2025-04-02 16:33
Информагентства
Կոպիրկին․ Ուկրաինայի օրինակը ցույց է տալիս ազգային շահերից հրաժարվելու հետևանքները
Աշխարհի պետությունների մեծ մասը չի ենթարկվում հավաքական Արևմուտքի ազդեցությանը և շարունակում է տարբեր ձևաչափերով և ոլորտներում զարգացնել Ռուսաստանի հետ համագործակցությունը։ Այս մասին հայտարարել է Հայաստանում Ռուսաստանի դեսպան Սերգեյ Կոպիրկինը«Արևելք-Արևմուտք դիմակայություն։ Ուկրաինական հարթություն։ Ապագայի սցենարներ» գիտաժողովում։
Նրա խոսքով՝ հավաքական հարավի և արևելքի ժողովուրդները գիտակցում են, որ արդար բազմաբևեռ աշխարհակարգի ձևավորման համար ինքնիշխան և ուժեղ Ռուսաստանը կարևոր գործոն է՝ հիմնված ոչ թե բառերի, այլ ՄԱԿ-ի իրական սկզբունքների և կանոնադրությունների վրա:
«Ուկրաինայի օրինակը հստակ ցույց է տալիս, թե ինչի կարող է հանգեցնել սեփական ազգային շահերից պետության հրաժարումը և Ռուսաստանի հետ առճակատման պայմաններում Արևմուտքի ապակառուցողական աշխարհաքաղաքական սցենարների իրականացման գործիքի վերածվելը», - նշել է Կոպիրկինը:
Նա ընդգծել է, որ ուկրաինական ճգնաժամի կարգավորման հարցում Ռուսաստանի դիրքորոշումն անփոփոխ է մնում հատուկ ռազմական գործողության մեկնարկից ի վեր: Հակամարտության քաղաքական լուծման հստակ պայմանները հնչեցվել են Ռուսաստանի նախագահ Վլադիմիր Պուտինի կողմից՝ 2024 թվականի հունիսի 14-ին ԱԳՆ ղեկավարության հետ հանդիպման ժամանակ։ Այդ նույն դրույթները հաստատվել են ռուս-ամերիկյան բարձր մակարդակի շփումներում։
«Մեր երկիրը պատրաստ է կառուցողական փոխգործակցության արևմտյան վերնախավերի այն ներկայացուցիչների հետ, որոնք իսկապես շահագրգռված են Եվրոպայում և աշխարհում իրադրության ապաէսկալացմամբ և կայունացմամբ և պատրաստ են հակամարտության կայուն կարգավորման ուղղությամբ կատարել առարկայական աշխատանք՝ հաշվի առնելով Ռուսաստանի անվտանգության օրինական շահերը», - հայտարարել է դեսպանը:
Նա նաև նշել է, որ ուկրաինական ճգնաժամը Ռուսաստանի քաղաքական և տնտեսական մեկուսացման համար օգտագործելու փորձերն անարդյունավետ են եղել: Նրա կարծիքով՝ անցկացվող քննարկումները հայ հասարակությանը թույլ են տալիս ավելի խորը հասկանալ ուկրաինական ողբերգության արմատական պատճառները։
Դեսպանն ընդգծել է, որ այն, ինչ տեղի է ունենում Ուկրաինայում, Ռուսաստանի և Արևմուտքի դարավոր դիմակայության ուղղակի հետևանքն ու շարունակությունն է:
Sputnik Արմենիա
ПОСЛЕДНИЕ ОТ АВТОРА
-
New2025-05-19 16:35Иран призвал Армению и Азербайджан ускорить подписание мирного договора между двумя закавказскими республиками. С таким заявлением выступил министр иностранных дел Исламской Республики Аббас Арагчи, принимая 17 мая в Тегеране секретаря Совета безопасности Армении Армена Григоряна.
-
New2025-05-19 15:42Не думаю, что у нас будет альтернатива. Конечно, если нужно будет сформировать коалицию, чтобы избавиться от этой власти, то да, нужно ее сформировать. Об этом заявил в интервью ряду СМИ второй президент Республики Армения Роберт Кочарян, отвечая на вопрос, если в 2026 году Никол Пашинян не сформирует власть и ни одна из оппозиционных сил не сможет ее сформировать, будет ли возможным формирование коалиции с командой Сержа Саргсяна.
-
New2025-05-19 15:41Умер хореограф и артист балета Юрий Григорович, сообщил РИА Новости его помощник Александр Колесников.
-
New2025-05-19 15:37Директор школы в селе Мхчян Араратской области Армении Кахцрик Матевосян написала заявление об увольнении. Об этом сообщает NEWS.am со ссылкой на начальника управления образования администрации Араратской области Мартуна Манукяна.