Թրամփը խոսել է Պուտինի հետ և հայտնել է ՌԴ-ի դիրքորոշումը ուկրաինական հարվածներից հետո

ԱՄՆ նախագահ Դոնալդ Թրամփը Truth Social սոցցանցի իր էջում հայտնել է, որ հեռախոսազրույց է ունեցել Ռուսաստանի նախագահ Վլադիմիր Պուտինի հետ: Թրամփի խոսքով՝ զրույցը տևել է մոտ մեկ ժամ 15 րոպե:

Քննարկման հիմնական թեման եղել է ուկրաինական կողմի հարձակումը ռուսական օդանավակայանների վրա։

«Մենք քննարկել ենք նաև մյուս հարվածները, որոնք հասցնում են երկու կողմերը»,-նշել է Թրամփը:

Նա նշել է, որ «լավ զրույց» է եղել, բայց այն անհապաղ խաղաղության հանգեցնող քայլ չի դառնա:

ԱՄՆ առաջնորդի խոսքով՝ Պուտինը «շատ կոշտ» հայտարարել է վերջին հարձակումներին պատասխանելու մտադրության մասին:

Բացի այդ, առաջնորդները քննարկել են Իրանի և նրա միջուկային ծրագրի շուրջ ստեղծված իրավիճակը: Թրամփն ընդգծել է, որ Իրանը պետք է ամենակարճ ժամկետում որոշում կայացնի միջուկային զենքի հարցի վերաբերյալ:

«Ես նախագահ Պուտինին հստակ հասկացրել եմ, որ Իրանը չպետք է միջուկային զենք ունենա, և, ինչպես ինձ թվաց, մենք դրանում համամիտ ենք»,-հայտարարել է նախագահը:

Նրա խոսքով՝ Պուտինը պատրաստակամություն է հայտնել մասնակցել Թեհրանի հետ քննարկումներին և նպաստել իրավիճակի արագացված կարգավորմանը:

Թրամփը նշել է, որ Իրանը «ձգձգում է որոշման ընդունումը», և ընդգծել է, որ հնարավորինս արագ հստակ պատասխան է հարկավոր:

Sputnik Արմենիա