2025-04-28 11:31
Информагентства
Փեզեշքիանը հայտնել է՝ երբ կվերանան Հայաստանի և Ադրբեջանի միջև տարածքային խնդիրները
Կողմերից յուրաքանչյուրը պետք է գոհանա իր սահմաններով և աչք չունենա մյուսի տարածքի կամ հողի վրա, Բաքու պաշտոնական այցի նախօրեին ադրբեջանական AzTv պետական հեռուստաընկերությանը տված հարցազրույցում հայտարարել է Իրանի նախագահ Մասուդ Փեզեշքիանը։
Հայաստան-Ադրբեջան հարաբերությունների կարգավորմանը և այսպես կոչված՝ «Զանգեզուրի միջանցքի» թեմային վերաբերող հատվածը ներկայացրել է իրանագետ Արտյոմ Տոնոյանը։
«Կոնֆլիկտը սկսվում է այն ժամանակ, երբ կողմերից մեկը փորձում է իր վերահսկողության տակ դնել մյուսների տարածքները կամ սահմանները։ Հետևաբար այն, ինչին մենք միշտ օժանդակել ենք և հավատացած ենք, որ պետք է շարժվենք այդ ուղղությամբ, հարգանքն է պետությունների իրավունքների, շահերի և տարածքային ամբողջականության նկատմամբ։ Այս սկզբունքը պետք է հարգվի»,- ասել է Փեզեշքիանն ի պատասխան հարցին, թե ինչպիսի քաղաքականություն է նախատեսում տարածաշրջանային անվտանգության ապահովման համար Իրանի ղեկավարությունը Հայաստանի և Ադրբեջանի միջև ընթացող խաղաղության հասնելու բարդ գործընթացի համատեքստում։
Անդրադառնալով այսպես կոչված «Զանգեզուրի միջանցքի» խնդրին, Իրանի նախագահը կրկին շեշտել է՝ պետք է հարգել միմյանց տարածքային ամբողջականությունը և աչք չունենալ միմյանց տարածքների վրա։
Հավելել է՝ Ադրբեջանի և Հայաստանի միջև սահմանային և տարածքային խնդիրները կարող են վերանալ միայն այն ժամանակ, երբ երկու երկրների քաղաքական և առևտրային հարաբերությունները կարգավորվեն՝ հաշվի առնելով երկու կողմերի իրավունքները։
«Այս խնդրի լուծմանն օժանդակելու համար մենք այժմ աշխատում ենք պատրաստել Իրանի ճանապարհը, որպեսզի Ադրբեջանի մեր սիրելի եղբայրներն ու քույրերը կարողանան Իրանի տարածքով հասնել Նախիջևան։ Այդ ուղղությամբ ճանապարհաշինական և երկաթուղային աշխատանքները ընթանում են արագ տեմպերով»,-ասել է Մասուդ Փեզեշքիանը։
Հիշեցնենք` Ադրբեջանի նախագահ Իլհամ Ալիևը հայտարարել էր, որ Բաքուն Հայաստանի նկատմամբ տարածքային պահանջներ չունի, սակայն Հայաստանը պետք է կատարի իր պարտավորությունները՝ Նախիջևանից Ադրբեջան անարգել երթևեկություն տրամադրելով:
Փաշինյանն էլ հայտարարել է, որ Հայաստանը դեմ չէ Նախիջևանի և Ադրբեջանի արևմտյան հատվածի միջև անարգել երկաթուղային հաղորդակցությանը, բայց Հայաստանի իրավասության շրջանակներում:
2025-ի փետրվարին էլ Հայաստանում Իրանի դեսպան Մեհդի Սոբհանին Իսլամական հեղափոխության հաղթանակի 46-րդ տարեդարձի կապակցությամբ հրավիրված ասուլիսի ժամանակ շեշտեց՝ միայն Իրանն է աջակցում Հայաստանին՝ դեմ հանդես գալով այսպես կոչված «Զանգեզուրի միջանցքին»։
Sputnik Արմենիա
ПОСЛЕДНИЕ ОТ АВТОРА
-
New2025-05-30 19:47В соответствии с частью 1 статьи 166 Конституции Республики Армения правительство Республики Армения выдвинуло кандидатуру Артака Зейналяна на должность судьи Конституционного суда. Об этом говорится в заявлении Председателя Национального Собрания Республики Армения.
-
New2025-05-30 19:46Форум децентрализованного сотрудничества Армения-Франция пройдет в Государственном драматическом театре имени Вагаршяна в Горисе 2-3 июня. Об этом Новости Армении – NEWS.am сообщили в пресс-службе МИД Армении.
-
New2025-05-30 19:43В США арестовали 14 членов армянской мошеннической группировки, которая, по словам следователей, украла в общей сложности 47 миллионов долларов, предназначенных для помощи в рамках борьбы против COVID и представителям малого бизнеса.
-
New2025-05-30 19:41Китай и Армения на взаимной основе поддерживают и уважают суверенитет и территориальную целостность друг друга. Пекин высоко ценит поддержку Ереваном принципа "одного Китая". Об этом заявил новый посол Китая в Армении Ли Синьвей на приеме в Ереване, организованном по случаю старта его дипломатической миссии.