2019-07-10 16:34
Информагентства
Ռոբերտ Քոչարյանի պաշտպանը դիմեց ՄԻՊ Արման Թաթոյանին
13 օր է, ինչ առաջին ատյանի դատարանը չի քննում ՀՀ երկրորդ նախագահ Ռոբերտ Քոչարյանի պաշտպանների ներկայացրած՝ գրավի դիմաց Քոչարյանի խափանման միջոց կալանքը փոխելու միջնորդությունը: Այս մասին այսօր Sputnik Արմենիա մուլտիմեդիոն մամուլի կենտրոնում կայացած մամուլի ասուլիսի ժամանակ հայտնեց ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանը:
«Մենք հունիսի 27-ին առաջին ատյանի դատարան միջնորդություն ենք ներկայացրել Քոչարյանի խափանման միջոցը փոխելու համար, սակայն մինչ օրս այդ միջնորդությունը չի քննվել: Առաջին ատյանի դատարանը պարզաբանում է, որ չի կարող քննել մեր միջնորդությունը, քանի որ գործը գտնվում է վերաքննիչում, իսկ վերաքննիչը պատասխանում է, որ չի կարող գործն ուղարկել առաջին ատյանի դատարանին, քանի դեռ դրա բողոքարկման ժամկետը չի ավարտվել»,-ասաց պաշտպանը:
Նա կոչով դիմեց ՄԻՊ Արման Թաթոյանին՝ անհապաղ միջամտելու այս հարցին, քանի որ տեղի է ունենում բացահայտ ու կոպիտ խախտում: Ալումյանը նշեց, որ օրենքը նախատեսում է, որ միջնորդությունները պետք է քննվեն անհապաղ:
Նրա գնահատականով՝ Քոչարյանի գործով դատավոր Արմեն Դանիելյանն արել ու անում է ամեն ինչ, որպեսզի հնարավորինս շատ խախտի Քոչարյանի իրավունքները:
«Պետք չէ զարմանալ, որ Դանիելյանը գործը չի ուղարկում առաջին ատյանի դատարան, քանի որ նա մինչ այս էլ ամեն ինչ անում էր, որ Քոչարյանի իրավունքները խախտվեն»,-ասաց պաշտպանը:
Նա հայտնեց նաև, որ այսօր լրանում է վերաքննիչ քրեական դատարանի կայացրած վճիռը բողոքարկելու ժամանակը, և դատավորը գործը պետք է ուղարկի առաջին ատյանի դատարան։
Հիշեցնենք, որ հունիսի 25–ին ՀՀ Վերաքննիչ քրեական դատարանի դատավոր Արմեն Դանիելյանը որոշում կայացրեց կալանավորել Արցախի նախկին և ներկա նախագահների անձնական երաշխավորությամբ ազատ արձակված Ռոբերտ Քոչարյանին, իսկ նրա և մյուսների վերաբերյալ գործի վարույթը կասեցնելու առաջին ատյանի դատարանի դատավոր Դավիթ Գրիգորյանի որոշումը բեկանել և գործն ուղարկել նոր քննության։
ПОСЛЕДНИЕ ОТ АВТОРА
-
2025-05-09 19:48Правительство Индии заявило, что Пакистан использовал беспилотники турецкого производства для проведения разведывательных операций над территорией Индии. Об этом сообщает издание The Economic Times.
-
2025-05-09 19:43Началось серьезное давление, увольняют с работы моих товарищей по команде, родственников, друзей. Об этом заявил в видеоматериале, распространенном на своей странице в Facebook оппозиционный депутат, экс-кандидат в мэры Гюмри Мартун Григорян.
-
2025-05-09 19:41Делегации Армении, Азербайджана, Беларуси, Казахстана, Кыргызстана, России, Сербии, Таджикистана, Туркменистана, Узбекистана при ОБСЕ выступили с совместным заявлением по случаю 80-летия Победы над нацизмом во Второй мировой войне. Об этом сообщает МИД Беларуси.
-
2025-05-09 19:37Кремль не намерен реагировать на желание некоторых стран Евросоюза учредить «антироссийский трибунал». Об этом сообщил пресс-секретарь президента РФ Дмитрий Песков, отвечая на вопрос ТАСС.