2025-06-02 15:36
Информагентства
ԱՄՆ-ն դադարեցնում է Իրանի դեմ պատժամիջոցների խստացումը
Սպիտակ տունը գերատեսչություններին հանձնարարել է դադարեցնել Իրանի դեմ նոր պատժամիջոցների կիրառումը։ Հանձնարարականներն անցյալ շաբաթ ուղարկել է Սպիտակ տան մամուլի խոսնակ Քերոլայն Լևիթը։ «Արմենպրես»-ի փոխանցմամբ՝ այս մասին հաղորդում է The Wall Street (WSJ) պարբերականը՝ վկայակոչելով աղբյուրների։
Հրապարակման մեջ նշվում է, որ հրահանգը փոխանցվել է Ազգային անվտանգության խորհրդի, Ֆինանսների նախարարության և Պետքարտուղարության բարձրաստիճան պաշտոնյաներին։
Ըստ պարբերականի՝ իրանական նավթի և սառեցված իրանական ակտիվների նկատմամբ ԱՄՆ-ի հիմնական սահմանափակումները կմնան անփոփոխ։ Միևնույն ժամանակ, ԱՄՆ պաշտոնյաները չգիտեն՝ դադարեցումը վերաբերում է միայն նոր պատժամիջոցներին, թե՞ նաև արդեն գործողներին։ Որոշ բարձրաստիճան քաղաքական գործիչներ ընդհանրապես տեղյակ չեն եղել փոփոխությունների մասին և զարմացած են եղել հանկարծակի դադարեցումից։
WSJ-ի հարցմանն ի պատասխան՝ Սպիտակ տունը չի հերքել տեղեկատվությունը։ Նրանք նշել են, որ ցանկացած նոր որոշում կհայտարարվի համապատասխան գերատեսչությունների կողմից։ Սպիտակ տան որոշ պաշտոնյաների խոսքով, որոնց անունը չի նշվում, կասեցումը կապված է միջուկային ծրագրի շուրջ ԱՄՆ-Իրան բանակցությունների ֆոնին հետագա պատժամիջոցների մանրակրկիտ քննարկման հետ։
Պարբերականի փոխանցմամբ՝ ԱՄՆ-ն փորձում է անտեղի չգրգռել Իրանին բանակցությունների ընթացքում։ Վաշինգտոնը մայիսի 21-ից ի վեր Թեհրանի դեմ նոր սահմանափակումներ չի կիրառել։
2025թ. փետրվարին ԱՄՆ նախագահ Դոնալդ Թրամփը ստորագրել է կատարողական հրամանագիր՝ Իրանի նկատմամբ առավելագույն ճնշման քաղաքականությունը վերականգնելու համար։
Մայիսի 23-ին Հռոմում տեղի է ունեցել Իրան-ԱՄՆ բանակցությունների հինգերորդ փուլը, որից հետո Թրամփը հայտարարել է, որ կողմերն առաջընթաց են գրանցել: Բանակցությունների գլխավոր հարցը մնում է հնարավոր համաձայնագրի շրջանակներում Թեհրանի կողմից ուրանի հարստացման սեփական ծրագրի իրավունքի պահպանումը:
ПОСЛЕДНИЕ ОТ АВТОРА
-
New2025-06-20 06:07Новым главой разведки Корпуса стражей исламской революции Ирана (КСИР, часть вооруженных сил Ирана) стал Маджид Хадеми. Об этом сообщает агентство Fars.
-
New2025-06-20 06:02Президент США Дональд Трамп в ближайшие две недели примет решение по возможной атаке на Иран. Об этом заявила пресс-секретарь Белого дома Каролин Левитт.
-
New2025-06-20 05:59Иран намерен предпринять юридические шаги в ответ на бездействие гендиректора Международного агентства по атомной энергии (МАГАТЭ) Рафаэля Гросси в связи с ударами Израиля по ядерным объектам Исламской республики. Это следует из письма главы Организации по атомной энергии Ирана Мохаммада Эслами, адресованного гендиректору МАГАТЭ, сообщает РИА Новости.
-
New2025-06-20 05:55"Суд" над армянскими пленными, включая бывшее военно-политическое руководство Нагорного Карабаха, продолжился в четверг в Баку.