2025-04-01 10:45
Информагентства
Վիլեն Գաբրիելյանը վայր է դնում պատգամավորական մանդատը
ՀՀ ԱԺ «Քաղաքացիական պայմանագիր» խմբակցության պատգամավոր Վիլեն Գաբրիելյանը վայր է դնում պատգամավորական մանդատը։ Այս մասին նա գրել է «Ֆեյսբուքի» իր էջում։
«Ունեմ հստակ համոզմունք, որ քաղաքական գործընթացներում առանցքային դեր ունի քաղաքական պատասխանատվություն կրելու մշակույթը, իսկ դրա համար էլ համապատասխան կամք ու վճռականություն է պետք, որին միշտ տիրապետել եմ: Անցած կիրակի Գյումրի քաղաքում իմ մասնակցությամբ այսպես ասած միջադեպերը համարում եմ ոչ վայել ՀՀ ԱԺ պատգամավորի վարքին: ԱԺ պատգամավորն իր առաքելությունում պարտավոր է չդրսևորել անհարկի վարքագիծ: Ըստ այդմ՝ բոլորիցդ հրապարակային հայցում եմ ներողություն և պաշտոնապես հայտարարում եմ, որ վայր եմ դնում ԱԺ պատգամավորի մանդատս»,– գրել է Գաբրիելյանը:
Նա ընդգծել է, որ դիմումը այսօր սահմանված կարգով կհանձնի ԱԺ աշխատակազմ:
Միաժամանակ հայտնել է, որ այս պահից սկսած ինքնաառաջադրվում է «Քաղաքացիական պայմանագիր» կուսակցության առաջիկա վարչության ընտրություններում՝ որպես վարչության անդամի թեկնածու։ Նրա պնդմամբ` իր համար միանշանակ է, որ ՔՊ կուսակցությունն ունի լրջագույն առողջացման և կերպարանափոխման կարիք:
Հիշեցնենք` Գյումրիում մարտի 30–ին` ավագանու ընտրությունների օրը, միջադեպ է տեղի ունեցել ընտրությունները լուսաբանող լրագրողների և ենթադդրաբար ալկոհոլի ազդեցության տակ գտնվող ՔՊ-ական պատգամավոր Վիլեն Գաբրիելյանի միջև։ Լրագրողներից մեկի հարցին` եթե ՔՊ–ի թեկնածու Սարիկ Մինասյանը պարտվի, շա՞տ կտխրեք, Վիլեն Գաբրիելյանը պատասխանել է` կուրախանամ։
Ավելի ուշ նա հայհոյել է լրագրողներից մեկին, վիճաբանություն է սկսվել։ Ապա լրագրողներից մեկի պահանջին, թե հայհոյելու համար ներողություն խնդրեք և մանդատը վայր դրեք, Գաբրիելյանը ասել է. «Մեկ է` 2026-ին իշխանությունը փոխվելու ա, խի՞ եմ ես մանդատս հիմա վայր դնում»։
Նշենք, որ Վիլեն Գաբրիելյանը ծնվել է 1983թ. օգոստոսի 25-ին Բաքվում: Նա «Քաղաքացիական պայմանագրի» հիմնադիր անդամ է 2013 թվականից։ 2021թ. հունիսի 20-ին ԱԺ պատգամավոր է ընտրվել ՔՊ կուսակցության համապետական ընտրական ցուցակով:
Sputnik Արմենիա
ПОСЛЕДНИЕ ОТ АВТОРА
-
New2025-07-24 10:35На этой карте красным отмечены международно признанные территории Республики Армения, которые после 2021 года в разное время были захвачены вооружёнными силами Азербайджана.
-
New2025-07-24 10:26Британская горнодобывающая компания Anglo Asian Mining начала добычу на медно-молибденовом месторождении Кашен в оккупированном Арцахе, пишет «Hetq».
-
New2025-07-24 10:09В Казахстане считают, что Азербайджан заранее спланировал эскалацию отношений с Россией, а, возможно, и инцидент с самолётом в небе над Грозным. Об этом пишет Pravda.Ru.
-
New2025-07-24 07:15Верховный суд Организации Объединенных Наций в своем знаменательном консультативном заключении в среду заявил, что страны могут нарушить международное право, если они не примут мер по защите планеты от изменения климата, а страны, пострадавшие от его последствий, могут иметь право на возмещение ущерба, сообщает Associated Press.