2025-06-02 09:12
Информагентства
Արա ՊՈՂՈՍՅԱՆ․ ՀՀ ԻՇԽԱՆՈՒԹՅՈՒՆՆԵՐԻ ԴԻՐՔՈՐՈՇՈՒՄՆԵՐԸ ԵՐԲԵՔ ԱՅՍՔԱՆ ՄՈՏ ՉԵՆ ԵՂԵԼ ԱՆԿԱՐԱՅԻ ԵՎ ԲԱՔՎԻ ԴԻՐՔՈՐՈՇՈՒՄՆԵՐԻՆ
Հայոց պատմության մեջ թերևս երբևէ չենք ունեցել այնպիսի առաջնորդներ, որոնց նարատիվներն այդքան մոտ լինեին Ադրբեջանի և Թուրքիայի նարատիվներին, որքան այսօր է։ Sputnik Արմենիայի հետ զրույցում այս մասին ասաց քաղաքագետ Արա Պողոսյանը։
«Մեկն ասում է՝ խաղաղության պայմանագիրը ստորագրելուց 5 րոպե հետո պետք է սկսենք առևտուր անել, իրենք գան ու ապրեն այստեղ այնպես, ինչպես հայերը Վրաստանում են ապրում։ Հայաստանի և Ադրբեջանի առաջնորդների տեսլականը երբևէ այսքան մերձեցված չի եղել, սա նշանակում է, որ նրանք արդեն ընդունել են բոլոր նախապայմանները»,- նշեց Պողոսյանը։
Նա ընդգծում է՝ տնտեսական կապերը պատերազմ չլինելու երաշխիք չեն. ի վերջո, պատերազմն էլ տնտեսության մի մասն է։ Պատերազմներ պետք են, որ ռազմական արդյունաբերությունն աշխատի և իր ստեղծած արտադրանքը սպառի։
«Հենց Ցեղասպանության ժամանակահատվածում հայերն ու թուրքերն առևտուր էին անում, Օսմանյան կայսրության տարածքում կային հայկական բանկեր, որոնք մեծ հաճույքով վարկեր էին տրամադրում, գումարներ էին շրջանառում Օսմանյան տնտեսության մեջ, բայց դա նորից չէր խանգարում, որ Օսմանյան կայսրությունը վճռի հայկական էթնիկ բնակությամբ մեծ արեալներ ոչնչացնել»,- հիշեցնում է քաղաքագետը։
Նա հավելում է՝ այն հեքիաթները, թե Խորհրդային Միության ժամանակ հայերն ու ադրբեջանցիները հանգիստ ապրում էին կողք կողքի, անկեղծ չեն, որովհետև անկեղծ լինելու դեպքում նաև կներկայացվեին այն բոլոր միջադեպերը, իրողությունները, որոնք տեղի էին ունենում։ Պողոսյանը հիշեցնում է՝ այն տարիներին դրանք պարզապես բնորոշվում էին որպես «հանցագործություն», ոչ թե «էթնիկ պատկանելության հիմքով կատարված հանցագործություն»։
«Հիմա հայության նկատմամբ ատելությունը հազարավոր անգամներ գերազանցում է նախկինում երբևէ ունեցած իրենց վերաբերմունքին։ Համաշխարհային պատմությունը ցույց է տալիս, որ հնարավոր չէ անգամ մի քանի տասնամյակի ընթացքում ամենատոլերանտ քարոզչության դեպքում համերաշխություն բերել այսպիսի հակամարտություն ունեցող ժողովուրդների մեջ»,- շեշտում է քաղաքագետը։
Վստահ է, որ պատմության մեջ ոչ մի նման դրվագ չենք գտնի։ Մեր դեպքում ունենք թշնամի, որն աղերս անգամ չունի քաղաքակրթության հետ։ Հիշեցնում է՝ 2021 թվականի արտահերթ խորհրդարանական ընտրություններից հետո իշխանությունները «սիրատոչոր սոնետներ են ձոնում» Ադրբեջանին, բայց դա չխանգարեց, որ 2021, 2022 և 2023թթ․ Ադրբեջանը հարձակվի ՀՀ-ի վրա, Արցախի Հանրապետությունն էթնիկ զտման, ցեղասպանության ենթարկի։
ՀՀ իշխանությունների հայտարարությունները, ըստ քաղաքագետ Արա Պողոսյանի, ցույց են տալիս, որ Ադրբեջանի առաջարկած բոլոր նախապայմաններն արդեն ընդունվել են։
ПОСЛЕДНИЕ ОТ АВТОРА
-
New2025-06-17 08:02В Армению в январе-мае 2025 года прибыли 691 882 туриста, что на 73 562 человека меньше, чем за аналогичный период 2024 года. Это следует из данных, обнародованных Комитетом по туризму Армении.
-
New2025-06-17 07:59На фоне обострения напряженности между Израилем и Ираном Индия начала эвакуацию своих граждан из зон повышенного риска в Иране и активно рассматривает варианты эвакуации через территорию Армении. Об этом пишет The New Indian Express.
-
New2025-06-17 07:56Президент США Дональд Трамп заявил, что в текущей эскалации между Израилем и Ираном преимущество на стороне Израиля. По его словам, Тегеран "не побеждает в этой войне", и единственным выходом из конфликта является начало немедленных переговоров. Такое заявление он сделал во время встречи с премьер-министром Канады Марком Карни на полях саммита G7. Его слова приводит РИА Новости.
-
New2025-06-17 07:55В июне 2025 года 78 из 80 партий срезанных цветов, поставленных из Армении в Россию, не прошли карантинный фитосанитарный контроль в местах назначения. Об этом сообщает Россельхознадзор на своем официальном сайте.