Последние новости
2019-04-17 16:31

Բակո Սահակյանը տարեկան ուղերձ է հղել

0
Telegram

Արցախի Հանրապետության նախագահ Բակո Սահակյանն ապրիլի 17-ին Ազգային ժողովի նիստում հանդես է եկել ԱՀ Նախագահի 2018 թվականի ծրագրի կատարման ընթացքի ու արդյունքների և 2019 թվականի ծրագրի վերաբերյալ ամենամյա հաղորդմամբ, տեղեկացնում է Aysor.am-ը:

Բակո Սահակյանը նշել է, որ 2018 թվականին Արցախում իրականացվել է մեծածավալ աշխատանք կենսագործունեության բոլոր ոլորտներում, ապահովվել է կայուն առաջընթաց, արձանագրվել են ցուցանիշներ, որոնց հիման վրա մշակվել և ներկայումս կյանքի են կոչվում ընթացիկ տարվա ծրագրերը:

Արցախի նախագահը մանրամասնորեն ներկայացրել է նաև մի շարք ոլորտներում իրականացվելիք նախագծերը և համոզմունք հայտնել, որ կհաջողվի դրանք կյանքի կոչել իշխանության բոլոր թևերի ու տարբեր կառույցների սերտ փոխգործակցության, համակարգված և արհեստավարժ աշխատանքի միջոցով:

Բակո Սահակյանն ընդգծել է, որ պետության ամենակարևոր առաջադրանքներից եղել է, կա և կմնա երկրի ու ժողովրդի անվտանգության ապահովումը, Պաշտպանության բանակի մարտունակության բարձր մակարդակի պահպանումը՝ շեշտելով, որ Պաշտպանության բանակը հուսալիորեն իրականացրել է իր առջև դրված խնդիրները, պահպանել սահմանների անձեռնմխելիությունն ու պետության լիարժեք անվտանգությունը:

Երկրի ղեկավարը նշել է, որ հանրապետության օրենսդիր մարմինն իր ակտիվ դերակատարությունն է ունեցել նախանշված ծրագրերի հաջող իրականացման գործում՝ շնորհակալություն հայտնելով կառուցողական համագործակցության և սկզբունքային դիրքորոշման համար:

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ