Այս տարի Երևանի «Ոսկե ծիրան» միջազգային կինոփառատոնին ներկայացվել է ավելի քան 740 ֆիլմ
Երևանի «Ոսկե ծիրան» 16-րդ միջազգային կինոփառատոնն այս տարի կանցկացվի հուլիսի 7-14-ը: Միջազգային կինոփառատոնն աշխարհի տարբեր երկրներից ստացել է ավելի քան 740 ֆիլմեր, ինչպես նաև ընտրվել են մի շարք կինոնկարներ՝ աշխարհի հեղինակավոր կինոփառատոններից, այս մասին մայիսի 10-ին հրավիրված մամուլի ասուլիսում ասաց փառատոնի տնօրեն Հասմիկ Հովհաննիսյանը, տեղեկացնում է aysor.am-ը:
««Eventival» կայքի միջոցով ստացել ենք 740 ֆիլմ, ընտրվել են նաև ֆիլմեր Ռոտերդամի, Բեռլինի և այլ միջազգային կինոփառատոններից: Այնպես որ, հանձնաժողովն այս պահին դիտարկում է ավելի քան 740 կինոնկար: Փառատոնն ունենալու է միջազգային լիամետրաժ (որը ներառում է խաղարկային և վավերագրական ֆիլմեր), ինչպես նաև կարճամետրաժ ֆիլմերի տարածաշրջանային մրցույթներ, իսկ արտամրցութային ծրագիրը ներառելու է տարածաշրջանային համայնապատկեր մրցույթը: Մնացած ծրագրերը ոչ մրցութային են, դրանք են՝ Երևանյան պրեմիերաներ, hետահայաց ցուցադրություններ, hարգանքի տուրք: Ընդ որում, նշեմ, որ Երևանյան պրեմիերաներ ծրագիրը ներառելու է նաև հայկական ֆիլմեր»,- ասաց Հասմիկ Հովհաննիսյանը:
Նա նաև տեղեկացրեց, որ փառատոնային մի շարք ծրագրերի հայտեր այս պահին բաց են, և հնարավորություն կա մասնակցելու դրանց:
Տնօրենն առանձնահատուկ շեշտեց, որ այս տարի հիմնական շեշտը դրվելու է նաև կրթական ծրագրերի իրականացմանը: Մասնավորապես, փառատոնի շրջանակներում իրականացվելու է դեբյուտային նախագծերի զարգացման դասընթաց, դասավանդողների թվում կլինեն մասնագետներ նաև այլ երկրներից:
«Ոսկե ծիրան»-ի տնօրենը լրատվամիջոցներին ներկայացրեց փառատոնի նոր տարբերանշանը, որն արտահայտում է փառատոնի նոր կազմի ինքնատիպ մոտեցումը 16-րդ տարին անցկացվող իրադարձությանը:
Տարբերանշանի հեղինակը՝ դիզայներ Վիլյամ Կարապետյանը, լրատվամիջոցների ներկայացուցիչներին տեղեկացրեց, որ այն մինիմալիստական է, ներկայացնում է հայերեն «Ծ» տառը, և այդ տառի միջոցով ինքը փորձել է ստանալ փառատոնի խորհրդանիշ համարվող ծիրանը:
Մամուլի ասուլիսի ընթացքում անդրադարձ կատարվեց նաև «GAIFF Pro» ծրագրին:
Հիշեցնենք, որ ծրագրի շրջանակում կազմակերպվում են վարպետության դասեր և փիթչինգ ելույթներ, ֆիլմի/սցենարի զարգացման աշխատարաններ, տարածաշրջանի՝ Հայաստանի, Ադրբեջանի, Վրաստանի, Իրանի և Թուրքիայի կինոռեժիսորների համար նախատեսված կինոնախագծերի և աշխատանքային փուլում գտնվող ֆիլմերի շուկաներ` բացելով ֆինանսավորման և համագործակցության նոր հեռանկարներ տեղի կինոգործիչների համար:
«GAIFF Pro» ծրագրերի ղեկավար Սոնա Կարապողոսյանը ներկաներին տեղեկացրեց, որ ծրագրի շրջանակում փառատոնի օրերին կանցկացվեն տարատեսակ դասընթացներ, կլինի նաև նախագծերի շուկա: Արդեն իսկ ստացվել են 27 զարգացման, ինչպես նաև՝ 5 աշխատանքային փուլում գտնվող նախագծերի հայտեր:
«GAIFF Pro»-ին մասնակցության հայտեր ուղարկելու վերջնաժամկետը մայիսի 19-ն է:
ПОСЛЕДНИЕ ОТ АВТОРА
-
2024-05-22 19:45
Союз офицеров запаса СНБ выступил с заявлением, в котором говорится:
-
2024-05-22 19:07
Премьер-министр Армении Никол Пашинян высказал свое мнение относительно требований церкви и идеи о ее налогообложении. Обсуждение этой темы произошло в парламенте во время правительственного часа, когда депутат от партии "Гражданский договор" Тагуи Казарян сообщила, что Армянская Апостольская Церковь (ААЦ) выдвигает требования к властям Армении относительно пяти сел.
-
2024-05-22 19:07
Мы готовы на все, чтобы это движение увенчалось успехом и произошла смена власти. Об этом заявил в беседе с журналистами 22 мая третий президент Армении Серж Саргсян.
-
2024-05-22 19:05
Никол Пашинян в ходе заседания вопросов и ответов НС-правительство коснулся митингов оппозиционного движения «Тавуш во имя родины», возглавляемого архиепископом Багратом. По его словам, Армянская апостольская церковь может являться «агентом влияния» с исторических времён.
ПОСЛЕДНЕЕ ПО ТЕМЕ
-
2019-09-24 16:37
Քանի դեռ ղարաբաղյան հակամարտությունը չի կարգավորվել, այդ հակամարտությունն անվտանգության շարունակական սպառնալիք է ՀԱՊԿ անդամ երկրների համար։ Այսօր Sputnik Արմենիա մուլտիմեդիոն մամուլի կենտրոնում կայացած առցանց ասուլիսի ժամանակ այդ մասին ասաց ՀԱՊԿ գեներալ–գնդապետ Անատոլի Սիդորովը։
-
2019-07-18 07:20
Ղարաբաղի իշխանություններին դեռ հաջողվում է չտրվել Հայաստանի իշխանությունների սադրանքներին:Այս մասին հուլիսի 17-ին լրագրողների հետ հանդիպման ժամանակ հայտարարեց «Ազգային անվտանգություն» կուսակցության ղեկավար Գառնիկ Իսագուլյանը:
-
2019-07-02 15:01
Երբ վերջին անգամ ՀՀ-ում աշխատավարձը բարձրացվեց 2015-ին, դա 80 մլրդ դրամ գումար պահանջեց: Այս մասին, այսօր՝ հուլիսի 2-ին, լրագրողների հետ զրույցում նշեց ֆինանսների նախկին փոխնախարար Պավել Սաֆարյանը:
-
2019-06-13 10:54
ՎիվաՍել-ՄՏՍ-ի աջակցությամբ հուլիսի 7-ին կմեկնարկի 16-րդ «Ոսկե ծիրան» կինոփառատոնը: