2025-05-02 11:22
Информагентства
ՀՀ պետական պարտքը մի քանի ամսում աճել է 5,8%-ով
ՀՀ պետական պարտքը դոլարային արտահայտությամբ տարեսկզբից աճել է 5,8 տոկոսով։ Այսօր հրավիրված ասուլիսի ժամանակ այս մասին հայտնեց ՀՀ ֆինանսների նախարար Վահե Հովհաննիսյանը։
«Պետական պարտքը մարտի 31-ի դրությամբ կազմում է 5 տրլն 318 մլրդ դրամ, ինչը նախորդ տարվա դեկտեմբերի 31-ի համեմատ աճել է 4,4 %-ով։ ԱՄՆ դոլարով աճը կազմել է 5,8 %-ով։ Դոլարային արտահայտությամբ` պարտքը կազմում է 13 մլրդ 581 մլն դոլար»,- ասաց Հովհաննիսյանը։
Նա նշեց, որ 2024 թվականին ՀՆԱ-պետական պարտք հարաբերակցությունը նվազել է 0,1 տոկոսային կետով։
Նախարարի խոսքով՝ այս ամբողջ պարտքի ներգրավումը և ծավալները պլանավորված են ՀՀ պետական բյուջեով և միջնաժամկետ պարտքի ռազմավարությամբ:
Հովհաննիսյանը տեղեկացրեց, որ ներքին պարտքի ծավալը, ըստ ներգրաված արժույթի ու ըստ ռեզիդենտության, վերջին տարիներին աճել է՝ հասնելով 50% մակարդակին։
«Դա դրական ցուցանիշ է, ու նույնիսկ մեր միջազգային գործընկերների հետ վերջին շփումների ժամանակ, երբ նրանց հետ խոսում էինք պարտքի ու ներքին շուկայի մեծության մասին, նրանք խնդրեցին, որ մենք մեր փորձով կիսվենք, թե մենք ինչպես ենք կարողացել մեր ներքին պարտքն այդքան բարելավել»,- ասաց ՀՀ ֆինանսների նախարարը։
Ըստ նրա՝ պատճառն այն է, որ Հայաստանի նման երկրներում ներքին պարտքը սովորաբար կազմում է 20-30%, իսկ վերջին տարիներին ՀՀ իշխանություններին հաջողվել է մեծացնել ներքին պարտքը, ինչը նշանակում է պաշտպանվել արտարժութային ռիսկերից։
Հիշեցնենք, որ ՀՀ ֆինանսների նախարար Վահե Հովհաննիսյանը, մարտի 24-ին ԱԺ—ում ներկայացնելով 2024 թ․ իրենց աշխատանքի հաշվետվությունը, նշել էր, որ անցած տարի պետական պարտքն անվանական արտահայտությամբ 2023 թվականի վերջի համեմատ աճել է 6,2 %-ով, սակայն ՀՆԱ-ի նկատմամբ գրեթե չի փոխվել՝ 48,3 %։ Պետական պարտքը 2024 թվականի վերջին կազմել է մոտ 5 տրլն 93 մլրդ դրամ։
Sputnik Արմենիա
ПОСЛЕДНИЕ ОТ АВТОРА
-
2025-06-28 17:24Первопрестольный Эчмиадзин строго осуждает решение суда об аресте предстоятеля Ширакской епархии Армянской Апостольской церкви архиепископа Микаэла Аджапахяна. Об этом говорится в заявлении Первопрестольного Эчмиадзина.
-
2025-06-28 17:15Учитывая происходящее, можно четко заявить, что Армения – авторитарное государство. Об этом заявил бывший министр иностранных дел Армении Вардан Осканян. По его словам, власти игнорируют Конституцию и законы. Он выразил уверенность, что все это упирается в проблему Арцаха.
-
2025-06-28 17:14Если бы блицкриг против Ирана удался, очевидно, что была попытка Азербайджана и Турции прорвать так называемой Зангезурский коридор, поэтому они и проводили учения в Нахиджеване. Об этом в гостях у Новости Армении – NEWS.am на передаче «Фактор силы» заявила востоковед, специалист по Ирану Карине Геворкян.
-
2025-06-28 15:37Facebook заблокировал пост Никола Пашиняна некорректного содержания о Католикосе всех армян и других священнослужителях.