Последние новости

ՀՀԿ-ն կհամախմբվի՞ Սամվել Կարապետյանի ստեղծած նոր ուժի շուրջ․ Աբրահամյանի կարծիքը

ՀՀ ԱԺ «Պատիվ ունեմ» խմբակցության քարտուղար Տիգրան Աբրահամյանը չի բացառում գործարար Սամվել Կարապետյանի ստեղծած նոր ուժի շուրջ համախմբումը կամ համագործակցությունը։ Այս մասին պատգամավորն ասաց այսօր Ավան և Նոր Նորք վարչական շրջանների ընդհանուր իրավասության առաջին ատյանի դատարանի մոտ լրագրողների հետ զրույցում։

նչպես հայտնել ենք, հուլիսի 4–ին կալանավայրից հղած իր ուղերձում գործարար, բարերար Սամվել Կարապետյանն ասել էր, որ գալիս է սկզբունքորեն նոր ուժի շուրջ միավորվելու, միասնական մեկ բռունցք դառնալու ժամանակը` ըստ էության հայտարարելով նոր քաղաքական միավորի ստեղծման մասին։

ՀՀ ԱԺ պատգամավոր Տիգրան Աբրահամյանը շեշտեց` նախևառաջ, ոչ թե անձանց շուրջ են համախմբվում, այլ գաղափարի։

«Հաշվի առնելով Սամվել Կարապետյանի անձն ու նրա հարաբերությունները ՀՀԿ տարբեր դեմքերի, այդ թվում՝ նաև ղեկավար Սերժ Սարգսյանի հետ, բնականաբար, կա հնարավորություն առնվազն այս մասով նստելու, խոսելու, քննարկելու և այլն, բայց իրադարձություններից առաջ ընկնելու կարիք այս պահին չկա»,- ասաց Աբրահամյանը։

Աբրահամյանն առաջարկեց սպասել, քանի որ ուժը դեռ պետք է ձևավորվի, պարզ լինի՝ որ ուղղությամբ է շարժվում, ուժի հիմքում գաղափարական և ծրագրային առումով ինչ մոտեցումներ են և այլն։

Sputnik Արմենիա

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ