2025-05-26 12:41
Информагентства
Թրամփը եվրոպական ապրանքների նկատմամբ 50% մաքսատուրքերի սահմանումը հետաձգել է մինչև հուլիսի 9
ԱՄՆ նախագահ Դոնալդ Թրամփը Եվրահանձնաժողովի նախագահ Ուրսուլա ֆոն դեր Լայենի հետ հեռախոսազրույցի ժամանակ համաձայնել է Եվրամիությանը մինչև հուլիսի 9 ժամանակ տալ մաքսատուրքերի շուրջ համաձայնության հասնելու համար։ «Արմենպրես»-ի փոխանցմամբ՝ այս մասին հաղորդում է CNN-ը։
«Նա (խմբ.՝ Ուրսուլա ֆոն դեր Լայենը) ասել է, որ ցանկանում է ձեռնամուխ լինել լուրջ բանակցությունների: Հուլիսի 9-ը հենց այն օրն է, որը նա խնդրեց։ «Կարո՞ղ ենք դա հունիսի 1-ից տեղափոխել հուլիսի 9»։ Ես համաձայնեցի դա անել», - ասել է Թրամփը լրագրողներին Նյու Ջերսիի օդանավակայանում։
«Նա ասաց. «Մենք արագ կհավաքվեն և կտեսնենք՝ կկարողանա՞նք արդյոք ինչ-որ բան մտածել»», - հավելել է ԱՄՆ ղեկավարը։
Ավելի վաղ ֆոն դեր Լայենը հայտնել էր, որ «լավ զրույց» է ունեցել Թրամփի հետ։ Նրա խոսքով՝ ԵՄ-ին մինչև հուլիսի 9 ժամանակ կպահանջվի ԱՄՆ-ի հետ «լավ գործարքի հասնելու» համար։
«ԵՄ-ին և ԱՄՆ-ին կապում են աշխարհում ամենակարևոր և սերտ առևտրային հարաբերությունները։ Եվրոպան պատրաստ է արագ և վճռականորեն առաջ մղել բանակցությունները», - գրել է ֆոն դեր Լայենը X սոցիալական ցանցում։
Մայիսի 23-ին Թրամփը հանձնարարել էր ԵՄ-ից ներմուծվող ապրանքների նկատմամբ 50% մաքսատուրքեր սահմանել հունիսի 1-ից։
Ավելի վաղ Վաշինգտոնը 25% մաքսատուրքեր էր սահմանել եվրոպական պողպատի, ալյումինի և ավտոմեքենաների ներմուծման վրա։ Բացի այդ, սկզբնապես ԵՄ-ի երկրների համար սահմանվել էր ևս մեկ՝ հայելային 20% մաքսատուրք։ Սակայն ապրիլի 9-ին Թրամփը 90 օրով կասեցրեց մաքսատուրքերի բարձրացումն ավելի քան 75 երկրի համար, որոնք երկխոսություն էին խնդրել այդ հարցի շուրջ։ Ենթադրվում է, որ այս ժամանակաշրջանում այդ երկրները մաքսատուրքեր կվճարեն նվազագույն 10%-ի չափով։
ПОСЛЕДНИЕ ОТ АВТОРА
-
2025-06-21 16:55Интервью с доктором юридических наук Артуром Гамбаряном.
-
2025-06-21 15:34Городской совет Алькасера (провинция Валенсия, Испания) единогласно осудил геноцид османской Турцией, политику отрицания нынешних турецких властей и принял предложение о признании Геноцида армян, став 42-м испанским городом Испании, сделавшим это.
-
2025-06-21 15:32Министр иностранных дел Ирана Аббас Арагчи в интервью NBC News заявил, что если Трамп решит, что США нанесут удар по Ирану, его правительство оставляет за собой право нанести ответный удар, как оно это сделало в отношении Израиля.
-
2025-06-21 15:26Главный редактор армянского издания "Калифорнийский курьер" в Лос-Анжелесе Арут Сасунян высказал два взгляда на ситуацию относительно нападок власти на главу Армянской Апостольской Церкви и вставшего на ее защиту видного представителя делового сообщества и мецената из диаспоры.