2019-05-07 15:43
Информагентства
Կառավարության կառուցվածքի փոփոխությունների նախագծում կատարվել են որոշակի փոփոխություններ
Կառավարության նիստերը կլինեն դռնբաց՝ բացառությամբ վարչապետի պատճառաբանված որոշմամբ նիստը կամ դրա մի մասը դռնփակ անցկացնելու դեպքերի:
«Արմենպրես»-ի հաղորդմամբ`«Կառավարության կառուցվածքի և գործունեության մասին» օրենքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթի երկրորդ ընթերցմամբ քննարկման ընթացքում հիմնական զեկուցող, ՀՀ արդարադատության նախարար Արտակ Զեյնալյանը ներկայացրեց այն և մի շարք այլ փոփոխություններ, որոնք մշակվել են առաջինից երկրորդ ընթերցման ընթացքում:
«Նախկին խմբագրությամբ սահմանվել էր, որ վարչապետի որոշմամբ ոչ միայն կառավարության նիստի մի մասը, այլ նիստն ամբողջությամբ կարող է անցկացվել դռնբաց, սակայն ըստ ընդունված առաջարկի այն ձևակերպվում է հետևյալ կերպ՝ կառավարության նիստերը դռնբաց են՝ բացառությամբ վարչապետի պատճառաբանված որոշմամբ նիստը կամ դրա մի մասը դռնփակ անցկացնելու դեպքերի»,-ասաց Զեյնալյանը:
Փոփոխություն է կատարվել նաև նախարարության առաջարկվող անվան մեջ: Բարձր տեխնոլոգիաների արդյունաբերության նախարարությունը վերանվանվել է Բարձր տեխնոլոգիական արդյունաբերության նախարարության: Նախարարության գործառույթները լրացվել են ռազմարդյունաբերության ոլորտում միջազգային համագործակցության գործառույթով՝ հաշվի առնելով այն հանգամանքը, որ նախարարությունը զբաղվելու է ռազմարդյունաբերության համալիրի արդիականացման, արտադրանքի ստեղծման և արտադրանքի շուկաներում և արտաքին շուկաներում դրանց վաճառքի խթանման հարցերով:
Զեյնալյանի խոսքով՝ սփյուռքի գործերի գլխավոր հանձնակատարի պաշտոնը նախատեսվել է որպես հայեցողական պաշտոն, և սահմանվել են որոշակի չափորոշիչներ՝ նշված պաշտոնում նշանակում կատարելու համար: Նախագծի համաձայն պաշտոնը կարող է զբաղեցնել բարձրագույն կրթություն ունեցող, 25 տարին լրացած, հայերենին տիրապետող. ինչպես նաև առնվազն երկու օտար լեզվի իմացությամբ անձը:
Նախագծի ամբողջական ընդունման դեպքում նոր կառավարությունը կունենա հետևյալ նախարարությունները.
Արտաքին գործերի նախարարություն
Պաշտպանության նախարարություն
Արտակարգ իրավիճակների նախարարություն
Արդարադատության նախարարություն
Աշխատանքի և սոցիալական հարցերի նախարարություն
Կրթության, գիտության և մշակույթի նախարարություն
Բնապահպանության նախարարություն
Առողջապահության նախարարություն
Ֆինանսների նախարարություն
Էկոնոմիկայի նախարարություն
Տարածքային կառավարման և ենթակառուցվածքների նախարարություն
Բարձր տեխնոլոգիական արդյունաբերության նախարարություն:
ՀՀ վարչապետ Նիկոլ Փաշինյանը փետրվարի 8-ին հայտարարել էր, որ Սփյուռքի նախարարության փոխարեն այսուհետ կստեղծվի Սփյուռքի գործերի գլխավոր հանձնակատարի պաշտոն վարչապետի աշխատակազմում: Հանձնակատարը կլինի վարչապետի ներկայացուցիչը Սփյուռքի հետ հարաբերություններում և վարչապետի անունից կհամակարգի կառավարության աշխատանքները սփյուռքի հետ հարաբերություններում:
ԱԺ-ում «Կառավարության կառուցվածքի և գործունեության մասին» ՀՀ օրենքում փոփոխություններ և լրացումներ կատարելու մասին օրենքի նախագծի և կից ներկայացված նախագծերի փաթեթի առաջին ընթերցմանը դեմ էին քվեարկել «Բարգավաճ Հայաստան» և «Լուսավոր Հայաստան» խմբակցությունները:
ПОСЛЕДНИЕ ОТ АВТОРА
-
New2025-07-16 13:13Рабочая группа в формате вице-премьеров правительств Армении, России и Азербайджана (по разблокированию коммуникаций – ред.) давно не действует. Об этом на пресс-конференции 16 июля заявил премьер-министр Армении Никол Пашинян.
-
New2025-07-16 13:12Премьер-министр Армении Никол Пашинян не исключил, что управление дорогой из Азербайджана в Нахиджеван через Сюник может быть передано частной компании.
-
New2025-07-16 13:12Очередной случай смерти зарегистрирован в уголовно-исполнительном учреждении «Армавир» в Армении. Как сообщила «ФактИнфо» начальник отдела по связям с общественностью уголовно-исполнительной службы министерства юстиции Армении Нона Навикян, 14 июля осужденный (1987 г.р.), отбывающий наказание в УИУ, был найден в камере повешенным.
-
New2025-07-16 12:12Идея пантюркизма никогда не получала и сейчас не получает однозначного одобрения всех сверхдержав с учетом вытекающих из этого необратимых последствий. Об этом на своей странице в «Facebook» написал бывший министр юстиции Армении Геворк Даниелян.