2025-05-31 09:40
Информагентства
Երևանն ու Պեկինը նախատեսում են պարզեցնել մաքսային ընթացակարգերը
Հայաստանն ու Չինաստանն ապագայում կպարզեցնեն մաքսային ընթացակարգերը և կնվազեցնեն տրանսպորտային ծախսերը։ Այս մասին Sputnik Արմենիայի թղթակցի հետ զրույցում ասաց Հայաստանում Չինաստանի նոր դեսպան Լի Սինվեյը։
Նրա խոսքով, դա հնարավոր կլինի Հայաստանի և Չինաստանի միջև «Միջազգային ավտոմոբիլային տրանսպորտի մասին» միջկառավարական համաձայնագրի ստորագրումից հետո: Դիվանագետի խոսքով, ներկայում համաձայնագիրն ակտիվորեն քննարկվում է Պեկինի և Երևանի կողմից, սակայն հստակ ժամկետ դեռ չկա: Դեսպանը հիշեցրեց, որ նման համաձայնագիր Չինաստանը ստորագրել է Շանհայի համագործակցության կազմակերպության անդամ մի շարք երկրների հետ:
«Հայաստանն ունի շատ լավ աշխարհագրական դիրք՝ միացնելով Հյուսիսն ու Հարավը, Արևմուտքն ու Արևելքը։ Սակայն միջազգային ավտոմոբիլային փոխադրումները բախվում են մի շարք խնդիրների», - ասաց Սինվեյը։
Դեսպանը Հայաստանի խնդիրներից է համարում ձգձգված շինարարությունը, Երևանի մեծ խցանումները, ինչը բացասաբար է ազդում բեռնափոխադրումների վրա:
Այս կապակցությամբ Պեկինը չի բացառում ապագայում Երևանի հետ ճանապարհաշինության ոլորտում համագործակցություն հաստատելու հնարավորությունը։ Դեսպանը խոստացավ Հայաստանում գտնվելու ժամանակահատվածում անել ամեն ինչ՝ ենթակառուցվածքների ոլորտում երկրների միջև փոխգործակցությունը խորացնելու համար:
Նա նախատեսում է իրականացնել լայնածավալ ծրագրեր, որոնք օգտակար կլինեն Հայաստանին և հայ ժողովրդին։
Հիշեցնենք, որ Հայաստանն ու Չինաստանը 2023 թվականից աշխատանքներ են տանում «Միջազգային ավտոմոբիլային տրանսպորտի մասին» միջկառավարական համաձայնագրի ստորագրման ուղղությամբ։ Պեկինում համոզված են, որ համաձայնագիրը նախ և առաջ կզարգացնի և կխորացնի երկրների միջև տրանսպորտային փոխադրումներն ու հաղորդակցությունները:
ПОСЛЕДНИЕ ОТ АВТОРА
-
New2025-06-20 21:29Подвергнутых сегодня приводу граждан начали отпускать. Об этом в беседе с журналистами заявил лидер движения «Священная борьба» архиепископ Баграт Галстанян.
-
New2025-06-20 20:3459,7% опрошенных высоко оценили деятельность Армянской Апостольской церкви по 10-балльной шкале, не довольны ею 18,7%. Об этом свидетельствуют данные опроса фонда "Арар", заявил директор организации Армен Хачикян.
-
New2025-06-20 20:30На данный момент задержано более двух десятков человек, но есть и те, чье местонахождение неизвестно. Об этом на встрече с журналистами 16 июня заявил представитель Верховного органа АРФ Дашнакцутюн, депутат парламента от блока «Армения» Ишхан Сагателян.
-
New2025-06-20 19:40Главным сюжетом внутренней политики Армении стало противостояние между премьером Николом Пашиняном и главой Армянской Апостольской церкви Гарегином II. Ведущий научный сотрудник Института международных исследований МГИМО Сергей Маркедонов в статье для Forbes.ru пишет, что этот конфликт, подобно воронке, вовлекает новых участников.