«Իսկանդերներ», «Տորնադո-Ս». Կարմիր հրապարակում ժամանակակից տեխնիկայի նմուշներ ցուցադրեցին (ՏԵՍԱՆՅՈՒԹ)

Մոսկվայի Կարմիր հրապարակում Հաղթանակի շքերթի ժամանակ ցուցադրվեցին ժամանակակից սպառազինության և ռազմական տեխնիկայի նմուշներ, որոնցից մի քանիսը առաջին անգամ են հայտնվել հանրության առաջ:

Շքերթին ներկա գտնվողները հնարավորություն ունեցան տեսնելու նորագույն 152 միլիմետրանոց «Հիացինտ-Կ» և «Մալվա» հրետանային համակարգերը՝ անվավոր բազային շասսիով (հեռահար համակարգերը նախատեսված են հակառակորդի խոշոր օբյեկտների, պահեստների, ուժերի և միջոցների խոցման համար), ժամանակակից «Տորնադո-Ս» համազարկային կրակի ռեակտիվ համակարգերը և ՏՕՍ-2 «Տոսոչկա» ծանր հրանետային համակարգերը։

Զորահանդեսի ժամանակ առաջին անգամ ցուցադրվեցին նաև «Օռլան-10», «Օռլան-30», Zala , «Լանցետ-51», «Լանցետ-52» և «Գարպիա» անօդաչու թռչող սարքերը: Այս բոլոր դրոնները լայն և արդյունավետ կիրառություն են գտել ռազմական հատուկ գործողության գոտում։

Հանդիսատեսը տեսավ նաև հայտնի Ս-400 «Տրիումֆ» զենիթահրթիռային համալիրները, «Իսկանդեր» օպերատիվ-մարտավարական համալիրները և ռազմավարական նշանակության «Յարս» հրթիռային համալիրները: Վերջիններս Ռուսաստանի միջուկային ուժերի ցամաքային բաղադրիչի հիմքն են կազմում։

Sputnik Արմենիա