2025-05-21 16:07
Информагентства
Մոսկվայում տեղի է ունեցել «Հայաստանի պատմական քարտեզագրության ատլասի» շնորհադեսը
Մոսկվայում մեծ շուքով ներկայացվել է 20-րդ դարի ամենահայտնի հայ քարտեզագիրներից մեկի՝ Զատիկ Խանզատյանի «Հայաստանի պատմական քարտեզագրության ատլասի» վերահրատարակված տարբերակը։ Այն ներառում է շուրջ 500 քարտեզ, որոնք ներկայացնում են հայոց պատմության բոլոր հիմնական շրջափուլերը՝ սկսած հնագույն Բաբելոնից մինչև մեր օրերը։
Ատլասում տեղ են գտել պատմական տարբեր շրջանների քարտեզներ՝ սկսած անտիկ աշխարհից (Հերոդոտոս, Ստրաբոն, Պտղոմեոս), մինչև միջնադարյան և նույնիսկ Օսմանյան ժամանակաշրջանի քարտեզագրական նյութեր։ Այս քարտեզները ներկայացնում են Հայաստանն իր պատմական տարածքներով ու անվանումներով, ինչն ընդգծում է երկրի բազմադարյա պատմությունը։ Առանձին կարևորվել է նաև առաջին հայտնի քաղաքական քարտեզներից մեկի՝ Բաբելոնյան քարտեզի ներառումը, որտեղ Հայաստանը նշված է Բաբելոնի ու Ասորեստանի հետ միասին։
Քարտեզների գիտական ճշգրտությունն ու բազմալեզու բնույթը, ինչպես նաև դրանց մանրամասն փաստագրական ներկայացումը հնարավորություն են տալիս ատլասը կիրառել որպես արժեքավոր գիտաքաղաքական աղբյուր՝ հատկապես այսօրվա տարածաշրջանային իրադարձությունների համատեքստում։
Վերահրատարակությունը իրականացվել է Թեքեյան մշակութային միության նախաձեռնությամբ և բարերար Ռուբեն Գրիգորյանի մեկենասությամբ։
Պատմաբանները, ելույթ ունենալով շնորհանդեսի ընթացքում, շեշտել են, որ քարտեզները իրենց պարզությամբ ու մատչելիությամբ առավել արդյունավետ են ժամանակակից տեղեկատվական պայքարում՝ հնարավորություն տալով արագ և համոզիչ կերպով ներկայացնել պատմական փաստերը։
Ատլասը հրատարակվել է հայերեն, ռուսերեն և ֆրանսերեն լեզուներով։ Այն զարդարված է հայկական ավանդական նախշազարդերով և տեղադրված է գեղեցիկ փայտյա պատյանի մեջ։ Վերահրատարակված ատլասը նվիրաբերվել է Ռուսաստանի առաջատար թանգարաններին, կրթական ու հայագիտական կենտրոններին, իսկ առաջիկայում այն կփոխանցվի նաև այլ երկրների մշակութային հաստատություններին։
News.am
ПОСЛЕДНИЕ ОТ АВТОРА
-
2025-06-13 19:56Президент США Дональд Трамп заявил, что представители иранских властей звонят ему с просьбой заключить соглашение по ядерной программе Тегерана.
-
2025-06-13 19:55Международный аэропорт "Звартноц" принял три рейса иностранных авиакомпаний, запросивших вынужденную посадку. Об этом Sputnik Армения сообщили в Комитете гражданской авиации.
-
2025-06-13 19:53Совет безопасности ООН сегодня соберется на внеочередное заседание в связи с израильской атакой на Иран. Об этом сообщил постпред России при ООН Дмитрий Полянский.
-
2025-06-13 19:48Учитывая ситуацию, сложившуюся в Иране, призываем граждан РА, находящихся на территории ИРИ, сохранять бдительность, следовать официальным инструкциям, а в случае возникновения чрезвычайной ситуации обращаться в посольство по адресу электронной почты ([email protected]), страницам в социальных сетях (Facebook, Instagram), а также по следующим телефонным номерам - +98 21 66704833, мобильный: +989053774966.