2025-04-01 18:55
Информагентства
Հայկ ՆԱՀԱՊԵՏՅԱՆ․ ԼԱՅՆԱԾԱՎԱԼ ԱԳՐԵՍԻԱՅԻ ՈՐՈՇՈՒՄԸ ԿԿԱՅԱՑՎԻ ՈՉ ԹԵ ԲԱՔՎՈՒՄ, ԱՅԼ ԼՈՆԴՈՆՈՒՄ ԿԱՄ ՎԱՇԻՆԳՏՈՆՈՒՄ (ՏԵՍԱՆՅՈՒԹ)
Ադրբեջանը հող է նախապատրաստում հարձակման համար. Այս մասին News.am-ի թղթակցի հետ զրույցում ասաց ռազմական փորձագետ Հայկ Նահապետյանը։
Նա բացատրեց, որ Ադրբեջանը քարոզչական հող է նախապատրաստում, ինչպես դա եղել է բոլոր դեպքերում, երբ Ադրբեջանը պատրաստվում էր ագրեսիայի։
Նահապետյանը չբացառեց, որ Ադրբեջանի համար հարմար պահ կարող է ծառայել Իրանի դեմ հնարավոր ռազմական գործողությունների սկզբնական փուլը։
«Եթե իր թիկունքում չունենա գերտերություն՝ ի դեմս ԱՄՆ-ի, Ադրբեջանն ինքնուրույն չի գնա իրավիճակի սրմանը տարածաշրջանում, քանի որ գիտի, որ նման գործողությունները մարտահրավեր են նետելու Իրանին և Ռուսաստանին։ Սա խոսում է այն մասին, որ լայնածավալ ագրեսիայի որոշումը կկայացվի ոչ թե Բաքվում, այլ ավելի բարձր մակարդակով և ոչ թե Անկարայում, այլ Լոնդոնում կամ Վաշինգտոնում։
Փորձագետը հավելեց, որ Ադրբեջանի կողմից հնարավոր ռազմական գործողությունները կարող են ուղղված լինել հայկական տարածքների զավթմանը, որպեսզի փակվի Իրանի սահմանը։
«Հայաստանով, այսպես կոչված, միջանցն անհրաժեշտ է Իրանի դեմ, որպեսզի Լիբիայից, Սիրիայից և այլ վայրերից ահաբեկչական խմբավորումների տեսքով զենք ու զորք կուտակվի և Հայաստանի տարածքով տեղափոխվի Ադրբեջան։
Ընդ որում, եթե Ադրբեջանը վերցնի ճանապարհը Մեղրիով՝ չազդելով բնակավայրերի վրա, դա նրա համար կդառնա մեղմացուցիչ հանգամանք՝ ի դեմս Ռուսաստանի։ Ադրբեջանը կփորձի դա հիմնավորել նրանով, որ Հայաստանը չի կատարում նոյեմբերի 9-ի հայտարարության 9-րդ կետը։
Երբ Մոսկվան մտցրեց 2020 թվականի նոյեմբերի 9-ի հայտարարության 9-րդ կետը, արդեն գիտակցում էր դրա կարևորությունն ու անհրաժեշտությունը՝ կանխելու ահաբեկիչների տեղափոխումն Ադրբեջան՝ իր ռազմավարական գործընկեր Իրանի դեմ ռազմական ագրեսիա իրականացնելու նպատակով»,- ընդգծեց Նահապետյանը։
Նրա խոսքով, Ալիևը որևէ փաստաթուղթ ստորագրելու կարիք չունի, քանի որ ճնշումների միջոցով արդեն զիջումներ է ստանում Հայաստանից։
«Միևնույն ժամանակ, Փաշինյանը կարող է չեզոքացնել Ալիևի բոլոր պահանջները՝ կապված ԵԱՀԿ Մինսկի խմբի, ներդրումների և փոխհատուցումների, հայերի հալածանքների և Հայաստանում ադրբեջանցիների բնակեցման հետ՝ վերադառնալով Ռուսաստանի Դաշնության, Հայաստանի և Ադրբեջանի եռակողմ հայտարարություններին, որոնք հիմնված էին նոյեմբերի 9-ի հայտարարության վրա։ Սակայն Փաշինյանը դա չի անում, այլ խաղում է Ալիևի խաղը»,- եզրափակեց փորձագետը։
ПОСЛЕДНИЕ ОТ АВТОРА
-
2025-07-21 19:56Премьер-министр Никол Пашинян 20 июля публично заявил о намерении организовать собрание со своими сторонниками на центральной площади города Вагаршапат и предпринять очередное посягательство на Первопрестольный Святой Эчмиадзин. Об этом говорится в обращении Первопрестольного Святого Эчмиадзина
-
2025-07-21 19:54Президент Республики Кипр Никос Христодулидис выступил на мероприятии в Президентском дворце в Никосии по случаю 51-й годовщины турецкого вторжения, направив послания многочисленными адресатам о кипрской проблеме и перспективах ее решения.
-
2025-07-21 19:52Министр обороны Ирана Азиз Насирзаде обсудил с российским коллегой Андреем Белоусовым укрепление сотрудничества в военной сфере, сообщил посол Ирана в Москве Казем Джалали.
-
2025-07-21 19:50Порядка 2,1 млн мирного населения сектора Газы в результате приказов израильских военных о массовом перемещении населения и военных действий оказались изолированными на участке, составляющем 12% всей территории палестинского анклава. Об этом говорится в заявлении, распространенном Управлением ООН по координации гуманитарных вопросов (УКГВ).