2025-04-15 17:41
Информагентства
Չալաբյան․ Բնակչության տեղահանումը և Լեռնային Ղարաբաղի օկուպացումը խնդրի լուծում չէ
«Հայաքվե» նախաձեռնության համահիմնադիր Ավետիք Չալաբյանն այցելել է Ազատության հրապարակում ցուցարարներին և զրուցել նրանց հետ։
Հանդիպման սկզբում Չալաբյանը նշեց, որ այցի նպատակն է ծանոթանալ առաջիկա անելիքներին և, հնարավոր է, իր համեստ ներդրումն ունենալ։ Բողոքի շարժման ներկայացուցիչներն ընդգծել են, որ իշխանություններին ուղղված հիմնական պահանջն է պահպանել Արցախ կոլեկտիվ վերադարձի իրավունքը, Բաքվում պահվող բանտարկյալների ազատ արձակումը, արցախցիների սոցիալական խնդիրների լուծումը՝ միգրացիան կանխելու համար։ Ընդգծվել է, որ դրանք հուզում են ոչ միայն արցախցիներին, և ակնկալվում է հասարակության լայն շերտերի աջակցություն Հայաստանից և Սփյուռքից։ Խորհրդակցություններից հետո հետագա գործողությունների մասին հայտարարություն կարվի այսօր ավելի ուշ։
Ավետիք Չալաբյանն ընդգծեց, որ վերադարձի իրավունքը հիմնարար է, և հետագա պայքարի տեսանկյունից անընդունելի է հետ կանգնել դրա իրագործումից։ Չալաբյանը նշեց, որ այսօր ռեժիմի ղեկավարը (նկատի ունի Նիկոլ Փաշինյանին) հայտարարել է, որ հակամարտությունն ավարտված է, և Մինսկի խումբը պետք է լուծարվի։ «Սա տարօրինակ հայտարարություն է, քանի որ պարզ չէ, թե որն է լուծումը, եթե լուծումը բնակչության տեղահանությունն է և Լեռնային Ղարաբաղի օկուպացումը, ապա ես հայտարարում եմ, որ մենք՝ որպես ՀՀ քաղաքացիներ, չենք համարում դա որպես լուծում և հակամարտության վերջ»,- ընդգծեց Չալաբյանը։
Նա հիշեցրեց, որ հակամարտությունը սկսվել է Ադրբեջանի կողմից ղարաբաղցիների իրավունքների ոտնահարմամբ և հանգեցրել է զինված հակամարտության, մինչդեռ խախտումները ոչ միայն չեն վերացվել, այլ ստացել են ցեղասպանական բնույթ։ Շատ կարևոր է, որ դուք տեր կանգնեք ձեր իրավունքներին, և մենք ամեն ինչ անելու ենք օգնելու համար,-ասաց Չալաբյանը։
Նրա խոսքով, առանց հումանիտար խնդիրների լուծման խաղաղ պայմանագիր չի կարող լինել, և Բաքվում կա առնվազն 23 բանտարկյալ, ևս 8 տասնյակ բանտարկյալների մասին տարբեր տեղեկություններ կան։
Չալաբյանը կարծում է, որ իշխանությունները պարտավոր են աջակցել Արցախի բնակչության սոցիալական խնդիրների լուծմանը, ինչպես նաև ապահովել կոմպակտ կենսապայմաններ6, որպեսզի համայնքները չփլուզվեն։ Կարևոր է նաև ժողովրդագրական մակարդակի պահպանումը: Բացի այդ, Չալաբյանը մատնանշեց արցախցիների՝ արցախյան քաղաքացիության իրավունքը, մանավանդ, որ Հայաստանի օրենսդրությունը թույլ է տալիս երկքաղաքացիությունը։
News.am
ПОСЛЕДНИЕ ОТ АВТОРА
-
New2025-05-17 15:28Министр образования, науки, культуры и спорта Жанна Андреасян посетила школы сел Мердзаван и Мхчян, в которых на днях произошли скандальные инциденты. Об этом сообщает пресс-служба армянского ведомства.
-
New2025-05-17 15:27«С точки зрения комплектования Вооруженных сил и эффективного использования имеющегося потенциала нужно делать платной не возможность освобождения от армии или сокращение срока службы. Можно использовать уже существующие законодательные возможности – при внесении одной-двух поправок», – написал секретарь фракции «Честь имею» Национального Собрания Армении Тигран Абрамян на своей странице в социальной сети Facebook.
-
New2025-05-17 15:26Поэт, член Союза писателей Армении Карен Хуршудян стал Кавалером ордена «За заслуги» Франции.
-
New2025-05-17 15:25Рубен Варданян стал дедушкой, находясь в азербайджанском СИЗО, а семья лишена возможности сообщить ему радостную новость. Об этом сообщил его сын Давид в интервью GB News. Давид подчеркнул, что его дочь родилась уже после ареста Рубена.