2025-06-05 19:40
Информагентства
Վրաստանում ԱՄՆ դեսպանը հեռանում է իր պաշտոնից
Վևաստանում ԱՄՆ դեսպան Ռոբին Դանիգանը հայտարարել է դիվանագիտական ծառայությունից հեռանալու և թոշակի անցնելու մասին։ Այս մասին հայտարարությունը տեղադրվել է ԱՄՆ դեսպանատան ֆեյսբուքյան էջում։ Դանիգանն ընդգծել է, որ իր որոշումը բացառապես անձնական բնույթ է կրում և կապ չունի Վաշինգտոնի դիրքորոշման հետ։
«Սա իմ անձնական ընտրությունն է։ ԱՄՆ կառավարությունը չի խնդրել իմ հետկանչը։ Իմ ընտանիքն ու ես խորապես հուզված ենք վրաց ժողովրդի ջերմությամբ և հյուրընկալությամբ, որը մենք զգացել ենք այս հրաշալի երկրում գտնվելու ամբողջ ժամանակահատվածում։ Մենք հիացած ենք վրացիների սրտաբացությամբ, էներգիայով և անկեղծությամբ։ Այսօր ես անկեղծորեն հավատում եմ, որ մեր ժողովուրդների ընդհանուր արժեքները կշարունակեն ամրապնդել Վրաստանի և ԱՄՆ-ի եզակի գործընկերությունն ու բարեկամությունը», – նշել է դեսպանը։
Դանիգանը տեղեկացրել է, որ մինչև իր լիազորությունների ավարտը՝ հուլիսը, մտադիր է ակտիվ աշխատել երկկողմ հարաբերությունների խորացման ուղղությամբ։
Դանիգանը ԱՄՆ դեսպանի պաշտոնը Վրաստանում ստանձնել է 2023 թվականին՝ փոխարինելով Քելի Դեգնանին, որը Վաշինգտոնի շահերն էր ներկայացնում այդ երկրում 2020 թվականից։ Մինչ այդ նա զբաղեցրել է առանցքային պաշտոններ ԱՄՆ Պետդեպարտամենտում, այդ թվում՝ Եվրոպայի և Եվրասիայի հարցերով պետքարտուղարի օգնականի տեղակալի պաշտոնը, ինչպես նաև աշխատել է ԱՄՆ դեսպանատներում Վիետնամում, Թուրքիայում, Չիլիում, Կուբայում և այլ երկրներում։
Դանիգանի հրաժարականի հայտարարությունն արվել է վրաց-ամերիկյան հարաբերությունների բարդ ժամանակահատվածում։ 2024 թվականի նոյեմբերին ԱՄՆ-ը դադարեցրել է Վրաստանի հետ ռազմավարական գործընկերությունը, ինչն էլ պատճառ է դարձել, որ Վրաստանի կառավարությունը կոչ անի «վերաբեռնման» և երկխոսության նոր էջից սկսելու։ Իսկ նախօրեին հայտնի է դարձել, որ Թբիլիսիում փակվում է ՆԱՏՕ-ի և ԵՄ-ի տեղեկատվական կենտրոնը։
Armenia Today
ПОСЛЕДНИЕ ОТ АВТОРА
-
New2025-06-18 14:24У меня очень тесные рабочие отношения, основанные на взаимном доверии, с президентом и руководителем Правительства России. Об этом заявил в беседе с журналистами в парламенте 18 июня премьер-министр Армении Никол Пашинян, касаясь замечания о том, что его сторонники в правящем крыле расценивают заявление бизнесмена Самвела Карапетяна как гибридную войну, развязанную Россией против его власти.
-
New2025-06-18 14:21Объекты в Тегеране и Кередже в Иране, где производилось оборудование для центрифуг, обогащающих уран, пострадали в результате ударов.
-
New2025-06-18 14:19Выдвинутые главе ГК "Ташир" Самвелу Карапетяну обвинения в якобы публичных призывах к захвату власти не имеют под собой ни юридической, ни фактической основы, это – очевидная попытка давления. Об этом говорится в заявлении пресс-службы офиса Самвела Карапетяна.
-
New2025-06-18 14:17Апелляционный уголовный суд под председательством судьи Мхитара Папояна опубликовал решение по делу о гибели 20 военнослужащих дивизии Д-20 ЦОР во время 44-дневной войны.