2025-06-05 11:03
Информагентства
Տիմոֆեյ ԵՐՄԱԿՈՎ․ ԵԿԵՂԵՑՈՒ ԴԵՄ ԱՐՇԱՎԸ ՀԱՅԿԱԿԱՆ ՊԵՏՈՒԹՅԱՆ ՀԱՄԱՐ «ԴԱԳԱՂԻ ՎԵՐՋԻՆ ՄԵԽՆ» Է
Alpha News-ի եթերում ռուս ռազմական թղթակից Տիմոֆեյ Երմակովը մեկնաբանել է ՀՀ վարչապետ Նիկոլ Փաշինյանի հարձակումները Հայ Առաքելական եկեղեցու վրա և նշել, որ Փաշինյանի դեմ պայքարը պետք է առաջնորդի եկեղեցին:
«Տեխնոլոգիան, որով կործանում են պետությունները գրեթե ցանկացած երկրում, պետականության ինստիտուտների և հոգևոր ինստիտուտների փլուզումն է։ Ընդհանրապես, տեսականորեն նրանք պետք է սկսեին դրանից, բայց քանի որ հայկական պետությունը փոքր-ինչ յուրահատուկ է, համեմատած, օրինակ, ռուսական կամ ուկրաինական պետության հետ, որն արդեն դադարում է գոյություն ունենալ մեր աչքի առաջ, եկեղեցի հասան ամենավերջում։ Այսինքն՝ նախ ճնշվեց ժողովրդի բարոյականությունը խայտառակ պարտությամբ, պատերազմում հատուկ պարտությամբ, որը մեծ թվով կյանքեր խլեց, և ողբերգությունը գրեթե յուրաքանչյուր հայի ընտանիքում էր։ Բայց քանի որ հասարակությունը բավական հոգևոր էր, անհնար էր ցնցել նրա հոգևոր արժեքները։
Եվ հիմա, երբ ժողովուրդն արդեն կոտրված է, կոպիտ ասած, դա կարող է լինել ազգային ինքնագիտակցության համար «դագաղի վերջին մեխը»։ Ինքնագիտակցություն ասելով՝ նկատի ունեմ ոչ թե ազգայնականությունը, այլ այն, ինչը պահում է ժողովրդի բարոյականությունը։ Եվ, առաջին հերթին, հայերի համար դա եկեղեցին է, քանի որ գնալու տեղ այլևս չկա»,- նկատել է Երմակովը։
Փորձագետի խոսքով՝ արևմտամետները ցանկացած կեղտոտ մանիպուլյացիա օգտագործում են՝ ազգային պետությունների հիմքերը խարխլելու համար։
«Տեսեք՝ ընդհանրապես ինչպես են գործում արևմտականներն այլ պետությունների տարածքում։ Ըստ էության՝ հիմա նույն բանն են անում հայ եկեղեցու հետ։ Կաթողիկոսի անձն այլևս անձեռնմխելի չէ, կարելի է նրա վրա ցեխ շպրտել, ընդ որում, անմիջապես խորհրդարանի ամբիոնից կարելի է վիրավորել նրան, տարբեր մեղադրանքներ հնչեցնել, որոնք հետո կաթողիկոսը ստիպված կլինի հերքել։ Իսկ նրանք կշարունակեն դեռ մեղադրանքներ հնչեցնել, այսինքն՝ հիմա, փաստացի, հայկական ինքնագիտակցության փլուզման ավարտի վերջին փուլերից մեկն է։
Այժմ հայոց եկեղեցին մեծ հաշվով վերադառնում է իր ակունքներին։ Նախ, քրիստոնեական եկեղեցին հալածվում էր, հաղթանակած չէր, այլ՝ հալածված, և եթե խոսում ենք ավանդույթի մասին, ապա արժե հիշել պայքարի ավանդույթը: Ես չեմ ասում, թե ամեն ինչ կորած է, ես խոսում եմ այն մասին, թե ինչ միտումներ ենք տեսնում հիմա, և ինչի կարող է դա հանգեցնել: Եթե Կաթողիկոսն իսկապես ուզում է պահպանել իր եկեղեցին, խուսափել այդ խայտառակությունից, ապա պետք է ղեկավարի Փաշինյանի դեմ պայքարը։ Հիմա մեծ հաշվով նրա ձեռքում է հայ ժողովրդի վստահությունն ու փրկությունը»,- ընդգծել է Երմակովը։
ПОСЛЕДНИЕ ОТ АВТОРА
-
New2025-06-16 12:16«Министр внутренних дел, открой глаза и посмотри на это. Это поведение полицейского или скотины? Ни достоинства, ни мужественности, ни намека на совесть. Если таковы представители вашей системы, значит, вы не министр, а менеджер преступной структуры», - написал в соцсети Фейсбук адвокат Роман Ерицян, комментируя скандальное поведение полицейского в ходе акции протеста жителей Касаха.
-
New2025-06-16 12:03Часть армянских грузов застряла в порту Бандар-Аббас и на дорогах в Иране. Об этом заявил министр экономики Армении Геворк Папоян, на обсуждении отчета о выполнении бюджета за 2024 год в комиссии парламента по экономическим вопросам, отвечая на вопрос одного из депутатов.
-
New2025-06-16 12:00Жертвами трех атак Израиля на Иран стали более 70 женщин и детей. Об этом сообщил представитель МИД исламской республики Исмаил Багаи.
-
New2025-06-16 11:53Всю ночь и ранним утром глава укрупненной общины Апаран Карен Егиазарян вместе со своими заместителями и руководителями ответственных подразделений находился на месте, участвуя в работах по ликвидации последствий стихийного бедствия. Об этом Новости Армении – NEWS.am сообщили в администрации Апарана.