2025-04-22 17:51
Информагентства
Սուքիասյան․ ՔՊ-ն փախավ տրանսպորտի գնի թանկացումը կասեցնող մեր նախագծի քննարկումից
Երևանի ավագանու «Քաղաքացիական պայմանագիր» և «Հանրապետություն» խմբակցությունների անդամները չմասնակցեցին տրանսպորտի ուղեվարձի թանկացումը կասեցնող նախագծին, որն առաջարկել էր «Մայր Հայաստան» խմբակցությունը։
Ապրիլի 18–ին Երևանի ավագանու ֆինանսավարկային և տնտեսական հարցերի մշտական հանձնաժողովը դրական եզրակացություն էր տվել տրանսպորտի ուղեվարձի թանկացումը կասեցնող նախագծին։ «Մայր Հայաստանի» ներկայացրած նախագիծը ստացել էր 8 կողմ և 6 դեմ ձայներ և պետք է քննարկվեր ավագանու այսօրվա նիստում։ Ընդդիմադիր խմբակցությունն առաջարկում էր տրանսպորտի թանկացման մասին որոշումը կասեցնել մինչև 2026 թվականի մարտի 1-ը՝ հնարավորություն ստեղծելով 2025 թվականի ուղեվարձի վճարումների տվյալների հիման վրա պարզել տրանսպորտի ուղեվարձի ինքնարժեքը:
Երևանի ավագանու այսօրվա՝ ապրիլի 22-ի նիստում ընդմիջումից հետո խմբակցությունների անդամները չներկայացան, և նիստը ավարտվեց:
«Հերթական անգամ արձանագրվեց, որ Երևանը այս պահին ղեկավարում են երկչոտ և անպատասխանատու մարդիկ, որոնք հերթական անգամ իրենց իսկ հրավիրած նիստի կեսից ճողոպրեցին: Երևանցին այս ամեն ինչը տեսնում է, ֆիքսում է, և Երևանի տրանսպորտային համակարգի վերաբերյալ մեր նախագծերը դարձել են ոսկոր իրենց կոկորդին»,–ասաց «Մայր Հայաստան» խմբակցության ղեկավար Մանուկ Սուքիասյանը։
Նա ընդգծեց, որ տրանսպորտի սակագների վերաբերյալ ամենամեծ ելակետային արժեքը ուղևորափոխադրումներին է վերաբերում։ Ուստի թե՛ այսօր տեղի ունեցած նիստի ընթացքում, թե՛ նախորդ նիստերի ընթացքում իշխող ուժի վարքագիծը ամենամեծ անհարգալից վերաբերմունքն է երևանցու նկատմամբ։
«Եթե իրենք ոչ մի բարդույթ չունեին, թվաբանությունը, վիճակագրությունը լսելու ոչ մի խնդիր չունեին, եթե իրենք չեն կոծկում, չեն պարտակում, ստվերի մասին խոսք չկա, իրենք պարտավոր էին գալ»,- ասաց նա:
Հիշեցնենք, որ հունվարի 1-ից ամբողջությամբ ուժի մեջ է մտել միասնական տոմսային համակարգը, իսկ փետրվարի 1-ից նոր սակագներ են գործում։ Ներդրվել է նաև ուղետոմսի նոր սակագին, որն արժե 150 դրամ և կգործի մինչև 2026 թվականի հունվարի 1-ը։
Sputnik Արմենիա
ПОСЛЕДНИЕ ОТ АВТОРА
-
New2025-04-30 19:40Артур Чахоян освобожден. Он находится в МЦ «Сурб Григор Лусаворич». Об этом написал на своей странице в Facebook адвокат последнего Ваге Еприкян.
-
New2025-04-30 19:37Пожарная служба Израиля сообщает, что бригады борются с пожарами в пяти горячих точках: поселке Неве-Шалом, на развязке местности Латрун, в самом Латруне, поселении Месилат-Цион и Канада-парке, передает Times of Israel.
-
New2025-04-30 19:33Уголовное производство инициировано по факту сегодняшнего инцидента в администрации ереванского района Нор Норк. Производство начато по признакам пп. 1 и 5 ч. 2 ст. 195 (физическое воздействие, совершенное группой лиц). Об этом сообщили ФактИнфо в Следственном комитете (СК) Армении.
-
New2025-04-30 19:31Президент Турции Реджеп Тайип Эрдоган заявил о поддержке видения Дональда Трампа по урегулированию украинского конфликта. Его слова приводят РИА Новости.