։45-ն ընկած ժամանակահատվածում ՀՀ ԶՈՒ ստորաբաժանումները կրակ են բացել սահմանագոտու արևելյան և հարավարևելյան հատվածներում տեղակայված ադրբեջանական դիրքերի ուղղությամբ, չի համապատասխանում իրականությանը»,–ասվում է ՀՀ ՊՆ հաղորդագրության մեջ։
Գերատեսչությունից կրկին հիշեցնում են, որ Հայաստանի Հանրապետության վարչապետի աշխատակազմն առաջարկել է հրադադարի ռեժիմի խախտման դեպքերի և/կամ այդ մասին տեղեկությունների հետաքննության Հայաստան-Ադրբեջան համատեղ մեխանիզմ ստեղծել, ինչին մինչև օրս Ադրբեջանը չի արձագանքել։
ՀՀ ՊՆ–ն վերահաստատում է, որ պատրաստ է հետաքննել Ադրբեջանի ՊՆ հաղորդագրությունը հիմնավորող փաստերը՝ դրանք ՀՀ-ին փոխանցելու պարագայում։
Հիշեցնենք` մարտի 31–ի առավոտյան ՀՀ ՊՆ–ն տեղեկացրեց, որ ադրբեջանական ստորաբաժանումներն այս գիշեր կրակել են Սյունիքի մարզի Խնածախ բնակավայրի ուղղությամբ։ Նաև լուսանկարներ էին հրապարակվել, որոնք ցույց էին տալիս, որ կրակոցներից վնասվել է գյուղի բնակելի տներից մեկը։
Դրան զուգահեռ ադրբեջանական կողմը ապատեղեկատվություն էր տարածել` իբր մարտի 30-ին՝ ժամը 22:30-ից մինչև մարտի 31-ը՝ ժամը 04:35-ը, ՀՀ ԶՈւ ստորաբաժանումները կրակ են բացել սահմանագոտու արևելյան և հարավարևելյան հատվածներում տեղակայված ադրբեջանական դիրքերի ուղղությամբ։ ՊՆ–ն ստիպված էր եղել հերքել նաև այդ լուրը։
Sputnik Արմենիա
ПОСЛЕДНИЕ ОТ АВТОРА
-
New2025-07-25 09:36Некоторые источники сообщают об интенсивном патрулировании Военно-воздушными силами Ирана на северо-западе страны. Одной из причин этих действий стали передвижения армии Азербайджана,сообщаетTelegram-канал Sepah Pasdaran.
-
New2025-07-25 09:34Специальный посланник США Стив Уиткофф заявил в четверг, что Вашингтон прекращает переговоры о прекращении огня в Газе и возвращают домой свою переговорную группу из Катара для консультаций, сообщает NBC News.
-
New2025-07-25 09:33Вчера в Сюникской области произошла трагедия, сообщает 24News.
-
New2025-07-25 09:31Папа Римский Лев XIV направил личное письмо Его Святейшеству Католикосу Великого Дома Киликии Араму I, в котором выразил благодарность за то, что по благословению Владыки армянская Церковь направила делегацию из двух архиереев на торжественную литургию по случаю его интронизации.