2025-04-30 08:51
Информагентства
Բեգլարյան․ Ադրբեջանը 3 տարի շարունակ լայնածավալ ցեղասպանություն է իրականացրել արցախահայության նկատմամբ
New
Ես այստեղ եմ եկել ոչ միայն որպես մարդու իրավունքների պաշտպան, այլև որպես ողջ մնացած մի մարդ, որն այս մոլորակի գոյության առաջին հազարամյակում բախվել է իր հայրենիքում պատմության, մշակույթի և ֆիզիկական գոյության լիակատար ոչնչացմանը։ Դրա մասին ԱՄՆ Կոնգրեսի մարդու իրավունքների կոմիտեում լսումների ժամանակ հայտարարել է Արցախի Հանրապետության նախկին օմբուդսմեն Արտակ Բեգլարյանը։
«Հայրենիքում տեղի ունեցած ողբերգական հակամարտության պատճառով որբանալով և կույր մեծանալով՝ ես լավ գիտեմ խաղաղության արժեքը, հակամարտության գինը և հիմնարար իրավունքների ու արժանապատվության կարևորությունը։ Երեք տարի շարունակ Ադրբեջանը հաջողությամբ իրականացրել է լայնածավալ ցեղասպանություն իմ ժողովրդի՝ Արցախի կամ Լեռնային Ղարաբաղի հայերի նկատմամբ»,- նշել է Արտակ Բեգլարյանը։
Նա ընդգծել է, որ տեղի ունեցածը հանկարծակի ողբերգություն չէր, դա կանխամտածված և մեթոդական գործողություն էր՝ էֆեկտիվ հումանիտար շրջափակմամբ և սովով, ռազմական հարձակումներով, խաղաղ բնակիչների սպանություններով, Արցախի առաջնորդների և այլ հայրենակիցների անօրինական առևանգմամբ և բանտարկությամբ, մշակութային ժառանգության ոչնչացմամբ և բազմաթիվ այլ վայրագություններով։
«2023 թվականի սեպտեմբերին իմ ժողովուրդը, այդ թվում՝ ես և իմ ընտանիքը, բռնի տեղահանվեցին Արցախից, Լեռնային Ղարաբաղից: Ի՞նչ ունենք հիմա: Այսօր ավելի քան 150 հազար բնիկ հայեր պարզապես բռնի տեղահանված են և զրկված են հայրենիք վերադառնալու ցանկացած հնարավորությունից: Եվ ենթարկվում են բազմաթիվ ավերածությունների և իրավունքների զանգվածային խախտումների իրենց հայրենիքում: Մշակութային և կրոնական ժառանգության ավելի քան 6000 հայկական և քրիստոնեական հուշարձաններ ադրբեջանցիների կողմից ոչնչացման, պղծման և ոչնչացման սպառնալիքի տակ են: Մենք ունենք առնվազն 23 պաշտոնապես հաստատված հայ պատանդներ, որոնք պահվում են ադրբեջանական գերության մեջ և ենթարկվում են անօրինական դատավճիռների և խոշտանգումների: Բացի դրանից, 2020-2023 թվականներին ավելի քան 200 մարդ անհետ կորել է, ավելի քան 80-ը՝ բռնի կերպով անհետացել, և Ադրբեջանը որևէ տեղեկություն չի տրամադրում նրանց ճակատագրի վերաբերյալ»,- ընդգծել է Արտակ Բեգլարյանը:
News.am
ПОСЛЕДНИЕ ОТ АВТОРА
-
New2025-04-30 11:37У внутриполитического блока Кремля появились новые задачи, выяснили «Ведомости». Первый заместитель руководителя администрации президента (АП) Сергей Кириенко и сотрудники управлений в его подчинении начали заниматься и темой Армении, рассказали «Ведомостям» четыре федеральных чиновника и два собеседника, работающих с АП. Этот функционал перешел во внутриполитический блок Кремля от заместителя руководителя АП Дмитрия Козака.
-
New2025-04-30 11:35«Международная конференция, организованная «Единой Россией», помимо освещённого эпизода, имеет более глубокое содержание», - пишет член Группы Альтернативные проекты Ваге Ованнисян.
-
New2025-04-30 11:15Сотрудников государственных ведомств Армении, а также работников учреждений, находящихся в подчинении мэрий и администраций общин заранее инструктировали записываться и участвовать в кампании «Учиться модно» супруги премьера Анны Акопян, пишет газета «Грапарак» со ссылкой на источники.
-
New2025-04-30 11:12Госсекретарь США Марко Рубио предупредил, что Вашингтон откажется от посреднических усилий по урегулированию войны в Украине, если Москва и Киев не представят «конкретные предложения».