2025-04-28 09:38
Информагентства
Լավրովը ԱՄՆ-ի հետ Ուկրաինայի հարցով բանակցությունների մասին. Նշաններ կան, որ շարժվում ենք ճիշտ ուղղությամբ
Մենք շարունակում ենք մեր շփումները ամերիկյան կողմի հետ՝ Ուկրաինայում ստեղծված իրավիճակի վերաբերյալ։ Կան մի շարք նշաններ, որ մենք ճիշտ ուղղությամբ ենք շարժվում։ Այս մասին CBS News-ին տված հարցազրույցում հայտարարել է Ռուսաստանի արտաքին գործերի նախարար Սերգեյ Լավրովը։
«Նախևառաջ, որովհետև նախագահ Դոնալդ Թրամփը, հավանաբար, միակ առաջնորդն է աշխարհում, որը գիտակցում է այս իրավիճակի արմատական պատճառները վերացնելու անհրաժեշտությունը։ Նա ասել է, որ սխալ էր Ուկրաինային ՆԱՏՕ ներքաշելը, որ Ջո Բայդենի վարչակազմն է մեղավոր դրա համար, և որ ինքը ցանկանում է շտկել դա», - ասել է Ռուսաստանի արտաքին գործերի նախարարը։
Ըստ Լավրովի, այս տարվա ապրիլի 22-ին ԱՄՆ պետքարտուղար Մարկո Ռուբիոն նույնպես կարծիք է հայտնել, որ ամերիկյան թիմն այժմ ավելի լավ է հասկանում Ռուսաստանի դիրքորոշումը և այս իրավիճակի խորքային պատճառները։
«Այս արմատական պատճառներից մեկը ՆԱՏՕ-ն է և մեր սահմաններին Ռուսաստանի համար ուղղակի ռազմական սպառնալիքների ստեղծումը, իսկ մյուսը՝ Ուկրաինայում ազգային փոքրամասնությունների իրավունքները։ Ռուսական ամեն ինչ՝ լրատվամիջոցները, կրթությունը, մշակույթը՝ Ուկրաինայում ամեն ինչ արգելված էր օրենսդրական մակարդակով։ Այս ճգնաժամից դուրս գալու համար չի կարելի, պարզապես, մոռանալ մարդու իրավունքների մասին»,- ասել է Լավրովը։
Ըստ նրա, «երբ քննարկվում է Իրանը, Վենեսուելան, Հյուսիսային Կորեան, հնարավոր ամեն բան, ամերիկացի բանակցողները մարդու իրավունքները դնում են առաջին տեղում»։
«Այս առումով նրանք պահանջներ ունեն Չինաստանի, մեր, ցանկացած մեկի նկատմամբ։ Բայց երբ եվրոպացիները և այլ արևմտյան երկրներ խոսում են Ուկրաինայի մասին, ոչ ոք չի կարող խոսք անգամ ասել մարդու իրավունքների մասին։ Ոչ ոք։ Ընդհակառակը, Եվրահանձնաժողովի նախագահ Ուրսուլա ֆոն դեր Լայենը և Բրյուսելում ու Եվրոպայում այլ մարդիկ ասում են, որ Ուկրաինան պաշտպանում է «եվրոպական արժեքները»։
Ստացվում է, որ այդ «արժեքներից» մեկը ռուսաց լեզվի վերացումն է։ Պատկերացրեք, եթե Իսրայելը վերացներ արաբերենը Պաղեստինում։ Միայն պատկերացրեք»,- ասել է Ռուսաստանի արտաքին գործերի նախարարության ղեկավարը։
News.am
ПОСЛЕДНИЕ ОТ АВТОРА
-
New2025-05-02 19:38Следователь ранее правомерно вынес решение о проведении судебно-медицинской экспертизы Артура Чахояна, однако провести ее невозможно, так как, по мнению врачей, Чахоян все еще нуждается в дальнейшем получении соответствующего лечения и не может обратиться к судебно-медицинскому эксперту для прохождения обследования до выписки из медицинского центра. Об этом на своей странице в Facebook сообщил адвокат Чахояна Ваге Еприкян.
-
New2025-05-02 19:37Президент США Дональд Трамп предложил увеличить оборонные расходы страны на 13% — до 1,01 триллиона долларов в 2026 финансовом году. Это следует из проекта федерального бюджета, опубликованного в пятницу Белым домом, сообщает РИА Новости.
-
New2025-05-02 19:34Օфициальная статистика уже давно фиксирует, что денежные потоки, переводимые физическим лицам через банки РА, сократились. Эта тенденция сохранялась также в марте и в квартальном разрезе 2025 года.
-
New2025-05-02 19:34Адвокат Александр Кочубаев сообщил, что Кассационный суд принял к рассмотрению его апелляцию по делу бывшего главы Комитета по градостроительству Армении Ваагна Вермишяна. Адвокат указал, что у защиты одно требование — оправдание Вермишяна.