2025-05-10 09:08
Информагентства
Հայաստանի ժուռնալիստների միությունը՝ լրագրող Լիլիթ Աղեկյանին ձերբակալելու մասին
Հայաստանի ժուռնալիստների միությունը հայտարարություն է տարածել երեկ Գյումրիում լրագրող Լիլիթ Աղեկյանին ձերբակալելու կապակցությամբ: Հայտարարության մեջ, մասնավորապես, նշվում է՝
«Երեկ ուշ գիշերով հայտնի դարձավ, որ ձերբակալել են գյումրեցի լրագրող Լիլիթ Աղեկյանին, ապա տևական ժամանակ թույլ չեն տվել, որ հանդիպի իր պաշտպանին: Լիլիթ Աղեկյանի ինքնազգացողությունը վատացել է, նրա համար հրավիրվել է շտապ բուժօգնություն, սակայն դա չի խանգարել, որ նրան տանեն կալանքի ու կալանավորեն մեկ ամսով:
Լիլիթ Աղեկյանը ձերբակալվել է հարուցված քրեական վարույթների շրջանակում, և ինչպես Քննչական կոմիտեն է տեղեկացնում, նա մեղադրվում է ՀՀ քրեական օրենսգրքի 297-րդ հոդվածի 1-ին մասով՝ խուլիգանություն, և 489-րդ հոդվածի 2-րդ մասով՝ դատարանի նկատմամբ անհարգալից վերաբերմունք:
Ամենևին չփորձելով միջամտել քրեական վարույթին՝ հարկ է նշել, որ առնվազն կասկածահարույց է խնամքին տարեց ծնող ունեցող, ընդդիմադիր դիրքավորմամբ հայտնի կնոջը կալանավորելու՝ նախաքննական մարմնի մղումը այն դեպքում, երբ շատ ավելի արտառոց դեպքերում իրավապահ համակարգը մատը մատին չի խփում, եթե տվյալ ենթադրյալ հանցավոր արաքը կատարող անձը իշխանության նկատմամբ լոյալ է:
Մի՞թե հնարավոր չէր կալանքի հետ չկապված այլ խափանման միջոցի ընտրությամբ ապահովել Լիլիթ Աղեկյանի պատշաճ վարքագիծը նախաքննության ընթացքում:
Հայաստանի ժուռնալիստների միությունը հետևողական է լինելու Լիլիթ Աղեկյանի շուրջ տեղի ունեցող գործընթացների նկատմամբ, և ի վերջո, հանրությունը պետք է հստակ իմանա՝ արդյո՞ք նրան մեկուսացնելու պատճառը Լիլիթ Աղեկյանի խոսքն ու գործունեությունը սահմանափակելու միտում չունի:
Ակնհայտ է, որ խնամքին տարեց մայր ունեցող Լիլիթ Աղեկյանի շուրջ տեղի ունեցող գործընթացներն ունեն իրավաչափության, համաչափության և խտրական վերաբերմունքի խնդիր»:
News.am
ПОСЛЕДНИЕ ОТ АВТОРА
-
New2025-06-27 16:25Для чего Баграт Србазан посажен в тюрьму? Лидер движения «Священная борьба» архиепископ Баграт Галстанян арестован на два месяца. Решение суда было обнародовано в 3 часа ночи 26 июня 2025 года. Ходатайство об избрании ареста в качестве меры пресечения удовлетворил судья суда первой инстанции города Еревана Масис Мелконян – бывший член партии «Республика».
-
New2025-06-27 16:24Необходимо немедленно начать процесс выражения недоверия премьер-министру. Об этом говорится в заявлении Национального гражданского объединения «Айакве» (ՀայաՔվե).
-
New2025-06-27 16:22Сделанные архиепископом Микаэлом Аджапахяном заявления, на основании которых возбудили дело, могут подпадать всего лишь под категорию преступлений средней тяжести, и объективно его задерживать не было никакого смысла, считает адвокат Арам Вардеванян.
-
New2025-06-27 16:20Четыре фракции Совета старейшин Гюмри осудили уголовное преследование в отношении архиепископа Микаэла Аджапахяна. Об этом говорится в совместном заявлении, распространенном фракциями в соцсетях.